Jerimaya 19:4 - FỊAFỊA BAỊBỤLỤ

⁴ À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 19:4 Iomraidhean Croise

2 Amadapụ 21:16

Anie sikima, Manasẹ kpọma mịẹye-ofori apụ ḅaam Jeruselemu ḅụ, gbọrụ kunoma ḅụ saakị mu jen kunoma la; ò miemẹ mịẹm, ò Juda ḅẹ apụ toluma mu sunsin oru-afụḅara pịrị tẹ KỊNỊNYANAḄỌ ḅe ḍiki-tọrụ ḅụ siye mịẹ ye mẹ sikima.

2 Amadapụ 23:10

Ọ̀ nwẹnị Bẹnị-hinomu ḅẹ tụndụ ogboku ḅụ sime Tofẹti pilema mịẹtẹ gbọrụḅọ-sọ ḅarị mḅọ owiḅọtụḅọ, anịanịa ẹrẹḅọtụḅọ dọkịma tẹ kẹ agba mịẹ Molẹkị pịrị ḅịa ḅara.

2 Amadapụ 24:4

na pịkị mịẹye-ofori apụ tẹ ọ̀ ḅaa ye mẹ. KỊNỊNYANAḄỌ ḅe mị si mẹ wẹrịso ọ̀ pịrị ḍụkụ-a.

Devidi-Anume 106:38

In mịẹ si ofori ḍọkọḍọkọ-awọmẹ ma ḅaam, tẹ arị akịnị-ḅa mẹ amakiri mẹ pilemam.

Ayịzaya 59:7

Sakị mamgba ọ́ gbọrụ siye tọn-arị, tẹ ḅụụ-fụkamam ó koru tẹ anị mị. Mịẹye-ofori apụ ma ḅaa ḅụ gbala-gbala ó ḅio-maaịn-tọn nyana-nyana-a. Ó mu anga mu anga sima na guluguluma na mie ọ́ mịẹ koroma tẹ soarị,

Ayịzaya 65:11

“Kụma ọmịnị ị̀ sịkịarị apụ ma ye paka ọ́ pịrị ḅarị ḅara kịrị ḅa, anie Zayọnị, ị̀ fịafịa tụndụ mẹ ḍiki-tọrụsin-arị apụ ma, tẹ Gadi na Meni na anie iḅi-fụḅara na iḅi-so na kẹ kịnị pịrịarị nwẹn ḅẹẹ atamụnọ ma tẹkẹarị apụ ma.

Jerimaya 1:16

À fomu-ḅara kẹ ị̀ atomi pịrị ḅa, in si mịẹ tẹ ẹrẹsị; ini ị̀ sịkị tẹ agba mịẹ-mịẹ oru-atamụnọ pịrị tẹ ẹrẹsị, pịkị oru-afụḅara tẹmẹ tẹ sunsin arị pịrị tẹ.”

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 16:11

Anịtẹso í ḍuko ịn pịrị ḅa mịnẹ KỊNỊNYANAḄỌ ḅe ḍuko tẹẹ, ‘ọmịna elemu aḍapụ ma ị̀ ḅụụ pịkị-som, tẹ sunsin oru-atamụnọ pịrị tẹ fịrịmẹnjị ịn pịrịm. Ini ị̀ kẹ gbin koroma-so tẹ ì toluma aị ma poki tẹ mịẹ-a.

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 17:20

Ḍuko amadapụ ma na, Juda ḅẹ apụ mamgba na, Jeruselemu ḅio angarị ḅọ goḅọ-goḅọ na tẹ ma ogigo-aḅọkọ ma ḅụ mẹnjị sọarị apụ ma pịrị ini à ḍukoarị ye pokii.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:17

Izirẹlị, ị́ ḅarana miemẹ dogi-ḅo ị́ ḅụụ pịrịm! Ị́ yẹrị KỊNỊNYANAḄỌ, ị́ Tamụnọ ḅe ḅụ mangị-som, yẹrị tọrọkọ tarị ị́ pịrị ma muarị ogbo.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 2:34

