Jerimaya 18:23 - FỊAFỊA BAỊBỤLỤ

²³ Kụma KỊNỊNYANAḄỌ, ini ị̀ ḅaa ḅẹ gotẹ ḅiya aḅẹrẹ mamgba í nimi wararị. Ịna si mẹ kẹ ḅioḅọrọma ma anịanịa ịna si-wẹrịso. Ịn kẹ kiri gbin owu-ḅara-sii ḅụ, tẹ ị́ ịganịarị ogbo ị́ kẹ ini na mịẹ ḅẹ ḅara kẹ ini na mịẹẹ.”

Jerimaya 18:23 Iomraidhean Croise

Devidi-Anume 119:126

KỊNỊNYANAḄỌ, í ye mịẹ ḅẹ sakị mẹ la tẹ, kịnị í oloko mẹ poki tẹ mịẹ-a ẹrẹsị.

Devidi-Anume 35:4

Yee ị̀ ḅaa ḅẹ ḍọkịarị apụ ma owu kiri ḅịkị tẹ ḅụụ-jịrị! Yee ḅẹrẹ-ḅiya ị̀ pịrịarị apụ ma pịkị ọḅụ da tẹ pikiri-pikiri!

Devidi-Anume 56:8

Ḅụụ-fụka ị̀ na la ḅara í nimi wararị; owu-aminji ị̀ tọrụ sara la ḅara ị́ kịẹn nimim. Arịḅẹ kịẹn-aḅịḅị ma í ḍiri ḅio kẹẹ koro-a?

Devidi-Anume 59:5

KỊNỊNYANA-TAMỤNỌ, Kụrọ mamgba Nyanaḅọ, saakịị, tẹ ḅo ḅarasụa ị̀ pịrịị; Izirẹlị Tamụnọ, ị́yẹrị ḅarana ẹrị! Saakị tẹ oru nimi apụ ma fomuu; ọkụrụkụrụ nyana kịnị kẹ ịba-fịarị si-mịẹapụ ma pịrị ma!

Ayịzaya 10:3

Tamụnọ ó fomuarị sakị ọ́ mịẹ ḅẹ ye tiye? Ori ala jụ simearị opu sịẹ kẹ opu ḅụụ-fụka ọkị-ḅo ọmịna ọgọnọ gbanarị sakị ọ́ mịẹ ḅẹ ye tiye? Ọ́ mangị tọ-anga mu tẹ ḅarasụa nyana ḅẹ? Ọmịna opu ngọ ma ọmịnị arị ḅọị ḅẹ anga tọ-anga?

Ayịzaya 2:9

Ịna ḅụ ọrụḅọ-ọrụḅọ iderima tẹ tọrụ-tuu ḅa ḅụụ-jịrị ḅụ. KỊNỊNYANAḄỌ, wẹrịso ịn pịrị ma!

Jerimaya 11:23

À sakị tọn pẹlẹ tẹẹ, àrị opu ḅụụ-fụka ọkị-ḅo Anatọtị ḅẹ apụ ma ọgọnọ gbana ḅẹ sakị, tẹ anị sakị mẹ ḅụ, ịna ḅụ gbọrụḅọ-sọ ḅọrọ ḅịa.”

Jerimaya 15:15

Anịtẹso à ḅẹẹm, KỊNỊNYANAḄỌ, ị́yẹrị ye sime-ḅara nimi wararị. Ị̀ kẹ ḅiokoroma tẹ ḅarasụa ị̀ pịrị. Minini ị̀ pịrị tẹ à ḅaa-ḅọkọ kẹ ị̀ ḍọkịarị apụ ma gbẹẹfị ḅii. Gbọsime ịn pịrị nwenii tẹ ini ị̀ ḅaa ma. Kẹ ḅiokoroma mịnẹ ị́ sịḅị mie in gotẹ ị̀ mịẹ-simarị.

Jerimaya 17:18

Tọrụ-tuu ọkị-ḅo ḅaa-ḅọkọ kẹ ị̀ ḍọkịarị apụ ma pịrịị, kụma ḅara-wẹrị ị̀ pịrị, KỊNỊNYANAḄỌ. Tẹmẹ-naịn-naịn kẹ ịna ḅụụ ḅio suu ḅinma, kụma yẹrị ị̀ tẹmẹ-naịn-naịnma ma. Opu ḅụụ-fụka ọkị-ḅo ịna ọgọnọ gbana tẹ ịn gbẹẹ-kọsịmaa.

Jerimaya 17:4

Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 26:11

Anịtẹso agbamịẹapụ ma na ịkịankoroapụ ma na nwẹnị sịḅịdapụ ma na tomi ma na ḅẹẹm, “Ḅị tomḅọ ḅe, ḅaa-ḅẹrẹ-pẹlẹ ọ̀ sịḅị gbana na-iḅim, ọ̀ tụḅụrụ ẹkwẹn kọn mị opu ama mẹ pịrị tẹ ẹrẹsị. Ọmịnị ḅarana ọmịna aḅeri kẹ naam.”

Jerimaya 26:8

tẹ à KỊNỊNYANAḄỌ ḅe tọn ị̀ pịrịm à ḍuko nwẹn ḅẹẹ aị ma ḍuko fama tẹso, ịn nwẹnị ì kun tẹ oloku, “Ị́ fịị nyanam miemẹ gotẹ!

Jerimaya 37:15

Ini ịganị ị̀ pịrị ḅara ḅụram, tẹ tọnm mịnẹ ini ì fomu tẹ ì kẹ ịkasị wẹrị Jonatanị warị ḅio, ama-da ḅẹrẹ-siri mẹ ḅẹ ḍiri-kẹẹḅọ ḅe, ini ọ̀ warị mẹ kẹ ikoli-warị sọmam.

Jerimaya 38:4

Anịtẹso fịrịmẹnjị-opuapụ ma nwẹnị amadaḅọ ḅe dama-mu tẹ ọ̀ ḅẹẹm, “Ḅị tomḅọ ḅe ọ̀ fịị nyanam. Ọ̀ mị-ḅara ẹkwẹn-arị ye, mịẹ-mịẹ tẹ opu ama mẹ ḅio simearị ọmụapụ ḅarị ḅiokpọ nyana-a, tẹ ọ̀ pịkị mị gberie mẹ kẹ opu ama mẹ ḅio kirikọnḅọ goḅọ-goḅọ mịẹarị. Ọ̀ ḅarasụa tomi ma pịrị-a; ye kẹ ịn lama kịngẹ mie ọ̀ ḅiiarị.”

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 6:21

Tẹ anie ḅụ à mịna atomi ma mịẹ tẹ ịn pụmbụ tẹ ḅịkị ḅa. Ḍapụ-na-iyingiapụ-na awọmẹ na fịị ḅa, tẹ anị gbọrụ ḅara mẹ anie anị paka ikiapụ na kpeki tẹ angarị apụ na pịrị ḅarị ḅara.”

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Kururu Owu-apọkọ 3:60

Ịna gbẹẹfị mamgba ị́ ẹrị tẹẹ, ịn ḅiya ị̀ pịrị ḅẹrẹ mamgba sọ.

Kururu Owu-apọkọ 3:61

Yei KỊNỊNYANAḄỌ, ịna wori-anume ma ị́ naa tẹ, ịn ḅiya ị̀ pịrị ḅẹrẹ mamgba sọ.

Luku 21:22

Arị ene ma anie ‘Fomu-ḅara ḅo tomi la ḅẹ ene ma,’ tẹ Fịafịa Ḍiri mẹ ḍuko aị mamgba mịẹ fama ḅa.

Romu 2:5

Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa.