Jerimaya 19:1 - FỊAFỊA BAỊBỤLỤ

¹ KỊNỊNYANAḄỌ ḅe ḍuko ị̀ pịrịm à mu ọgbọịn-lịka kẹ tẹmẹ jongo fẹ. Ọ̀ pịkị ḍuko ị̀ pịrịm à tomi ma ḅẹ omongiapụ ma ḅẹ jen-apụ na, omongiapụ ḅara sime tẹ agbamịẹapụ ma na ọkị

Jerimaya 19:1 Iomraidhean Croise

2 Amadapụ 19:2

Ọ̀ nwẹnị Ẹlịyakịmụ, warị mẹ onyo-sẹịnḅọ ḅe na, Sẹbina ḍiri-kẹẹḅọ ḅe na, sịḅịda agbamịẹapụ ma na, akpa kẹ ḅụụ gbaịn wararị ḅara ḅụ ịn kẹ ịkịankoro Ayịzaya Emọzị owiḅọtụḅọ ḅe fịrịma.

Ayịzaya 30:14

Ọ́ gẹrẹgẹrẹ ḅarị ḅara, aḅaịn-ḅẹlẹ kịka ḅa; ọ́ gẹrẹgẹrẹ saratẹ kẹ anyịmgbọ tan-tan ye sọ paka-ḅo ḅịa, anịanịa kẹ minji ọngịọ-ọngịọ ye ḅio sụa ḅara la ye sọ paka ḅịa.”

Jerimaya 13:1

KỊNỊNYANAḄỌ ḅe ḍuko ị̀ pịrịm mịnẹ à mu lọkọ-ḅịtẹ okolo-kapa fẹ tẹ sụaa; kụma ò ḍuko ị̀ pịrịm à kẹ minji ḅio suu ma.

Jerimaya 26:17

Anie ḅọrọ tẹso, omongiapụ ma ḅẹ jen-apụ nwẹnị tomi ma tẹ ḅo kobiri apụ ma ḅẹẹ:

Jerimaya 32:14

“Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe tọn ị́ pịrịtẹ mịna aḍiri ma ọkịị — kiri-fẹ-ḍiri-apakịrị ma tẹ oḅolo wararị ye mẹ na finji wararị ye mẹ na — arị kẹ aram-ḅẹlẹ ḅio sụa, mịẹ tẹ arị kpaịn sime tọrọkọ-jụ kụra-kụra la ḅẹ ḅara.

Kururu Owu-apọkọ 4:2

Zayọnị ḅẹ ḅụụ ḅụ yela owiapụ-awọmẹ ma, karakara golu iku na gbẹẹya apụ ma, tọ-ḅara kẹ ini ịn kẹ aram-ḅẹlẹ tọnma kịẹn-arị, ḅẹlẹ tẹmẹḅọ aḅara ḅẹ kọrịnama!

Izikẹlị 4:1

Tamụnọ ḅẹẹm, “Fịị-fịị tomḅọ, gbọrụ biriki kpoo ọkị tẹ kẹ ị́ tọrọkọ koroma, tẹ anị anị ọgọnọ Jeruselemu mẹ kịkaye kẹ.

Izikẹlị 5:1

KỊNỊNYANAḄỌ ḅe ḅẹẹm, “Fịị-fịị tomḅọ, oḅuarị okologie ọkị tẹ kẹ ị́ mpọrị na ị́ sịḅị-ḅẹ-inume na, í oju simearị inume mamgba na sẹịn-siin. Anịtẹso inume mẹ kẹ ye-tọnye ọgọnọ tọn ḍiki tẹ anị kẹ tẹra anga ḍie.

Izikẹlị 9:6

Ọmịnị omongitẹ owiapụ ḅaa, pịkị asawọ na, iriawọ na, iyingiapụ na, ḍọkọḍọkọ-awọmẹ na. Kụma fụḅara-ḅọkọ ḅụ elekima mẹ nyanaḅọ goḅọ-goḅọ, ọ́ ḅara kẹ mḅọ lama ma. Mị yọ Tamụnọ-warị mẹ ḅụ ọ́ saakị.” Mie ḅụ ịn nwẹnị anịanga Tamụnọ-warị mẹ akaka sịẹsime sịḅịdapụ ma kẹ saakị.

Kịẹn-aḅịḅị 11:16

KỊNỊNYANAḄỌ ḅe nwẹnị Mozizi ḅẹẹ, “Izirẹlị ḅẹ omongiapụ ma ḅụ kịnị atesi oyi finji kobiri ḅo ì pịrịị, inima tẹ í nimim omongiapụ tẹ ḅẹrẹtọn in pịrịarị opu fịrịmẹnjịapụ nwẹn ḅẹẹ apụ; tẹ ịn kẹ kobiri Akpụrụ-warị mẹ ḅoo, tẹ yee ini na, na anịanga simee.

Matiyo 26:3

Anịtẹso agbamịẹapụ ma na omongi apụ ma na nwẹnị Kayafasị, Sịḅịda-Agbamịẹḅọ ḅẹ, opu warị mẹ ḅio kobiri,

Matiyo 27:1

Dede-funfun ḅụ agbamịẹapụ mamgba na ama ḅẹ omongi apụ ma na nwẹnị tọn-pẹlẹ mịnẹ ịn Jizọsị ḅaa ḅa.

Fịrịmẹnjịapụ 21:11

Ò ḅo wa la tẹ nwẹnị Pọlụ ḅiri-pono ḅịtẹ ọkị amịna aḅụọ na amịna aḅara na fịna, tẹ ḅẹẹ, “Mie Fịafịa Tẹmẹ ḅe ḍukoarị ye: Mị ḅiri-ponoye mẹ nyanaḅọ mẹ, mị ḅara mịẹ Jeruselemu ḅụ simearị Juu-ḅẹ apụ ma kẹ mḅọ fịna ḅarị ḅara, tẹ ini mḅọ saḅama Ja asịẹ ḅẹ apụ ma pịrị ḅa.”

2 Kọrịntị 4:7

Anịsọ wamịnị, mị tẹmẹ ḅụ ḅẹ ngọ mẹ kọn apụ ma, papaa aḅaịn-aḅẹlẹ mie wa kịkarị, mịẹtẹ kịnị nimi ḅẹ ḅara, mịnẹ kụrọ mamgba nyana ḅọ anie Tamụnọ, wamịnị-a.