Jerimaya 18:18 - FỊAFỊA BAỊBỤLỤ

¹⁸ Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 18:18 Iomraidhean Croise

2 Samụẹlị 15:31

Tẹ ịn nwẹnị anị ḍuko Devidi pịrị mịnẹ Ayitofẹlị Abusalọmụ ḅụụ sọ tẹ ḅẹrẹ-ḅiya apụ ma ogbo-ḅio emi. Tẹ Devidi nwẹnị tẹkẹ, “Yei KỊNỊNYANAḄỌ, àrị ị́ tẹkẹm, Ayitofẹlị datụkụma nimi ẹkwẹn mẹ pịkị oḅori ẹkwẹn mịẹ.”

2 Samụẹlị 17:14

Abusalọmụ na, Izirẹlịapụ mamgba na nwẹnị ḅẹẹ, “Usayị, Akayịtị ḅọ ḅe datụkụma nimi ẹkwẹn mẹ iḅi Ayitofẹlị datụkụma nimi ẹkwẹn mẹ nẹngịm.” Gbala KỊNỊNYANAḄỌ ḅe Ayitofẹlị iḅi datụkụma nimi ẹkwẹn mẹ inoma ḅẹ tọn tẹ ẹrẹsị, mịẹ tẹ KỊNỊNYANAḄỌ ḅe siye ọkị-ḅo Abusalọmụ ọgọnọ gbana ḅẹ ḅara.

1 Amadapụ 22:24

Anieḅụ Kenana owiḅọtụḅọ Zẹdẹkaya nwẹnị sọma ḅo Mayịkaya kpeki tẹ ḅara finji ori amgba ḅọrọ tẹ gbela, “KỊNỊNYANAḄỌ ḅe tẹmẹ tọ-ḅara kẹ ị̀ ḅụụ so tẹ tọ sakị ḅụ ḅo ẹkwẹn ị́ pịrị?”

2 Paka-aị 24:21

Kụma ịn nwẹnị ḅẹrẹ-ḅiya ọ̀ pịrị, tẹ amadaḅọ ḅe tọn ḅara ḅụ ḍụḅarị kẹ ò gbin ḅaa KỊNỊNYANAḄỌ ḅe warị mẹ nụngọ ḅụ.

Jobu 5:13

Ò ye-nimiapụ ma epele ma ḅụ ini ọkịm; tẹ epele atomi ma mịẹ ḅẹ tọn aị ma fọnya kunomam

Devidi-Anume 21:11

Ini ịn mịẹ ḅẹ aị tọn-tọn sararị, kẹ ọ̀ mịẹ ḅẹ tẹ tọn-arị, kụma ye ịn tọn ḅara sime ịn pịrị ḅịa.

Devidi-Anume 52:2

Ja apụ fama ḅẹ ḅẹrẹ mie í ḅịyarị; ị́ ḅẹlẹ mẹ iri oḅu ḅara oḅuarị. Iruo aị mie sakị mamgba í kuroma ḅoarị.

Devidi-Anume 57:4

Si kẹ kịnị tọn-arị apụ ma ì gbori-ikelema tẹ, anie tomi pẹị, pẹị ọkụkụ ma kịkarị apụ ma. Ịna aka ma ḅẹkẹrẹ ma na ḍịn ma na kịkarị ịna aḅẹlẹ ma okologie ma oḅu ḅara oḅuarị.

Devidi-Anume 64:3

Ini okologie farị ḅara kẹ ịna aḅẹlẹ farị oḅumarị tẹ ḍịn kẹ ye da tẹ tẹịn ḅẹ ḅara kẹ ịna si ẹkwẹn ma kẹ kịnị daarị.

Egberima-Ẹkwẹn 18:21

Í ḍuko ye inetẹ ḍumo wẹrị kpaịnma ḅa anịanịa anị guluguluma ḅa; mie ḅụ, ị́ mịẹ ḅẹ jen ye ofori, ị́ ẹkwẹn ma dogi-ḅo ị́ pịrị ye daa-ọkịị.