Ọmịna akapa ma igoin-apụ na mịẹ si ofori apụ na ọmbie arị ọmbịma wararị, warị kan sọ-sọ tẹ ye furuarị apụ ọmbie-a. Kụma ma mamgba ọgọnọ ḅụ sọ,

Jerimaya 22:17

Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Jerimaya 22:3

Yẹrị, KỊNỊNYANAḄỌ ḅe oloko-sụa ọ́ pịrịarị mịnẹ ọ́ jụmọ inoma ofori ye na kuraye na mịẹẹ. Ọ́ kịnị inomarị ḅọ mẹ gbaịn ḅọrọma mḅọ inomarị ḅọ mẹ ḅụ. Ó si ḅara anịanịa ponoma ḅara kẹ jen asịẹ ḅẹ apụ na, ḍapụ-na-iyingiapụ-na fịtẹ awọmẹ na, diapụ-fịtẹ-ereme na mịẹ ma, pịkị in ponoma ma. Mị fịafịa yọ mẹ ḅụ ọ́ mịẹye-ofori apụ ḅaa ma.

Jerimaya 26:15

Kụma ó miemẹ nimi lamaa, ọmịnị ị̀ ḅaam ḅẹḅẹ, ọmịnị na mị ama mẹ ḅẹ apụ ma na mịẹ si ofori tomḅọ ḅaa-ḅẹrẹ-ḅarasi nyana ḅa, KỊNỊNYANAḄỌ ḅe mie ị̀ fịrịma ye à mị ḅeri nụnụ ẹkwẹn mẹ kẹ ọ́ pịrịị ẹrẹsị.”

Jerimaya 26:23

Ini ọ̀ kẹ pịkị-ḅo Ama-da Jehohakịmụ pịrịm, tẹ ọ̀ nwẹnị ọ̀ ḅaa tẹ ori oju akpakpa mẹ kẹ ama ḍụẹịn ḍiḅi piri-ḅio gbin koroma.)

Jerimaya 44:3

ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 5:6

Anie ẹrẹsị opu piri-ḅio paka-ḅo ọkụkụ ịn ḅaa ḅa; anana kun pẹị-pẹị anama ịkpa ḅio sime tẹ ḅo ịn kanị-kọsịma ḅa, tẹ sịrị amẹẹ ịna ama ḅio mẹnjị-mẹnjị ḅọrọ ḅa Arị atomi ma mẹnjị paka-paka, ini ịn kẹ maaịn-maaịn puu ḅa, ịna asi ma ḅaka tẹẹ ẹrẹsị; tẹ sakị-sakị ḅụ ini ọḅụ kẹ Tamụnọ gbin tẹẹ.

Jerimaya 7:6

Ọ́ jen asịẹ ḅẹ apụ na, ḍapụ-na-iyingiapụ-na-fịtẹ-awọmẹ na, diapụ-fịtẹ-ereme na inoma dasịẹmaa. Ọ́ mịẹye-ofori apụ ḅaa dasịẹmaa, mị amakiri mẹ ḅụ. Ó sunsin oru-atamụnọ pịrị dasịẹmaa, kẹ gotẹ ọkọ ḍukoarị, anị ọ́ ḅaa guluguluma ḅa.

Jerimaya 7:9

Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Izikẹlị 20:26

Àrị ịn wẹrịso tẹ ini ịna soku-ḅẹ ḍiepịrị-aị kẹ ịna aḅụụ pilemam tẹ ịn wẹrịso tẹ ini ịna mgbe ma kẹ agbamịẹ. Mie kẹ fomu-ḅara kẹ ịn pịrị tẹ kẹ ịn ḍie mịnẹ yẹrị anie KỊNỊNYANAḄỌ ḅe.

Izikẹlị 7:22

À ḅụụ kẹ anị ḅụ suu ḅịa, kụrọ-ḅara kẹ ye furuarị apụ ma ị́ ḅụụ yela-lama wararị Warị mẹ mịẹ-sima tẹ kan sọ mu tẹ anị pilema ḅẹ sakị.

