Jerimaya 18:16 - FỊAFỊA BAỊBỤLỤ

¹⁶ Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 18:16 Iomraidhean Croise

1 Amadapụ 9:8

Mị Tamụnọ-warị mẹ ḅo ịn tan kobiri gulugulutẹ aị sọ ḅa, tẹ mẹnjị-ḅọrọḅọ-ḅọrọḅọ ḅụụ-gbiripu tẹ ḅụụ-bua ḅa, tẹ ịn gbela ḅa, ‘KỊNỊNYANAḄỌ ḅe tiegotẹ miemẹ kẹ mị ama mẹ na, mị Tamụnọ-warị mẹ na mịẹ?’

2 Paka-aị 29:8

Anịẹrẹsị KỊNỊNYANAḄỌ ḅe ịganị ḅo Juda na, Jeruselemu na ọgọnọ gbanam tẹ ori ịn kẹ ḅioḅuma ye na, gburo-gburotẹ ḅụụ-buamaye na, ẹrị tẹ ẹsịma-ẹsịma ye na sọma tẹ, ọmịnị ḅarana ọmịna atọrụngbọ kẹ ẹrị ḅara ḅụ.

Devidi-Anume 109:25

Kịnị ị̀ ẹrị sakị, sakị, ini ị̀ ḍẹrịarị; ini ịna sịḅị jike tẹ ị̀ ḍiki iderimarị.

Devidi-Anume 22:7

Ị̀ ẹrị apụ mamgba ị̀ kẹ tii-tiiye sọmarị; ini ịna aḅẹlẹ sukuruma pakama ị̀ da tẹ sịḅị jikearị.

Devidi-Anume 44:14

Tomikiri ḅẹ asịẹ ma ogboku ḅụ ị́ wa kẹ kịnị-ḍẹrịmaye sọma tẹ; ịn wa ḍikiḍiki tẹ ịna asịḅị jike-jike wa daarị, ḍiki iderima ḅụ.

Ayịzaya 37:22

Mie KỊNỊNYANAḄỌ ḅe ḅẹẹ yee, “Sẹnakeribu, kpọma-ḅẹlẹmarị Jeruselemu mẹ ị́ ẹrịarị, pịkị í ḍiki-simarị.

Ayịzaya 6:11

À nwẹnị gbela, “KỊNỊNYANAḄỌ, ọkị mu tọ-sakị la ye anị nwẹn kẹ mị-ḅara sime ḅẹ?” Ọ̀ nwẹnị pakịrị, “Nwenii ama ma fa tẹ gbin koro-sime; nwenii warị ma kịnị ḅarị anga-a tẹ koro-sime; nwenii amakiri mẹ ḅioju papaa koro-sime.

Jerimaya 19:8

Arị ọkị-ḅo mị opu ama mẹ ọgọnọ gbana ḅarị ḅalafama ḅaa-guluguluma mẹ mịẹ tẹ ḅẹḅọ-ḅẹḅọ tẹ mẹnjị-ḅọrọarị ḅọ sịḅị-kanakana tẹ ḅụụ-bua ḅa.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 44:12

Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.

Jerimaya 48:27

Mohabụ, kẹ ḅiokoroma ọ́ kẹ Izirẹlịapụ mịẹ sime-ḅara. Ọ́ kẹ ịn mịẹ ḅara gbala ini ịn kẹ furuapụ opu ogbo ḅụ sụa kunm.”

Jerimaya 49:13

Yẹrị ḅarana karị tẹ mịnẹ Bozara ḅẹ opu ama ma ḍiki-tọrụ ḅụ sịḅị-kanakanama ye na ịkpa na sọ ḅa. Tomi anị ḍẹrị tẹ anị kẹ ye karị-karị ye sọma ḅa. Anị na kpeki kala-ama mamgba kan sara sime ḅa, ḅẹẹ-sakị ḅẹẹ-sakị ḅụ. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 49:17

KỊNỊNYANAḄỌ ḅe mẹẹ, “Ḅo Idọmụ la ḅarị gulugulu mẹ kpọma ḅalafamaye sọ ḅẹḅọ-ḅẹḅọ tẹ mẹnjị-ḅọrọarị goḅọ-goḅọ pịrị ḅa, pịkị mḅọ ḅụụ-buama tẹ mḅọ tẹmẹ-naịn-naịnma ḅa.

Jerimaya 50:13

Ị̀ ịganị ẹrẹsị, gbọrụḅọ-sọ Babịlọnị ḅụ anga ḅịa, anị kan-sara tẹ gbin koro-sime ḅa, tẹ mẹnjị-ḅọrọarịapụ mamgba sịḅị-kanakana tẹ ḅụụ-bua ḅa.”

Jerimaya 51:37

Anị sịẹ mẹ ḅẹ amakiri mẹ sara sọ tẹ, piri-ḅio-ḅẹ anama angarị anga sọ ḅa. Ḍiki-tọrụ ḅụ anị sịḅị-kụrụkụrụma ḅa. Gbọrụḅọ-sọ anị ḅio anga ḅịa, tẹ anị ẹrị apụ mamgba tẹmẹ-naịn-naịn ḅa.

Jerimaya 51:43

Ama ma sịḅị-kanakanama ayeyọ sọ tẹ ḍiki-tọrụ ḅụ, tẹ minji ofori ịkpa kịkarị, kịnị anga-a yọ, mẹnjị sọ ịn mẹnjị-ḅọrọ ye mu-a.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Kururu Owu-apọkọ 1:12

Ọmịnị mamgba tẹ mẹnjị-mẹnjị-ḅọrọarị apụ, anị ọmịna aḅụụ gberie-sọ la-a mọ? Ọ́ paa ḍikii, tẹ ẹrịị, ì kururu mẹ pembe kururu ḅọrọ emi ḅẹḅẹ aniemẹ tẹ ḅo ị̀ ọgọnọ gbana ye mẹ, aniemẹ tẹ KỊNỊNYANAḄỌ ḅe kẹ ọ̀ ḅalafama ịganị ene ḅụ, ì fomu ye mẹ.