Ayịzaya 32:7

Oḅori tomḅọ anie si ḅọọ, tẹ ọ̀ pịkị si-aị mịẹarị. Ọ̀ jen-apụ na ḅiya tẹ iruo-aị kẹ igoin-apụ ma warị famarị, pịkị in kikiarị ịna akarakara nyana ḅụ.

Jerimaya 1:19

Ini owu kẹ ị́ paka ḅa, kụma ini ị́ nẹngịma ḅịa, kẹ gotẹ ọkọ ḍukoarị arị ị́ na sime tẹ ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 11:19

À minini nyanaḅọ pịrị wararị anana kịkam, kẹ paka mu ḅaa ḅẹ-yearị ye, tẹ à nimi-a mịnẹ yẹrị mie in gotẹ si-ḅẹrẹ mẹ ḅiya sime ye. In ḍuko simem, “Ó yee wa sịn mẹ pẹlẹ-gbin anị paa ḍumo wararị ogbo; yee wa ọ̀ ḅaa, mịẹ tẹ gbọrụḅọ-sọ ḅarị jen kẹ ọ̀ kẹ ḅiokoroma ḅịa ḅara.”

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 18:19

Mie ḅụ à tẹkẹm, “KỊNỊNYANAḄỌ, à ḍukoarị ye naa, pịkị si kẹ ị̀ tọn apụ ma ì gboloma ye ḅụ ḍukoarị ye pokii.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Jerimaya 26:11

Anịtẹso agbamịẹapụ ma na ịkịankoroapụ ma na nwẹnị sịḅịdapụ ma na tomi ma na ḅẹẹm, “Ḅị tomḅọ ḅe, ḅaa-ḅẹrẹ-pẹlẹ ọ̀ sịḅị gbana na-iḅim, ọ̀ tụḅụrụ ẹkwẹn kọn mị opu ama mẹ pịrị tẹ ẹrẹsị. Ọmịnị ḅarana ọmịna aḅeri kẹ naam.”

Jerimaya 37:13

Kụma à mu Benijamịnị Onu Ḅọkọ mẹ la tẹso, anị anga ama-koru sime ọmụapụ ma sịḅịdaḅọ, Irija nwẹn-sịn tomḅọ Selemaya owiḅọtụḅọ, pịkị Hananaya taa-owiḅọtụḅọ ḅe nwẹnị ị̀ dasịẹma tẹ ḅẹẹ, “Í so Babịlonịya ḅẹ apụ jụ sọ ḅẹ muarị!”

Jerimaya 43:2

Anịtẹso Azaraya, Hosaya tụḅọ, na Johananị, Kariya tụḅọ, na osi Opu ẹkwẹn kọn-kọn atomi ma na ị̀ ḅẹẹm, “Í iruoarị. KỊNỊNYANAḄỌ wamịna Tamụnọ ḅe ị́ fịrịma-a í ḍuko wa pịrị wa mu Ijiputi ḅụ angama.

Jerimaya 44:16

“Wa poki ḅịa, KỊNỊNYANAḄỌ ḅe ẹrẹ ḅụ í ḍuko wa pịrị tẹ ye mẹ.

Jerimaya 44:17

Wa ḅiim wa mịẹ ḅẹ ye goyegoye wa mịẹ ḅa. Wa agba mịẹ wamịna oru-tamụnọ, So Amada-Ẹrẹḅọ ma pịrị ḅa, tẹ pịkị iru sara á pịrị ḅa, anie wamịnị na, wamịna elemu-aḍapụ na, wamịna amadapụ na wamịna sịḅịdapụ na mịẹ sime gbọrụ ḅara mẹ Juda ḅẹ ama ma ḅio na Jeruselemu etela-ogbo ma na ḅụ. Wa ọkọ mịẹ tẹso, wa fịye nyanam, wa lọkọlọkọm, ḅụụ-fụka sọ ḅo-ḅo wa la-a.

