Jerimaya 18:22 - FỊAFỊA BAỊBỤLỤ

²² Si atomi ogbo kẹ fịrịma mu ịna awarị fọịn ini ịba naa-a ḅara ḅụ; ịn mịẹ tẹ ini opu ḅalafa kẹ oloku pakama. Ini olulu soku ị̀ pịrịtẹ à ḅịkị sọ ḅẹ ḅara, pịkị ḍiein tuu tẹ kẹ ì kun ḅẹ ḅara.

Jerimaya 18:22 Iomraidhean Croise

Devidi-Anume 119:85

Opu amịẹaị atomi, í oloko poki tẹ mịẹ-a apụ ma, olulu soku-soku tẹ kẹ ì tuuarị.

Devidi-Anume 140:5

Ḅụụ-gelemarị atomi ḍiein tuu ị̀ pịrịarị; ini ịna ḍiein ma tuu tẹ etela akaka mẹ ḅụ mie in tuu, tuu wẹrị wararị kẹ ì kuun-sịẹma ḅẹ ḅara.

Devidi-Anume 140:6

À KỊNỊNYANAḄỌ ḅe ḅẹẹarị, “Ị́yẹrị ị̀ Tamụnọọ.” KỊNỊNYANAḄỌ, à ḅarasụa gotẹ kọn-arị owu mẹ naa!

Devidi-Anume 142:4

Àrị ị̀ akaka ḍiki sakị, ḅarasụa ị̀ pịrị ḅẹ gbọrụḅọ-sọ àrị ẹrị-a gbọrụḅọ-sọ ofori ị̀ gbaịn ḅọrọma. Ị̀ balarị gbọrụḅọ-sọ ofori.

Devidi-Anume 38:12

Ị̀ ḅaa ḅẹ-ḅiiarị apụ ḍiein tuu, tuu ị̀ pịrịarị, tẹ ye kẹ ị̀ lama ḅẹ-ḅiiarị apụ ẹrẹmarị ini ị̀ fama ḅẹ ḅara; ḅẹrẹ-ḅiya ị̀ pịrị ḅụ gbala-gbala in kunoma nyana-a.

Ayịzaya 10:30

Galimu ḅẹ apụ ọmịnị oloku! Lahisa ḅẹ apụ, ó poki! Anatọtị ḅẹ apụ, ọ́ pakịrịị!

Jerimaya 18:20

Si anie ịn kẹ iḅi gbẹẹ ḅẹ ye aro? Anịsọ ini olulu soku ị̀ pịrị tẹẹ, à ḅịkị sọ ḅẹ ḅara. Kẹ ḅiokoroma arị ịna sịḅị gotẹ ị́ dama-ḅo tẹ ẹkwẹn ị́ pịrị ḅara, mịẹ tẹ ị́ ịganị kẹ ini na mịẹ ḅịa ḅara.

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Jerimaya 20:16

Yee ori arị ama ma kịka anie KỊNỊNYANAḄỌ ọkụrụkụrụ ofori ḅara kẹ guluguluma tẹ ama ma. Yee ò dede-ḅio akụye gotẹ kọn-arị owu naa, na ọmụ oloku na eneḅaka ogbo ḅụ,

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Jerimaya 5:26

Si atomi ì atomi ogboku angarị, ịn ḅọị tẹ koruarị ḅara ịgbọ kẹ feni tuu apụ ẹbị ḅara, kụma in tuu ḍiein mẹ tomi mie ịn kẹ kun ḅẹ ye.

Jerimaya 6:26

KỊNỊNYANAḄỌ ḅe ori atomi ḅẹẹarị, “Ọmịnị akpa ḅiri tẹ fọọn ḅio kpeleki. Ọ́ tẹmẹ-akụarị owu-minji ḅụ kururu, gbala tomḅọ amịna kpọkpọ gbọrụ owiḅọtụḅọ owuarị pembe ḅara, bẹkẹ-ḅara-kẹ owu kẹ ọ́ paka tẹ ọ́ ḅaa guluguluma ḅẹ apụ ma gotẹ.

Zẹfanaya 1:16

ọmụ ọdụ fiearị tẹ ọmụapụ oloku tẹ owu kẹ opu ama ma ḅẹ kụrọnị-anga ma na gele-fa wararị atawa ma na pakarị ene.

Matiyo 22:15

Farịsiiapụ ma nwẹnị mẹnjị so tẹ ḅẹrẹ-ḅiya, mịnẹ ịn kịrị-kịrị ḅii-aḅịḅị kẹ Jizọsị ḅii tẹ ọ̀ ḅịḅị paka ḅarịye ḅụ ye kẹ ori ọlọ ḅa.