Jerimaya 18:21 - FỊAFỊA BAỊBỤLỤ

²¹ Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 18:21 Iomraidhean Croise

2 Paka-aị 36:17

Ọkọẹrẹsị ọ̀ nwẹnị Babịlọnị ḅẹ apụ ma amadaḅọ ḅe tẹ ịna fịafịa yọ mẹ ḅẹ warị ḅio ḅụ okologie kẹ ịna asambịrịma owiapụ ma ḅaa ḅọ ḅe ọkị-ḅo in da-paka, tẹ sịḅị-kụrụkụrụ nyana asatụḅọ, anịanịa ḅụụ-gboloa iriawọ, omongi tẹ owiḅọ anịanịa kpọọtẹ ḅọ pịrị-a; ori inimgba kẹ ọ̀ ḅara-ḅio sunm.

Devidi-Anume 63:10

Ọmụ ḅio mie ini ịn ḅaa ḅarịye, tẹ tuu anama ma ịna oju akpakpa ma kanị pẹị ḅa.

Devidi-Anume 63:11

Amadaḅọ ḅe ḍereku ḅa, Tamụnọ owu-ḅara-iḅi kẹ ọ̀ pịrịarị ẹrẹsị. Tamụnọ ẹrẹ ḅụ ye mininiarị apụ ma ini ò tokini ḅa, kụma iruo apụ ma aḅịḅị gbaịn ḅa.

Paka-so 22:24

tẹ ị̀ kụrọ ịganị fịnị kọrị ḅara kọrị tẹ àrị okologie mẹ kẹ ọ́ ḅaa ḅa, tẹ ó sime-ereme ma ḅo diapụ-fịtẹ-ereme sọ ḅa, anịsakị ọmịna awọmẹ ma ḅo ḍapụ ofori awọmẹ sọ ḅa.”

Ayịzaya 13:18

Ịna iboli ma na ḍiein ma na mie ịn kẹ asambịrịma atomi ma ḅaa ḅarị aị. Ini ọkụrụkụrụ nyana ḍọkọḍọkọ-awọmẹ pịrị ḅịa, tẹ ịn pịkị kala awọmẹ ḍiki sịḅị-kụrụkụrụ ḅịa.

Ayịzaya 9:16

Mịna apụ ma kẹ sịḅịdarị apụ ma mịẹ tẹ ini etela-iri tẹẹ, tẹ gbọrsịḅị pikiri fa tẹẹ.

Ayịzaya 9:17

Anieḅụ KỊNỊNYANAḄỌ ḅe ḍụkụ tẹ asambịrịma owiapụ ma ḅẹ gbọrụḅọ sọ pọkọ so ḅịa, anịsakị ọ̀ pịkị sịḅị-kụrụkụrụ nyana diapụ-fịtẹ-ereme ma na ḍapụ anịanịa iyingiapụ na ofori awọmẹ na pịrị ḅịa, tomi mamgba Tamụnọ nimi-a pịkị si-sịḅịḅio-sụa tẹ, in ḍukoarị ye goyegoye siye ẹrẹsị. Mie-mẹmgba gotẹ KỊNỊNYANAḄỌ ḅe ịganị mẹ kunoma ḅịa. Anịsakị ịn fomu ḅụ ọ̀ ḅara paa sụụn-paka ḅa.

Jerimaya 12:3

Kụma, KỊNỊNYANAḄỌ, í ì nimi wararị, ị́ à mịẹarị ye ẹrịarị, pịkị àrị ị́ ḅẹlẹmarị ḅara sọ. Mịna si-mịẹapụ ma fọnọ soo, kẹ mu ḅaa ḅẹ anana ọkụ; Tọrụ kẹ ịna ḅụ wẹrị nwenii ini ịn ḅaa ḅẹ sakị la.

Jerimaya 14:16

Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Jerimaya 15:7

Amakiri mẹ ḅụ sime ama goyegoye ḅụ à samụnọtẹ asịra wakị sara ḅara kẹ ọ́ kẹ wakị fẹrụ pịrịm. Ì atomi, àrị ọ́ ḅaa gulugulumam, arị ọmịna ḍọkọḍọkọ-awọmẹ ḅaam ọmịnị ọmịna si etela ma dasịẹma-a ẹrẹsị.