Jerimaya 8:8

Ndẹẹ ọmịnị inetẹ ḅẹẹ-ḅẹẹ ḅara, mịnẹ ó ye nimi wararị, tẹ ì oloko ma nimi wararị? Ḍikii, oloko ma mingirima ḍumo kọn-arị ama-ḍiri-kẹẹapụ arị ḍima tẹẹ.

Kururu Owu-apọkọ 3:62

Ị̀ na fịya-a apụ ma kẹ ene-ḅaaene-ḅaaene ẹkwẹn-ẹkwẹn tẹ kuroma ị̀ pịrịarị aị ma

Izikẹlị 7:26

Gbọrụ opu ḅụụ-fụka jen pono ḅo ḅa, tẹ sịkọpẹlẹ-a ḅara mie si-oku ḅịḅị kẹ ḅo-ḅo sara ḅarịye. Ọmịnị ịkịankoroapụ ma tẹkẹ ḅa ịn tọrọkọ-jụ ḅo ḅẹ tẹ ini ẹrị ye mịẹfinji ọ́ pịrị. Agbamịẹapụ ma nyana tẹ kẹ tomi ma toluma ḅẹ ye paka ḅịa, tẹ omongiapụ ma in ḍuko tomi ma toluma ḅẹ ye nyana ḅịa.

Lẹvitikọsị 10:11

Anịsakị ọ́ kẹẹ wararị Oloko mamgba tẹ KỊNỊNYANAḄỌ ḅe Mozizi ḅụ ḅọrọ tẹ kọọn Izirẹlịapụ ma pịrị tẹ ẹkwẹn ma kẹ ịn toluma fama ḅa.”

Mayịka 3:6

Anịẹrẹsị, ịkịankoroapụ, Ọmịna eneḅaka mẹ ḍin sọ tẹ ọ́ ḅarị ịkịan koro ḅịa tẹ kanakana sọ ọ́ pịrị tẹ ọ́ ḅarị ye ḅii tẹ paka ḅẹ ye ẹrị tẹ ḍuko ḅịa. Ọmịnị etela kẹ ị̀ atomi ma ḍie irimam ẹrẹsị, otuka mẹ ọmịnị ịkịankoroapụ ma ọgọnọ tuukoro ḅa, tẹ eneḅaka mẹ ḅo furu ọ́ pịrị ḅa.

Mayịka 3:7

Ịna ye naa gbarị ḅụ so-ḅịrịapụ ma ḅụụ-jịrị ḅa, anịsakị ye ḅii tẹ paka ḅe ye ḍuko apụ ma tọrụ-tuu ḅa. Inimgba ḅụụ-jịrị ḅa, Tamụnọ ḅarị ịn pakịrị-a ẹrẹsị.

Malakayị 2:7

Karakara Tamụnọ nimi toluma, anie sime agbamịẹapụ pịrị fịrị. Kịnị mu-mu tẹ ịna aḅara à ḅiiarị ye ḍawọ, ini anie Kụrọmamgba nyana KỊNỊNYANAḄỌ ḅe oku-mẹnjịapụ ẹrẹsị.

Luku 11:45

Oloko toluma apụ ma ḅẹ gbọrụḅọ nwẹnị ọ̀ ḅẹẹ, “Ye-tolumaḅọ, í miemẹ ḍukoarị sakị ị́ wa kẹ sụa mịẹ-simarị!”

Jọnị 9:40

Farịsiiapụ ma ḅẹ jen-apụ tẹ anịanga ò kpeki tẹ sime apụ ò ḍuko ye mẹ naa tẹ ò gbelam, “Karakara-ḅara-ḅụ í fie-a mịnẹ wamịnị sọ tọrụngbọ-pụụn wararị?”