Jerimaya 18:13 - FỊAFỊA BAỊBỤLỤ

¹³ KỊNỊNYANAḄỌ ḅe mẹẹ, “Sịẹ goyegoye gbela jen sakị ọkọ sime ye paka tẹ ḅoto. Izirẹlịapụ ma ḅalafama ye mịẹ tẹẹ!

Jerimaya 18:13 Iomraidhean Croise

Ayịzaya 36:22

Anịtẹso Ẹlịyakịmụ na, Sẹbụna na, Joha na nwẹnị ịna akapa kan, kururu ḅụ, tẹ so mu tẹ Asiriya ḅẹ tomikiri mẹ ḅẹ opu fịrịmẹnjịḅọ ḅe ḍuko ye mẹ ḍuko amadaḅọ ḅe pịrị.

Ayịzaya 66:8

Jen sakị ọkọ sime ye ẹrị tẹ anịanịa naa tẹ ḅọ emi? Jene ịn kpọkpọ gbọrụ ene ḅụ sịẹ mịẹ pakama-ḅo tẹ? Zayọnị ḅarị jen kẹ tọrụsiẹrị alama ḅịa, tẹrẹmẹ sịẹ mẹ saakị paka-ḅo.

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 18:14

Lẹbanọnị ḅẹ geletẹ ịkụ ma ọgọnọ jen sakị kpootẹ igirigi sara-a so tẹ? Jen sakị anị ḅẹ tụndụ mẹ ḅẹ dein minji, arị ḅẹ okolo ma ḅio minji fa kụlụkụlụ tẹ?

Jerimaya 23:14

Kụma arị ẹrị tẹ Jeruselemu ḅẹ ịkịankoroapụ mịẹ si ịna nye nẹngị tẹẹ, ịn sẹfịarị pịkị iruo aị ḍukoarị; ịn ḅarasụa kịnị pịrị tẹ ịn kura-aye mịẹarị, mie ḅụ gbọrụḅọ-sọ ḅarị siye mị dasịẹma-a. Ị̀ ḅụụ ḅụ Sọdọmụ na Gomora na si ḅara, mie inimgba sọ si ḅara.

Jerimaya 31:4

À pịkị siin jen gbọrụ sakị kẹ ọ́ nama ḅa. Ọ́ pịkị jen kẹ ọmịna akwa ma farị tẹ sẹkị-sẹkị tẹ ḍereku ḅa.

Jerimaya 5:30

Amakiri mẹ ḅụ ḅalafamarị tẹ oḅoku kẹ ḅụụ-ḅamarị ye paka tẹẹ;

Kururu Owu-apọkọ 1:15

Ị̀ kụrọ-kụrọtẹ owiapụ mamgba, KỊNỊNYANAḄỌ ḅe ịn kalama famam ì ogboku ḅụ; ị̀ asambịrịma owiapụ ma gbẹẹ kọsịma ḅẹ ḅara gotẹ, ori ọmụ-ogbo sịn kobiri ị̀ ẹngbẹsẹm. KỊNỊNYANAḄỌ ḅe iru pọnjịye ye pọnjị ḅara kẹ Juda ḅẹ apụ ma nanga kọsịma tẹẹ.

Hosiya 6:10

À sịḅị-jịrịmaye ẹrị tẹẹ Izirẹlị ḅụ: ị̀ atomi ịna aḅụụ pilematẹ sunsin oru-afụḅara pịrị ḅụ.

Emọsị 5:1

Izirẹlịapụ, ọmịnị arị ó gotẹ suuarị ḍụẹịn owu nume mẹ pokii:

Emọsị 5:2

Iriawọ-tụḅọ Izirẹlị ḅịkị tẹẹ! Gbala-gbala á ḅarị jen kẹ saakị ḅịa! Á kẹ gbin koroma-so ḅọ ḅara kẹ kiri ọgọnọ ḅọlọlọ wararị. Tẹ ḅarasụa tẹ á saakị sịẹmarị gbọrụḅọ-sọ ofori.

1 Kọrịntị 5:1

Kịnị ye kikima-a ḅara kẹ ḍuko ị̀ pịrị tẹ, mịnẹ ọmịna ogboku ḅụ owiapụ na ereme na ḍuko na-iḅi-a si mẹnjị kọn-arị, oru nimi apụ ma sọ mịẹ-a ḅara. In ḍuko ị̀ pịrịm mịnẹ gbọrụ owiḅọ ọ̀ ḍa ta na olo-sọarị!

1 Samụẹlị 4:7

Filisiteniapụ ma nwẹnị ḅalafa; gbala ini mẹẹ, “Gbọrụ tamụnọ ḅo akpụrụ-warị mẹ ḅio sọ tẹ ẹrẹsị.” Ịn nwẹnị ḅẹẹ, “Ḅụụ-ḅalaḅala wori nume sime wa pịrịm! Kẹ gotẹ ọkọ ḅẹẹarị, jene-jene nwẹn sime ye amụ paka-a.