Jerimaya 19:2 - FỊAFỊA BAỊBỤLỤ

² tẹ Ẹkẹkẹ-apakịrị Ogigo-Ḅọkọ mẹ ḅụ mẹnjị-toluḅọrọ mu Hinọmụ Tụndụ-suku mẹ la. Anị anga àrị ọ̀ kẹ ị́ pịrị ḅarị oku mẹ ḍuko wasama ḅẹm.

Jerimaya 19:2 Iomraidhean Croise

2 Amadapụ 23:10

Ọ̀ nwẹnị Bẹnị-hinomu ḅẹ tụndụ ogboku ḅụ sime Tofẹti pilema mịẹtẹ gbọrụḅọ-sọ ḅarị mḅọ owiḅọtụḅọ, anịanịa ẹrẹḅọtụḅọ dọkịma tẹ kẹ agba mịẹ Molẹkị pịrị ḅịa ḅara.

2 Paka-aị 28:3

Tẹ Bẹnị-hinomu tụndụ-ogboku ḅụ kụnụaị dọkịmam, tẹ agbamịẹ ḅara ḅụ ori owiapụ-awọmẹ sọ dọkịmam, tọn-tọn amịẹaị ma tẹ KỊNỊNYANAḄỌ ḅe Izirẹlịapụ ma tọrọkọ dee opu asịẹ ma wẹrịtẹ mịẹ-mịẹ ḅara.

2 Paka-aị 33:6

Ori agbamịẹ ḅara ḅụ ori owiapụ-awọmẹ dọkịmam Hinọmụ tụndụ ogboku ḅụ, tẹ okoḅa-sarasara-ye-gbelapụ tẹ ye ḅii na, feni fie ye naa tẹ paka ḅẹ ye ḍuko na, arị amịẹaị na mịẹ, tẹ fụḅara-ḍiki-ḅịrịapụ na, arịapụ na mẹnjị kọn gboloma. Ọ̀ kpọma KỊNỊNYANAḄỌ ḅe ḍiki-tọrụ ḅụ siye mịẹ lamam, tẹ kẹ ori ịganị sịn saakịm.

Nehimaya 3:29

Ịn ḅọrọ tẹso, Zadọkụ, Ịma owiḅọtụḅọ ḅe ò soku-ḅẹ warị na dama-dama tẹlẹmam. Ọ̀ ḅọrọ tẹso, Sẹmaya, Sekanaya owiḅọtụḅọ, Ịrụa-saakịarị-anga ḅẹ Ogigo-ḅọkọ ḍikiḍikiḅọ ḅe tẹlẹmam.

Jerimaya 1:7

Kụma KỊNỊNYANAḄỌ ḅe ị̀ ḅẹẹm, “Ḅẹẹ ma mịnẹ ị́ asambịrịma ḅakam, kụma arị ị́ kẹ fịrịmarị apụ ma dama-muu, tẹ à tọn ị́ pịrịye pịrịye ḍuko ịn pịrịị.

Jerimaya 11:6

Anịtẹso KỊNỊNYANAḄỌ ḅe nwẹnị ị̀ ḅẹẹ, “Juda ḅẹ opu ama ma na Jeruselemu etela-ogbo ma na muu. Ì oku mẹ ḍuko wasama arị anga ḅụ, tẹ ḍuko tomi ma pịrị tẹ ini ọḅọkụ mẹ sịẹ pịrị aị ma poki.

Jerimaya 18:2

“Mẹnjị ideri kuku-tẹmẹḅọ ḅe warị muu, anị anga àrị ì oku kẹ ị́ fịrịma ḅa.”

Jerimaya 26:2

KỊNỊNYANAḄỌ ḅe ị̀ ḅẹẹm, “Tamụnọ-warị mẹ ḅẹ ogigo mẹ ogboku sịẹsime tẹ à tọn ị́ pịrị tẹ í ḍuko ḅẹ aị mamgba ḍuko wasama Juda ḅẹ ama ma ḅụ sime tẹ ḅo sunsin Tamụnọ pịrị ḅẹ apụ ma pịrịị. Gberie-sọ siin ma.

Jerimaya 3:12

Ò ḍuko ị́ pịrịm àrị Izirẹlị ḅẹẹ, “Ḅioḅẹngbọ kẹ ḅụụ ḅụ gbana na-iḅi-a Izirẹlị, pịkịma ị̀ ḍọkụma-ḅoo. Àrị ọkụrụkụrụ nyana wararị, tẹ arị ịganị ḅịa, arị ịganị ị́ pịrị mu ḅẹẹ-sakị ḅẹẹ-sakị la ḅịa.

Jerimaya 32:35

Hinọmụ Tụndụ-suku mẹ ḅụ ini agbamịẹ-anga ma nama Balị pịrịm, kẹ ịna owiapụ-awọmẹ na eremịna-awọmẹ na kẹ agbamịẹ Molẹkị nwẹn-sịn tamụnọ ḅe pịrị ḅẹ ḅara. Yẹrị tọn ịn pịrị-a ịn miemẹ mịẹ, tẹ ì kuroma kịngẹ sọ anị sọ-a mịnẹ ini ọkọ sime ye mịẹ, tẹ Juda ḅẹ apụ ma mịẹ tẹ in si mịẹ.”

Jerimaya 7:2

Mie KỊNỊNYANAḄỌ warị mẹ ḅẹ ogigo-ḅọkọ sịẹ tẹ mịẹ oku mẹ ḍuko-wasamaa. Ọmịnị Juda ḅẹ apụ mamgba tẹ mịna ogigo-aḅọkọ ma ḅụ ḅọrọ ḅo sunsin KỊNỊNYANAḄỌ ḅe pịrị apụ, ọ́ KỊNỊNYANAḄỌ ḅẹ ẹkwẹn mẹ naa.

Jona 3:2

Ori mẹẹ, “Saakịị! Fọnya Ninive muu! anị ḍụḅatẹ opu ama mẹ, tẹ ḍuko wasama tomi ma pịrịị, à kẹ ị́ fịrịma tẹ oku mẹ.”

Matiyo 10:27

Yẹrị ḍin ḅụ ḍuko ọ́ pịrị ye mẹ, ọmịnị anị gbọrụ ye mẹ ḍuko tomi pịrị nyanam eneḅaka fịafịa ogbo ḅụ, tẹ jen-apụ ofori tẹ ọ́ naa ye mẹ ọmịnị anị kẹ ama olokuu.

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.

Fịrịmẹnjịapụ 5:20

“Ó mu Tamụnọ-warị mẹ ḅio sịẹ tẹ mị ịwọ ḍumo mẹ gbolomaye mamgba ḍuko tomi ma pịrịị.”

Jọsụwa 15:8

anịtẹrẹmẹ oke mẹ inọmụ owiḅọtụḅọ ḅe Tụndụ Ogboku mẹ ḅẹ akaka ḅụ iwo ọgọnọ Jebusi ḅẹ suku-jụ pakịrị mẹ ḅẹ akaka (anie Jeruselemu) mu tẹ ịrụa-ideriarị-anga ḅụ Inọmụ Tụndụ Ogboku mẹ saḅa anga ḅụ iwo tụndụ mẹ sịḅị ọgọnọ ḅọrọm Rẹfayimu Tụndụ Ogboku mẹ ḅẹ ọgọnọ-jụ ḅẹ kunoma ḅụ.