Jerimaya 19:13 - FỊAFỊA BAỊBỤLỤ

¹³ Jeruselemu ḅẹ awarị ma na, Juda ḅẹ amadapụ awarị ma na, tẹ karakara-ḅara-ḅụ warị mamgba tẹ ini arị isun ọgọnọ kụnụaị dọkịma lolia ma pịrị tẹ aị ma, pịkị iru sara ḍiepịrịye kẹ oru-atamụnọ pịrị tẹ ayọ ma — arịmgba fịafịa-a ḅara sime ḅa Tofẹti sime-ḅara.”

Jerimaya 19:13 Iomraidhean Croise

2 Amadapụ 17:16

Ịn KỊNỊNYANAḄỌ ịna Tamụnọ ḅe tọn aị mamgba sịkị tẹ ḅara kẹ tẹmẹ maa anambulo awọmẹ kịka aị tẹmẹ ịna aḅụụ pịrị tẹ; ịn Asẹra fụḅara mịẹm tẹ sunsin kẹ So-ḅio sime aị mamgba pịrị tẹ fịrịmẹnjị Balị pịrịm.

2 Amadapụ 23:10

Ọ̀ nwẹnị Bẹnị-hinomu ḅẹ tụndụ ogboku ḅụ sime Tofẹti pilema mịẹtẹ gbọrụḅọ-sọ ḅarị mḅọ owiḅọtụḅọ, anịanịa ẹrẹḅọtụḅọ dọkịma tẹ kẹ agba mịẹ Molẹkị pịrị ḅịa ḅara.

2 Amadapụ 23:12

Ahazi warị mẹ ḅẹ ọgọnọ ḅẹ ḅio mẹ isun ọgọnọ sime ebeka mẹ, aniemẹ tẹ Juda ḅẹ amadapụ ma nama ye mẹ na, Manasẹ KỊNỊNYANAḄỌ ḅe warị mẹ ḅẹ anụngọ ma ḅụ nama ebeka ma na, kan sara tẹ kẹ pakịrị-pakịrị puu tẹ dọkịma fọọn mịẹ, tẹ nwẹnị arịḅẹ afọn ma kẹ Kidirọnị ḍaḅa ḅio nguma.

2 Amadapụ 23:14

Ọ̀ nwẹnị ịḅalị ma kẹ pakịrị-pakịrị puu, tẹ Asẹra fụḅara mẹ pẹlẹ-gbin tẹ tomina mgbe kẹ arị sime akiri ma sara ḅinma.

Devidi-Anume 74:7

Ịn nwẹnị ị́ Warị mẹ kan kọsịma tẹ fịnị kẹ anị dọkịmam; tomi sunsin ị́ pịrị-pịrị anga mẹ ini anị pilemam.

Devidi-Anume 79:1

Yei Tamụnọ, oru nimi apụ ma owu kẹ ị́ amakiri mẹ paka ḅẹ ḅo tẹ. Ini ị́ fịafịa Warị mẹ pilema tẹ Jeruselemu mẹ kan sara tẹ.

Ayịzaya 22:1

Mie Ịkịan Ẹrị Tụndụ-suku mẹ gboloma oku mẹẹ. Tiye ẹrẹsị ama mẹ ḅo atomi mamgba warị isun-isun ḅụ sime tẹ tii-arị?

Jerimaya 19:12

À minini tẹ mịnẹ à mịẹ opu ama mẹ na anị angarị apụ na kẹ Tofẹti kịkama ḅa.

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Jerimaya 44:18

Kụma agbamịẹ So ḅẹ Ama-da Ere-oru ma pịrị mẹ dasịẹma tẹ ḅarị iru sara á pịrị-a kụra ḅio, wa ḅarị gberie-sọ nyana-a, tẹ wamịna atomi pịkị ọmụ ḅio na ḅuru-ḅa na ḅụ fịị tẹẹ.”

Jerimaya 52:13

Ọ̀ Tamụnọ-warị mẹ dọkịma kiri lamam, Amada-Opu-warị mẹ na Jeruselemu ḅẹ opu atomi mamgba awarị na.

Jerimaya 7:18

Awọmẹ ma sanga kolokoloarị, owiapụ ma fịnị tọnọarị, tẹ ereme ma fịlawa kpoo-kpoo tẹ kẹ kiki mịẹ-mịẹ ịn kẹ So-ḅẹ-Amada-Ẹrẹḅọ nwẹn sịn ẹrẹ oru ma pịrịarị. Ịn pịkị iru sara oru-atamụnọ pịrịarị, kẹ ị̀ ḅụụ-sịnịsịnịma ḅẹ ḅara.

Jerimaya 8:2

Ini arị kobiri tẹ ḍiḅi ḅẹ nakara ịna mgbe ma vooma kiri ḅio sara sime ḅa, kẹ ḍụọ ḍiḅi ḅẹ ḅụrụtẹ fun sara ḅara. Ini arị gala-galama sara ịrụa na akalụ na lolia ma na pịrị ḅa, anie mịna atomi ma ḅẹlẹma tẹ fịrịmẹnjị pịrị sime aị ma, anie ini arị aḅịḅị ḅii tẹ sunsin pịrị aị ma.

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Fịrịmẹnjịapụ 10:9

Anị ḅẹ ene-ḅaa ḅụ oku mu apụ ma mu Jọpa mẹ kpeki sakị, Pita sọ pịkị mu warị isun ọgọnọ eneḅaka ogbo ḅẹ tẹkẹ kọn ḅẹ mu tẹ.

Fịrịmẹnjịapụ 7:42

Mie ḅụ Tamụnọ nwẹnị in ḍiki-tọrụsin, tẹ ịn nwẹnị So-tọrụ ḅẹ alolia ma tẹkẹ, anie ịkịankoroapụ ma ḍiri ḅio anị kẹẹ ḅara: Izirẹlị ḅẹ awọmẹ, ọ́ kụra amesi kẹ ịkpa mẹ ḅio sime sakị, ọ́ nama ḅaa tẹ mịẹ agba mẹ, ọ́ mịẹ ị̀ pịrị-a.

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.