Jerimaya 18:12 - FỊAFỊA BAỊBỤLỤ

¹² Ịn ḅẹẹ ḅa, ‘Ẹn-ẹn, tiye ẹrẹsị wa anị ḅara mịẹ ḅẹ? Wamịnị-mgba paa gbọrụ ḅara mẹ kẹ kọngọ-kụrọma tẹ wa ḅii ḅara ḅii ḅara kẹ sii ḅa.’ ”

Jerimaya 18:12 Iomraidhean Croise

Suku-saakị 6:5

KỊNỊNYANAḄỌ ḅe nwẹnị ẹrị mịnẹ tomikiri mẹ ḅụ tomi asi-sịḅịḅio mẹ ḍụḅa tẹ, anịsakị tomi kuroma ḅụ ịn mịẹ ḅẹ tẹ sakị mamgba ịna aḅioḅẹngbọ simearị aị goyegoye, si-aị sikima jen ofori.

Suku-saakị 8:21

Tẹ agba mẹ ḅẹ kụnụ mu KỊNỊNYANAḄỌ ḅe la tẹso, KỊNỊNYANAḄỌ ḅe nwẹnị ò ḅioḅẹngbọ ḅụ ḅẹẹ, “À ḅarị jen-maaịn kẹ tomḅọ sịḅị gotẹ kiri mẹ wori ḅịa, kẹ gotẹ ọkọ ḅẹẹarị, tomḅọ kala-sakị kụra-ḅio ò ḅioḅẹngbọ ḅụ siye sikima ò jen kẹ ḅiokoroma-a; à pịkị ḅarị gbala-gbala jen kẹ ḍumo warị ye goyegoye ḅaa guluguluma ḅịa à mịọkụ mịẹ tẹ ḅara mẹ.

2 Amadapụ 6:33

Ọ̀ paa ini na ẹkwẹn-arị ogbo fịrịmẹnjịḅọ ḅe nwẹnị ḅo ọ̀ la tẹ ḅẹẹ, “Miemẹ anie KỊNỊNYANAḄỌ ḅe ḅụ ḅo fomu-ḅara! À pịkị paa tiegotẹ KỊNỊNYANAḄỌ ḅe koru ḅẹ?”

Ayịzaya 57:10

Ọ́ ḅụụ kọsị ḅara ḅakam, paa ọ́ tẹkẹ ḅẹ oru-atamụnọ ḍọkị ẹrị ḅụ, kụma ọ́ ḅara-siin-a gbala-gbala. Ó kuromarị ọmịna oru-afụḅara ma, tọrụ gbẹẹ sọ gbẹẹ-a aị ma, ịnyọ kẹ ọ́ pịrị ḅa, tẹ anie ḅụ ịnyọ ḅarị gbala-gbala ọ́ ta ḅịa.

Ayịzaya 65:2

Sakị mamgba à tẹlẹma wararị ì atomi da warị suu, anie kọngọ-kụrọma ḅụ kura-aye mịẹ-mịẹ tẹ amịna ḅara-kuḅu ḅẹ etela muarị apụ ma.

Jerimaya 11:8

Kụma in poki-a anịanịa à ḍuko ḅara mị. Anie nakara, ọrụḅọ-ọrụḅọ paa kọngọ-kụrọma tẹ si mịẹ-mịẹ-mịẹm. À ḍuko ịn pịrịm ini ọḅọkụ mẹ koko, kụma ịn ḍụkụ-a. Mie ḅụ àrị anị ḅio ḅụ ḍuko finji wararị afomu-ḅara ma ọkị-ḅo ịna ọgọnọ gbanam.”

Jerimaya 16:12

Kụma ọ́ mịẹ si, ọmịna elemu aḍapụ ma mịẹ ye nẹngị tẹẹ. Ọmịnị-mgba kọngọ kụrọma tẹ si wararị, tẹ ọmịnị ị̀ ḅịḅị poki-a.

