Jerimaya 18:17 - FỊAFỊA BAỊBỤLỤ

¹⁷ Àrị ị̀ atomi gala-galama ḅa si kẹ ịn tọn apụ tọrọkọ ḅụ, ịrụa saakịarị pakịrị anga ḅoarị fẹrụ kẹ fiin-arị fọọn ọkụ. Arị ọḅụ pịkị in gbin ḅa; À ḅarasụa ịn pịrị ḅịa opu ḅụụ-fụka mẹ ḅoarị sakị.”

Jerimaya 18:17 Iomraidhean Croise

Jobu 27:21

Tama-fẹrụ mẹ ọ̀ saakị tẹ ò dogi-som; anị ò sime kiri ḅụ ori ọfịn pakamam.

Devidi-Anume 48:7

opu erise fẹrụ arụ ḅakụ ḅara.

Egberima-Ẹkwẹn 24:16

Kịnị mingirima-mingirima-a tomḅọ ḅe ọ̀ ḅịkị sakị goyegoye ọ̀ pịkị saakị sịẹarị; kụma si-sịḅịḅio-sụapụ ma opu ḅụụ-fụka ịn ḅaa gulugulumarị.

Jerimaya 13:24

KỊNỊNYANAḄỌ ḅe kẹ ị́ gala-galama ḅarị ḅara ịkpa ḅio fẹrụ samụnọtẹ asịra gala-galama ḅara kịka ḅa.

Jerimaya 2:27

Ọmịnị-mgba tọrụ-tuu fama ḅa, ọmịnị tẹ ḅarị apụ ma mịnẹ sịn anie ọmịna ḍaḅọ, tẹ ịkụ pịkị ọmịna iyingiḅọ. Miemẹ paka ḅa, ọmịnị ọḅụ kẹ ì gbin tẹ so tẹ ẹrẹsị, ọ́ tọrụ pịkị ị̀ da ḅẹ nakara. Kụma ọ́ ḅụụ-fụka ḅio sọ sakị mie ó ḅiiarị à ḅo ḅarasụa ọ́ pịrị.

Jerimaya 32:33

Ini ọḅụ pịkị í gbinm; karakaraye à ye kẹ in toluma-toluma-tolumarị sọ, in poki tẹ ye ḍawọ ḍụkụ-a.

Jerimaya 46:21

Árị ọkọ ḅo ọmụapụ kịngẹ sọ kala anambulo kịka tẹ ḅarasụa nyana á pịrị-a. Ịn sịẹsime tẹ owu-sọ-a; inimgba pịkị tẹ mangịm. Ịna si-so ene ḅo ịn lam, ini ịn ḅaa-guluguluma ḅẹ sakị mẹ.

Izikẹlị 27:26

Í ḅekina-jụẹịn dọkụapụ ị́ kẹ mu abajị ogbo la sakị kiri kpeki-a anga ḅụ igwe-fẹrụ ị́ arụ mẹ puu tẹ anị ḅilemam.

Izikẹlị 7:22

À ḅụụ kẹ anị ḅụ suu ḅịa, kụrọ-ḅara kẹ ye furuarị apụ ma ị́ ḅụụ yela-lama wararị Warị mẹ mịẹ-sima tẹ kan sọ mu tẹ anị pilema ḅẹ sakị.

Hosiya 13:15

Karakaraye Izirẹlị nwẹnị osuka berebere ḅara bereberearị sọ, àrị ịkpa mẹ ḅio ịrụa-saakịarị-anga ḅụ ọfịrịarị fẹrụ fịrịma mu tẹ ịna ngụngụḅa ma na suḅe ma na samụnọma ḅa. Anị yela ye goyegoye dogi-so ḅa, ịna ngọ-koko-aḅio ḅio.

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.

Ditẹrọnọmị 28:64

“Anịsakị KỊNỊNYANAḄỌ ḅe ọ́ gala-galama ḅa tomi-kụlọkụlọ mamgba ogbo-ḅio tomikiri mẹ ḅụ gbọrụ kunoma ḅụ ọkị mu osi kunoma la; tẹ anịjụ ḅụ ọ́ fịrịmẹnjị sịn na ḍụḅarị na kẹ tẹmẹ ja oru-atamụnọ ma pịrị ḅa, arị aị ma tẹ ọmịnị, anịanịa ọmịna aḍapụ sọ nimi-a aị ma.

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?

Ditẹrọnọmị 32:35

Gbẹẹfị ḅii na, gbẹẹ-pịkị na ị̀ nye, ịna ḅụọ sịnịnị ḅarị sakị ḅụ; gbala ịna ḅụụ-fụka ene mẹ ḅara-ku la tẹ anịsakị ịna fịị ḅẹrẹkọn fọnya ḅoarị.