Jerimaya 18:19 - FỊAFỊA BAỊBỤLỤ

¹⁹ Mie ḅụ à tẹkẹm, “KỊNỊNYANAḄỌ, à ḍukoarị ye naa, pịkị si kẹ ị̀ tọn apụ ma ì gboloma ye ḅụ ḍukoarị ye pokii.

Jerimaya 18:19 Iomraidhean Croise

2 Amadapụ 19:16

Í ḅeri-tokoloma tẹ naa, Yei KỊNỊNYANAḄỌ, ị́ atọrụngbọ ma finji tẹ ẹrị, Yei KỊNỊNYANAḄỌ tẹ Sẹnakeribu ẹkwẹn-aḅịḅị ma tẹ ọ̀ kẹ fịrịma tẹ kẹ ḍumo wararị Tamụnọ ḅe komboarị aị ma naa.

Nehimaya 6:9

Kẹ gotẹ ọkọ ḅẹẹarị, inimgba wamịna ḅala fama ḅẹ ḅiim, kuromarị, “Ịn ḅara sin ḅa kọrịnama mẹ ḅụ, tẹ anị ḅarị kọrị ḅịa.” Kụma Yei Tamụnọ, ịnyọ kẹ ị̀ aḅara ma ḅụ sụa, mịọkụ.

Devidi-Anume 109:28

Yee ini ye gbo ị̀ pịrị, kụma ị́yẹrị ì boma ḅa. Yee owu ị̀ ḅaa ḅẹ ḍọkịarị apụ ma ḅara si, tẹ yee yẹrị, ị́ fịrịmẹnjịḅọ ḅe, ḅioḅẹlẹ.

Devidi-Anume 109:4

Ini ị̀ na tụḅụrụarị, yẹrị ịn ḅẹlẹmarị tẹ tẹkẹ ịn pịrịtẹ sọ.

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 18:20

Si anie ịn kẹ iḅi gbẹẹ ḅẹ ye aro? Anịsọ ini olulu soku ị̀ pịrị tẹẹ, à ḅịkị sọ ḅẹ ḅara. Kẹ ḅiokoroma arị ịna sịḅị gotẹ ị́ dama-ḅo tẹ ẹkwẹn ị́ pịrị ḅara, mịẹ tẹ ị́ ịganị kẹ ini na mịẹ ḅịa ḅara.

Jerimaya 20:12

Kụma, Kụrọmamgba nyana KỊNỊNYANAḄỌ, kura ḅara mie ị́ kẹ tomi daaḍikiarị; ịna aḅioḅẹngbọ na ịna akuroma ma na ḅio sime ye, í nimi wararị. Mie ḅụ yee àrị ị́ ẹrị mịnẹ í si kẹ ị̀ tọn apụ ma ḅara ḅụ ị̀ gbẹẹfị ḅiiarị, kẹ gotẹ ọkọ ḍukoarị, àrị ị̀ ḅẹrẹ kẹ ị́ aḅara-ḅio sụa wararị.

Kururu Owu-apọkọ 3:59

Yei KỊNỊNYANAḄỌ, kura-aye tẹ ịn kẹ ị̀ mịẹ ye mẹ ị́ ẹrị tẹẹ, ị̀ ḅẹrẹ mẹ kọn ị̀ pịrịị.

Mayịka 7:8

Yei wamịnị na fịya-a apụ, ọ́ wamịna-aḅụụ ḅioḅẹlẹ ma. Wa ḅịkị sakị, wa pịkị saakị ḅa; wa kanakana ḅio lẹgị sakị, KỊNỊNYANAḄỌ ḅe bele sọ wa pịrị ḅa.