Jerimaya 2:25

Izirẹlị, ịnyọ kẹ ị́ aḅụọ tama ma, anịanịa ị́ pọkọ-ḅẹ-ololo kpakịkịma ma, mangị-mangị oru-atamụnọ ḍuka mu ḅụ. Kụma ị́ mẹẹ, ‘Ẹn-ẹn! Arị inetẹ pịkị-ḅo ḅịa. À jen asịẹ ḅẹ atamụnọ ḅẹlẹma tẹ in ḍuka-mu ḅa.’ ”

Jerimaya 23:17

Ḍụkụ tẹ à ḍuko tẹ aị ma poki-a apụ mie ịn ḅẹẹ-ḅẹẹ ḅara mịnẹ ye mamgba ini na iḅi fama ḅa. In ḍuko ḅẹḅọ-ḅẹḅọ tẹ kọngọ-kụrọmarị ḅọ pịrịarị mịnẹ gbala-gbala opu ḅụụ-fụka ḅo la ḅịa.”

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 44:17

Wa ḅiim wa mịẹ ḅẹ ye goyegoye wa mịẹ ḅa. Wa agba mịẹ wamịna oru-tamụnọ, So Amada-Ẹrẹḅọ ma pịrị ḅa, tẹ pịkị iru sara á pịrị ḅa, anie wamịnị na, wamịna elemu-aḍapụ na, wamịna amadapụ na wamịna sịḅịdapụ na mịẹ sime gbọrụ ḅara mẹ Juda ḅẹ ama ma ḅio na Jeruselemu etela-ogbo ma na ḅụ. Wa ọkọ mịẹ tẹso, wa fịye nyanam, wa lọkọlọkọm, ḅụụ-fụka sọ ḅo-ḅo wa la-a.

Jerimaya 6:17

Anịtẹso KỊNỊNYANAḄỌ ḅe ama-koru owiapụ tọnm ịn ḅeri nụnụ ọdụ mẹ poki. Kụma ini mẹ, “Wa poki ḅịa.”

Jerimaya 7:24

Kụma in poki tẹ mịẹ-a, anịanịa anị kẹ ye sịn. Anie nakara ịna kụrọtẹ si ḅioḅẹngbọ ḍuko ịn pịrịm mịẹ ḅẹẹye-ḅẹẹye mie ịn mịẹ ye, tẹ nwẹnị ḅo sii elemu in si ḅara nẹngị tẹẹ.

Izikẹlị 37:11

Tamụnọ ị̀ ḅẹẹm, “Fịị-fịị tomḅọ, Izirẹlịapụ ma ịn mịna mgbe ma na kịkarị. Ịn ḅẹẹarị mịnẹ ịn samụnọ-kpakịkị tẹ, tọrọkọ-jụ gbọrụ ḅiokpọmaye sọ ịn ḅarị nyana-a.

Malakayị 3:14

Ọ́ ḅẹẹm, ‘Fịrịmẹnjị Tamụnọ pịrị ḅụ ye ofori. Ò ḅiiarị ye mịẹ, anịanịa ḅụụkụrọma tẹ kẹ Kụrọmamgba nyana KỊNỊNYANAḄỌ ḅe ḍie mịnẹ wa wa mịẹtẹ aị gotẹ kururuarị ye mẹ ḅụ tọ sọye emi?

Luku 1:51

Ori ọ̀ kụrọtẹ opu ḅara sụn-pakama tẹ opu amịẹaị atomi ma gala-galama tẹ, ịna ḅiotọn aị ma na ini na.

Ditẹrọnọmị 29:19

Gbọrụḅọ-sọ ye karị ḅara kẹ fị ọḅọkụ mẹ ḅẹ ẹkwẹn-aḅịḅị ma naa tẹ ḅioḅẹngbọ ḅụ amịna ḅụụ boma tẹ ḅẹẹ ma: Ị̀ la ḅẹ ye ofori, àrị ị̀ kụrọtẹ ḅioḅẹngbọ ḅụ mẹnjị sọ! Miemẹ anị fomu-ḅara na gulugulu na dogi-ḅo tomi mamgba pịrị ḅa — iḅi-apụ na si-apụ na.