Izikẹlị 8:11

Izirẹlị ḅẹ sịḅịdapụ ma ḅẹ kịnị atesi oyi apụ finji anịanga simem, Jazanaya, Safani tụḅọ ḅẹ sọ, ịna ḅụ ḅẹ gbọrụḅọọ. Ọrụḅọ-ọrụḅọ gbọrụ kụnụaị-dọkịmaye ọlọm, tẹ onwin turee-tureema kụnụye mẹ ḅụ iwom.

Danẹlị 11:31

Ori ọmụapụ ma ḅe jen-apụ Tamụnọ-warị mẹ pilema ḅa. Ini ene-ḅaaene-ḅaaene ḅẹ agba ma dasịẹma tẹ “Ḅalafama Sịḅị-jịrịmaye Mẹ” saakị sịẹma ḅa.

Luku 11:50

Ọkọẹrẹsị mị sakị mẹ ḅẹ atomi ma in fomu-ḅara kẹ ịn pịrị ḅa, tomikiri mẹ bịan tẹmẹ kụra-ḅio tomi ḅaa tẹ ịkịankoroapụ ma gotẹ,

Ditẹrọnọmị 13:13

mịnẹ ofori-ofori gbọrụ atomi ọmịna ogbo-ḅio paka mu opu ama mẹ ḅio sime apụ ma nụnụ so tẹ ḅẹẹm: Ó yee wa mu fịrịmẹnjị oru-atamụnọ pịrị, arị aị ma tẹ amụ ọ́ nimi-a aị ma,

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;

Ditẹrọnọmị 28:20

KỊNỊNYANAḄỌ ḅe wori-anume na, ḅịḅị-kẹ-ogbosọ-a na, mịẹye-mịẹye ḅara ḅẹ sọ-a na, kẹ ọ́ fịrịma ḅa ọ́ nyanatẹ mịẹ ḅarị aị mamgba ḅụ, nwenii ọmịnị ọ́ mịẹarị amịẹaị ma ḅẹ siye mẹ ḅụ fịị tẹ fọnya fa fama ḅa, gbala ọmịnị ị̀ sịkịtẹ ẹrẹsị.

Ditẹrọnọmị 28:36

“KỊNỊNYANAḄỌ ḅe ọmịnị na, ọmịna amadaḅọ tẹ ọ́ kẹ ọmịna sịḅị-dama ḅọ na ọkị-ḅo gbọrụ opu sịẹ tẹ ọmịnị, anịanịa ọmịna aḍapụ sọ amụ nimi-a sịẹ pịrị ḅa; tẹ anịjụ ọ́ fịrịmẹnjị ịn sịn na, ḍụḅarị na kẹ mịẹ ja oru-atamụnọ pịrị ḅa.

Ditẹrọnọmị 28:64

“Anịsakị KỊNỊNYANAḄỌ ḅe ọ́ gala-galama ḅa tomi-kụlọkụlọ mamgba ogbo-ḅio tomikiri mẹ ḅụ gbọrụ kunoma ḅụ ọkị mu osi kunoma la; tẹ anịjụ ḅụ ọ́ fịrịmẹnjị sịn na ḍụḅarị na kẹ tẹmẹ ja oru-atamụnọ ma pịrị ḅa, arị aị ma tẹ ọmịnị, anịanịa ọmịna aḍapụ sọ nimi-a aị ma.

Mịẹfinji 16:6

Ịn Tamụnọ atomi ma na, ịkịankoroapụ ma na, ọmbie ọsụmam ẹrẹsị, mịọkụ ị́ ọmbie kẹ ịn pịrị tẹ in ḅuu tẹ. Ịn la na-iḅi fomu-ḅara mie ịn la ye.

Ḅẹrẹkọn-apụ 5:8

Ini oru-atamụnọ sẹlẹ-ọkị sakị, anị sakị ọmụ korom ogigo-aḅọkọ ma ḅụ. Izirẹlị ḅẹ kịnị sọnọa puku ogbo-ḅio (40,000) ḅụ kịnị ekpeke anịanịa sụḅa ẹrị-a!