Jerimaya 18:6 - FỊAFỊA BAỊBỤLỤ

⁶ “À kụrọ nyana-a, kẹ ọmịnị Izirẹlịapụ ma na mịẹ, kuku-tẹmẹḅọ ḅe kẹ ọgbọịn-lịka mẹ kẹ mịẹ ḅara mẹ? Ọmịnị ma ị̀ ḅara-ḅio simearị ḅara anie ọgbọịn-lịka mẹ kẹ kuku-tẹmẹḅọ ḅe ḅara-ḅio sime gbọrụ ḅara mẹ.

Jerimaya 18:6 Iomraidhean Croise

Ayịzaya 45:9

Jen ene aram-ḅẹlẹ anị tẹmẹḅọ na ye-nụnụa tẹ, ja aḅaịn-aḅẹlẹ mamgba na kịka wararị ye mẹ? Ọgbọịn-lịka anị kẹ ye-tẹmẹḅọ gbela-gbela, ò tiye mịẹarị? Aḅaịn-ḅẹlẹ ḍuko-sụasụa, mịnẹ anị tẹmẹḅọ ḅara-ḍịn-a ḅoto?

Ayịzaya 64:8

Kụma, KỊNỊNYANAḄỌ, wamịna Ḍaḅọọ. Wa ọgbọịn-lịka na kịkam, tẹ aḅaịn-ḅẹlẹ tẹmẹḅọ na kịkam. Ị́yẹrị wa tẹmẹm,

Jerimaya 18:4

Ọgbọịn-lịka mẹ ḅẹ ye ḅarị ò ḅii ḅara sime-a sakị, ori anị ọkị tẹ kẹ jen ye tẹmẹm.

Jerimaya 18:5

Anịtẹso KỊNỊNYANAḄỌ ḅe ị̀ ḅẹẹm,

Danẹlị 4:23

Gburo-gburo Opuḅọ, í miemẹ ḍikiarị sakị, gbọrụ enjẹlịḅọ So-ḅio koro ḅo tẹ ḅẹẹm, ‘sịn mẹ pẹlẹ-gbin tẹ anị gulugulumaa, kụma anị ḅẹ ikiḅa mẹ wẹrịsoo kiri mẹ ḅio. Ikulele na ojo ḅẹ ḍigi kẹ anị kpọ ikelemaa, tẹ ḍụọ mẹ ḅio anị wẹrịsoo, tẹ anị osuka mẹ na sime. Yee igirigi mẹ ḅị tomḅọ ḅe ọgọnọ sịra, tẹ yee Ori anịanga ḅụ nama ma na sọnọma akụra kẹ anga gboloma.’ ”

Matiyo 20:15

À kụrọ nyana-a, ì igbigi kẹ ì ḅiotọn ḅara mịẹ? Anịanịa, à ḅara sarasara tẹ iḅi mịẹarị ye mẹ ị́ ḅụụ-ḅẹsọarị ḅoto?’ ”

Romu 11:34

Fịafịa Ḍiri mẹ wẹrịtẹ ḅẹẹ ḅara, “KỊNỊNYANAḄỌ ḅe kuroma nimi ḅọ tụḅọ? Tụḅọ inetẹ ḅẹrẹ ḍuko ò toluma ḅẹ?