Jerimaya 15:8

Ọmịna amakiri mẹ ḅụ diapụ-fịtẹ-ereme kịẹn-ḅịḅị tuḅu ọgọnọ ḅẹ onwin mgbọlị ma kịẹn-ḅịḅị nẹngịm. Yẹrị ọmịna asawọ ma ḅaam ịna asambịrịma sakị ḅụ tẹ mịẹ tẹ ịna iyingiapụ tọrụsiẹrịm. Ḅiotọn-a ḅara mie à kẹ in fomu ye kururu na opu ḅalafama ye na ḅụ

Jerimaya 50:30

Mie ḅụ ịn Jeruselemu etela-ogbo ḅụ ịna asawọ ma ḅaa ḅa, ịna ọmụapụ mamgba ịn ḅaa guluguluma ḅa anị ene mẹ ḅụ. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 9:21

Fị wamịna ikiḅa-aḅọkọ ḅụ ḅọrọ-so ḅo tẹẹ wamịna amada-awarị ma ḅio sọ; anị wamịna ḍọkọḍọkọ-awọmẹ ma pẹlẹ sara tẹẹ etela-ogbo ma ḅụ asambịrịma owiapụ ma sọ fẹ-siri ma ḅụ.

Kururu Owu-apọkọ 1:15

Ị̀ kụrọ-kụrọtẹ owiapụ mamgba, KỊNỊNYANAḄỌ ḅe ịn kalama famam ì ogboku ḅụ; ị̀ asambịrịma owiapụ ma gbẹẹ kọsịma ḅẹ ḅara gotẹ, ori ọmụ-ogbo sịn kobiri ị̀ ẹngbẹsẹm. KỊNỊNYANAḄỌ ḅe iru pọnjịye ye pọnjị ḅara kẹ Juda ḅẹ apụ ma nanga kọsịma tẹẹ.

Kururu Owu-apọkọ 5:3

Wa ḅo ḍapụ fịtẹ awọmẹ sọ tẹ, ḍapụ ḅarị ofori; wamịna iyingiapụ ma diapụ-fịtẹ-ereme, sime-ḅara sime tẹẹ.

Izikẹlị 16:38

À sẹfị na kịnị-ḅa na ḅẹrẹ-pẹlẹ ị́ ọgọnọ gbana ḅa, tẹ ị̀ opu ịganị ḅụ à fịị kẹ í fomu ḅa.

Izikẹlị 22:25

Sịḅịdapụ ma ọkụkụ amẹẹ kịkarị, anie ịn ḅaa tẹ anama gotẹ ekirearị aị. In tomi ma ḅaarị, ini inetẹ ọkị igbigi mamgba na ịn nyana jaị na, tẹ ịna kịnị-ḅa mẹ ḅụ tọnwa ereme kẹ diapụ-fịtẹ-ereme ḅara wẹrịarị.

Emọsị 4:10

À si obi kẹ ọ́ fịrịmam, à kẹ Ijiputi fịrịma ye pembe ye. Àrị ọmụ kiri ḅụ ọmịna asawọ ma ḅaam, tẹ ọmịna asụ ma ọkị-som. Ọmịna akpụrụ awarị ma tẹ ó sime tẹ paka-paka mu ọmụgbin-gbin aị ma ḅio fịtẹ oju-oju-oju fụrụ ọmịna anini ḅinmam. Anịsọ ọ́ paa pịkị ị̀ dama-ḅoa.

Ditẹrọnọmị 32:25

Etela-ogbo ḅụ okologie mẹ kịnị ḅaa ḅa tẹ kala-ḅio ḅụ tẹmẹ-naịn-naịn paka ḅa asawọ na iriawọ na fịị ḅa, ndo-ndoarị tụḅọ ḅe na, iḅulu sịḅị ḅụ ḅịyatẹ owiḅọ ḅe na sọ.

2 Timoti 4:14

Alẹkịzanịda, kọpa (anie alapẹlẹa) tẹmẹḅọ ḅe kẹ ị̀ mịẹ siye ḅakam; KỊNỊNYANAḄỌ ḅe ọ̀ mịẹ ḅara ḍiki tẹ gbẹẹ-ye kẹ ọ̀ pịrị ḅa.

1 Samụẹlị 15:33

Samụwẹlị nwẹnị ḅẹẹ, “Í okologie wẹrịtẹ mịẹtẹ ereme ḅarị awọ nyana-a ḅara sime tẹ ḅara, mie í iyingi sọ eremịna ogboku ḅụ ḅarị tụḅọ nyana ḅịa ḅara.” Tẹ Samụwẹlị nwẹnị Giligalị ḅụ KỊNỊNYANAḄỌ ḅe tọrọkọ Egagị kẹ pakịrị-pakịrị pẹlẹ.