Izikẹlị 12:19

Ḍuko bebe sịẹ mẹ pịrị mịnẹ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅara ḅo Jeruselemu ḅẹ apụ ma pịrị oku. Ịna oju jike ḅa in yefịarị sakị, tẹ ịn pịkị ḅalafa ḅụ oju sẹkị ḅa in ye ḅuuarị sakị. Kịnị ịna amakiri mẹ ḅụ sime-ye sime-ye ọkị fama ḅa, ịna ḅụ ọrụḅọ-ọrụḅọ oloko koko-koko-a ḍumo kọn-arị ẹrẹsị.

Izikẹlị 27:36

Í so tẹ, ị́ gbọrsịḅị so tẹ, tẹ bebe tomikiri mẹ kana-koro ḅụ masịnịapụ ma tẹmẹ-naịn-naịntẹ ḅalafaarị mịnẹ ini ị́ ḅụ paka ḅẹ ye mẹ ḅụ kiri nyana ḅẹ ḅoto.

Izikẹlị 36:3

“Ọkọ ẹrẹsị, ịkịan koro tẹ ḍuko wasamaa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ḅẹ-yearị ye mẹ. Kpeki wararị asịẹ ma Izirẹlị ḅẹ tụndụ ma ọkị tẹ arị fọịn sakị mẹ, inimgba Izirẹlị mịẹ simam.

Izikẹlị 6:14

Inn, àrị ì opu kụrọ kẹ ịna bebe amakiri mẹ guluguluma ḅa. Anị kẹ fa tẹ yọ sọma ḅa, abajị-suku da ịkpa mẹ ḅụ saakị mu Ribila opu ama mẹ la ọgọnọ-jụ mẹ ḅụ, Izirẹlịapụ angarị gbọrụ anga sọ kẹ tọrụ gbarịma-a ḅara. Anịtẹso ḅẹḅọ-ḅẹḅọ nimi ḅa nimi ḅa mịnẹ yẹrị anie KỊNỊNYANAḄỌ ḅe.”

Lẹvitikọsị 26:32

À kẹ ama mẹ fama ḅarị ḅara, ọmịnị na fịya-a apụ tẹ anị ḅio koro sịẹ ḅarị apụ mịẹtẹ ini anị ḅụ ḅụụ-gbiripu ḅa.

Lẹvitikọsị 26:43

Kụma ini ama mẹ koroma-so ḅa, tẹ ini ofori sakị anị fa tẹ koro-sime wararị sakị ḅụ anị ḅẹ ịnyọsara tọrụ-ḅẹlẹ nyana ḅa; anịsakị ini ịna mịẹ-irima ḅụ ịna ḅụụ mịẹ tẹlẹma ḅa, gbala kụrọ ḅara-ḅio emi ḅọ ḅara kẹ à tọn aị ma ini arị sịkịm, tẹ pịkị ị̀ oloko kẹẹ-koro wararị aị ma ịna ḅioḅumam ẹrẹsị.

Mayịka 6:16

Miemẹ mịẹ ḅa, kẹ gotẹ ọkọ ḅẹẹarị, Ama-da Omuri kan wararị oloko ma na, ori owiḅọtụḅọ Ama-da Ehabụ warị mẹ ḅẹ si amịẹaị mie ó koko tẹ mịẹarị, tẹ ịna atoluma-aị ma ḍiki-mẹnjị tẹ; ọkọẹrẹsị arị ọ́ kẹ fatẹ yọ sọma ḅa, tẹ ḅẹḅọ-ḅẹḅọ ó ḍiki-sima ḅa. Ḅẹẹ-anga ḅẹẹ-anga ḅụ tomi-kụlọkụlọ ma ḅarị ọ́ kẹ ye sịn ḅịa.

Matiyo 27:39

Mẹnjị ḅọrọ apụ nwẹnị sịḅị jike, jike tẹ Jizọsị gọlị:

Makị 15:29

Mẹnjị ḅọrọarị apụ ịna asịḅị jike jike tẹ gọlị ẹkwẹn tan-tan Jizọsị ọgọnọ saram: “Ẹnhẹn! Ị́ kọkọ Tamụnọ-warị mẹ kan sara tẹ tẹra aḍin kẹ sin anị nama sịẹma ḅẹ tọn!

Ditẹrọnọmị 28:59

anịrẹ KỊNỊNYANAḄỌ ḅe kịrị ḅụụ-fụka na, kụrọ ḅụratẹ kpekele pẹlẹ-pẹlẹ-a ḅụụ-fụka na, kpekele gwọ-gwọ-a kịnị kururuma tọnwa obi na ọkị-ḅo ọmịnị na, ọmịna awọmẹ na ọgọnọ gbana ḅa.

Ditẹrọnọmị 29:23

Bebe ama mẹmgba sọlụfọ nwẹn sịn ye-dọkịmaye na fụn na anị gbaịn ḅa; anị ḅụ ḍiḅi gberie sọ so-paka ḅịa, osuka sọ inetẹ so-paka ḅịa anga. Bebe ama mẹ Sọdọmụ na Gomora na Adima na Zeboyimu na, tẹ KỊNỊNYANAḄỌ ḅe ò ye ḅụụ-ḅẹsọ na, ịganị ḅụ na fama opu ama ma fa tẹ sime-ḅara sime ḅa.