Jerimaya 18:15 - FỊAFỊA BAỊBỤLỤ

¹⁵ Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 18:15 Iomraidhean Croise

Nehimaya 9:17

In koko ḍụkụ-a, tẹ ịna ogboku ị́ mịẹ ḅụụ-gbiripuma aị ma bala-a, kụma in kọngọ kụrọmam, tẹ tọrọkọ tarị in pịkịma Ijiputi ḅụ pịkị omoni-sọ ḅẹ ḅọ tọnm. Kụma ị́yẹrị anie tẹlẹma si-wẹrịso pịrị-pịrị ḅọ pịkị ḍiki-ḅụụjịrị na ọkụrụkụrụ na nyana wararị ḅọ; ị́yẹrị kpekele ịganị-ịganị-a ḅọ, tẹ jike-a ḅẹlẹma nyana ḅọ ẹrẹsị ị́ in sịkị-a.

Ayịzaya 3:12

Igbigi kẹ kịnị ḅọlọ apụ ị̀ atomi ponomarị, tẹ ịn ḅara ḅụ saa ọlọ apụ ini inomarị. Ị̀ atomi, ọmịna sịḅịdapụ ọ́ da irimarị, mie ḅụ ọ́ da-mu ḅẹ anga ó nimi-a.

Ayịzaya 41:29

Ma oru-atamụnọ mamgba in ye ḅụ sọ-a; gbala-gbala ini inetẹ mịẹ-mịẹ gberie-sọ ofori ma mḅudu ma ini ịnyọ na kụrọ na nyana-a.

Ayịzaya 57:14

KỊNỊNYANAḄỌ ḅe mẹẹ: “Yee ì atomi ma pịkịma ị̀ ḍọkụma-ḅo. Ịna etela kiki ḅẹ aị mamgba saakị siin! Etela mẹ mịẹ tẹ anị tẹlẹma sime!”

Ayịzaya 62:10

Jeruselemu ḅẹ apụ, ọmịnị opu ama mẹ ḅio paka mu Tẹ etela mịẹ ọmịna atomi pịkịma-ḅoarị apụ pịrị! Opu etela tẹlẹmaa; anị ḅẹ aḍụḅarị ma kolokolo siin! Kẹ elekima sụa ḅẹ ye kẹ pikee, mịẹ tẹ sịẹ-sịẹ ma inetẹ nimi ḅẹ ḅara.

Ayịzaya 65:7

ịna asi ma na ịna elemu aḍapụ ma asi ma na gotẹ. Ịn kụnụaị dọkịma tẹ tụndụ ọgọnọ ḅẹ oru tẹkẹ awarị ḅio, tẹ ị̀ ḅụ siye ḍuko tẹẹ. Mie ḅụ arị ịna ḅọrọ tẹ amịẹaị ma gbẹẹ ḅara kẹ in fomu ḅa.”

Ayịzaya 9:16

Mịna apụ ma kẹ sịḅịdarị apụ ma mịẹ tẹ ini etela-iri tẹẹ, tẹ gbọrsịḅị pikiri fa tẹẹ.

Jerimaya 1:16

À fomu-ḅara kẹ ị̀ atomi pịrị ḅa, in si mịẹ tẹ ẹrẹsị; ini ị̀ sịkị tẹ agba mịẹ-mịẹ oru-atamụnọ pịrị tẹ ẹrẹsị, pịkị oru-afụḅara tẹmẹ tẹ sunsin arị pịrị tẹ.”

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 11:12

Anịtẹso Juda na Jeruselemu na ḅẹ apụ ma ini agbamịẹ pịrịarị atamụnọ ma dama-mu tẹ ḅarasụa gotẹ ịn sịn oloku ḅa. Kụma arị atamụnọ ma inetẹ ịna ḅọrọma ḅịa mịẹ ḅaa-guluguluma mẹ ḅoarị sakị.

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 13:25

Ó ḍuko tẹẹ mịnẹ miemẹ anie ị́ ḅụ paka ḅẹ tẹ sime ị́ pịrị ye. Miemẹ anie ọ̀ kẹ ị́ mịẹ ḅẹ tẹ tọn-pẹlẹ ḅara, ị́ ọ̀ kẹ ḅioḅọrọma tẹ iruo atamụnọ minini tẹ ẹrẹsị.

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 18:14

Lẹbanọnị ḅẹ geletẹ ịkụ ma ọgọnọ jen sakị kpootẹ igirigi sara-a so tẹ? Jen sakị anị ḅẹ tụndụ mẹ ḅẹ dein minji, arị ḅẹ okolo ma ḅio minji fa kụlụkụlụ tẹ?

Jerimaya 19:5

tẹ ịn pịkị agbamịẹ-anga nama Balị pịrịtẹ ini ịna ḍọkọḍọkọ-awọmẹ kẹ fịnị ḅio dọkịma ḅẹ ḅara, agbamịẹ ḅụ. Gbala-gbala arị in mie mị ḅẹ oloko-sụa ịn pịrị-a; gbala-gbala ì kuroma ḅụ sọ anị sọ-a.

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 2:32

Iriawọ-tụḅọ á pọkọsụa ḅiriaị kẹ ḅioḅọrọma-ḅụrama, anịanịa ịya ḅẹ ẹrẹḅọ arị ịya ḅẹ ene ḅẹ ḅiriaị? Kụma ị̀ atomi ị̀ kẹ ḅioḅọrọma tẹ kịẹnkịẹn-ọkụ-ofori ene ma ḅụ.

