Jerimaya 18:7 - FỊAFỊA BAỊBỤLỤ

⁷ Ḅẹẹ-sakị ḅẹẹ-sakị ḅụ à ḅẹẹm mịnẹ à suku-na-suku-na kẹ gbọrụ sịẹ anịanịa amadaḅọ daarị yọ soku-pakama ḅa, kan-sara, anịanịa guluguluma ḅa,

Jerimaya 18:7 Iomraidhean Croise

Suku-saakị 6:6

KỊNỊNYANAḄỌ ḅe nwẹnị kururu mịnẹ tomikiri mẹ ḅụ ò tomi tẹmẹ tẹ ye mẹ, tẹ anị nwẹnị ọ̀ ḅụụ-ḅẹsọ mu ọ̀ tẹmẹ la.

Jerimaya 1:10

Mịmgba à kụrọ kẹ ị́ pịrịarị, sịẹ-sịẹ ma na amadapụ daarị ayọ ma na ḅụ, kẹ suku-na-suku-na soku pakama-ḅoo, pịkị sukuruma-gbiin, tẹ ḅaa-gulugulumaa, pịkị famaa, namaa, tẹ ḍiḅii.”

Jerimaya 26:3

Ẹbịsịya tomi ma poki tẹ ịna si etela ma ḅụ ḅara-siin ḅa. Ini ọkọ mịẹm ḅẹḅẹ, anịsakị arị ì kuroma ḍima ḅa ịna si-sịḅịḅio amịẹaị ẹrẹsị à tọn tẹ kẹ ịn ḅaa-guluguluma ḅẹ ye mẹ ḅụ.”

Jerimaya 31:28

Tẹ à tọrụ kẹ kiri lama tẹ suku-na-suku-na nụnụ pakama-ḅo, sukuruma-gbin, pịkị-iḅo, guluguluma, tẹ pịkị ịn kan-sara gbọrụ ḅara mẹ, mie à pịkị tọrụ kẹ kiri lama tẹ ịn kẹ ḍiḅi, tẹ ịn nama sịẹma ḅarị ḅara.

Jerimaya 42:10

‘Ọ́ ḍụkụ tẹ mị amakiri mẹ ḅụ anga tọrọkọ-tọrọkọ mu-mu, anịsakị mie à warị nama ḅara kẹ ọ́ nama sịẹma ḅarịye, tẹ ọ́ kan-sara ḅịa ye, àrị ọ́ kẹ ḍiḅi ḅa, tẹ suku-na-suku-na ọ́ nụnụ pakama-ḅo ḅịa. Àrị ọkị-ḅo ọmịna ọgọnọ gbana ḅaa guluguluma mẹ ị̀ mịẹ tẹ à ḅẹlẹma kururuarị.

Jerimaya 45:4

“Kụma yẹrị, KỊNỊNYANAḄỌ ḅe, à nama tẹ aị ma nụnụ kan kiri lamarị. Bebe tomikiri mẹ ḅụ à miemẹ mịẹ ḅa.

Izikẹlị 33:14

Ẹbịsịya, à si tomḅọ ḅeri nụnụarị tẹ ḅẹ mịnẹ mḅọ fịị ḅa, kụma mḅọ si mịẹ dasịẹma tẹ kuraye na iḅiye na mịẹ-mịẹ —

Danẹlị 11:4

Kụma ọ̀ kụrọ ḅo anị la ḅẹ opu anga la sakị ọ̀ daarị tomikiri mẹ inia pakịrị ḍie ḅa. Ori ama-da ọrụ ḅụ paka-a amadapụ ò kiri ọkị tẹ ḅẹrẹ tọn ḅa, kụma ini ọ̀ nyana kụrọ nyana ḅịa.

Emọsị 9:8

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mie si-si-si mịẹarị Izirẹlị ḅẹ ama-da yọ mẹ ẹbịarị, tẹ àrị anị fama ḅa tomikiri mẹ ḅụ. Kụma à Jekọbụ furo-ḅẹ-apụ mamgba ḅaa fama ḅịa.”

Jona 3:10

Tamụnọ ịn mịẹ ye ẹrịm; ori ẹrịm mịnẹ ini ịna si-sịḅịḅio ye-mịẹ-ḅara mẹ ḅụ ḅara-siin tẹẹ. Mie ḅụ ori ò kuroma ḍima tẹ in fomu-a som, ọ̀ ḅẹẹm ọ̀ mịẹ ḅẹ ḅara mẹ.

Jona 3:4

Jona saakị opu ama mẹ mẹnjị-toluḅọrọ ma-mum, tẹ ò bebe gbọrụ ene kẹ mẹnjị tẹso, ò ḍuko-wasam, “Ḍin amesi sakị ḅụ Ninive faa ḅa!”