Jerimaya 3:21

Tụndụ ma ọgọnọ-jụ ḅio ḅịḅị yoko-yokoma fiearị; Izirẹlịapụ owu pọkọ na tẹkẹarị ḅịḅị na, in si ḍumo kọn tẹ ẹrẹsị pịkị KỊNỊNYANAḄỌ ịna Tamụnọ ḅe kẹ ḅioḅọrọma tẹẹ.

Jerimaya 44:25

Mie Kụrọmamgba nyana KỊNỊNYANAḄỌ, Izirẹlị Tamụnọ ḅe, ḍukoarị ye: Ọmịnị na ọmịna ereme na ọ́ mịẹarị aị ḅụ ḍie-pakama tẹẹ, ó minini ye mẹ ọ́ ḅẹẹ sakị, ‘Ḅịḅị ḍima-a ḅara ḅụ wa minini ịlọ ma wa suma ḅa, mịnẹ wa kụnụaị dọkịma ḅa, pịkị iru sara So ḅẹ Ama-da Ere-oru ma pịrị ḅa.’ Ọkọ ḅẹḅẹ, ọ́ mịẹ ma-muu, ọmịnị ó minini ye mịẹẹ. Ọmịnị ọmịna ịlọ ma sumaa!

Jerimaya 51:18

Arị yela-a tẹ kịnị pịkị arị ḍiki-simarị; KỊNỊNYANAḄỌ ḅe ini na mịẹ ḅẹ sakị in gulugulu ḅa.

Jerimaya 6:16

KỊNỊNYANAḄỌ ḅe ori atomi ḅẹẹm, “Ọmịnị etela ma jen-jen saḅa-ḅọrọ wararị anga mẹ ḅụ sịẹsime tẹ ḍiki. Ọmịnị elemu sakị ḅẹ mẹnjị ḅọrọ ayọ ma gbela nimii, pịkị iḅi tẹịn etela mẹ simearị anga na. Ọmịnị anị ḅụ mẹnjị, anịsakị ó dein ḅụ anga ḅa.” Kụma ini mẹ, “Ẹn-ẹn, wa mịẹ ḅịa!”

Jerimaya 7:9

Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Izikẹlị 21:15

Anị ị̀ atomi mịẹ tẹ ịna ḅiokpọ fa tẹ ịn pụmbụarị. Àrị okologie kẹ ịna opu ama mẹ ẹrẹmarị, anie so-ḅalapụ ye kịka tẹ wanama kọrị pakarị tẹ tẹlẹma tẹ kịnị ḅaa ḅẹ ye.

Izikẹlị 36:15

Amakiri mẹ ḅarị jen kẹ sịẹ-sịẹ ma tẹ anị komboarị apụ ma poki nyana-a anịanịa nini-suku sụa anị pịrịarị apụ ma ẹrị. Amakiri mẹ ḅarị jen kẹ sịẹ mẹ ḅẹ awọmẹ ma kọrị ḅịa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Hosiya 11:2

Kụma àrị ọ̀ sịn-sịn-sịn ḅara, mie ọ̀ kẹ ị̀ ḅụ pịkị-so so ḅara. Ị̀ atomi agbamịẹ Balị pịrịm; ịn kụnụaị dọkịma oru-afụḅara pịrịm.

Hosiya 2:13

À fomu-ḅara kẹ á pịrị ḅa árị ị̀ kẹ ḅioḅọrọma asakị ma gotẹ, anie á dọkịma-kụnụaị dọkịma Balị pịrị tẹ ye-ḅiri bụlụ-bụlụma tẹ mangị á ḅẹlẹmapụ ḍuka-ḍuka-mu asakị ma. Yẹrị, KỊNỊNYANAḄỌ ḅe, ọkọ ḍukom.

Hosiya 2:6

Mie ḅụ à nangị asịn kẹ á gbori-ikelema ḅa, pịkị ḍụḅarị onu nama árị etela kiki ḅa.

Malakayị 2:8

Kụma mịọkụ ọmịnị agbamịẹapụ ma karakara mịẹ ḅụ pịkị-so tẹẹ. Ọmịna tolumayee mịẹ tẹ tọnwa-apụ iri-ye mịẹ tẹẹ. Yẹrị na ọmịnị na fị ọḅọkụ mẹ ọ́ kan tẹẹ.

Matiyo 15:6

kụma, mḅọ kẹ ḍaḅọ ḅe kụn kụn ye ḅarị ofori. Mị ḅọkọ mie ọ́ ḅọrọ tẹ Tamụnọ tọn koroma ye mẹ kẹ ḅarịye sịn-a ye, mịẹtẹ ọmịnị ọmịna ḅara kuḅu ḅẹ tolumaye koko ḅẹ ḅara.

Romu 14:21

Mie ḅụ, mịẹ na-iḅi ye anie, anị ḅọrọ nama pẹị-o, iru ḅuu-o, anịanịa jen ye tẹ ọ́ mịẹarị tẹ ọmịna pembema Kịrayịsị ḍukamẹnjịarị ḅọ ḅịkịma ḅarịye nwẹn-sịn ye, ọ́ kẹ ọmịna ḅụụ gboloma ma.

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.