Jerimaya 18:11 - FỊAFỊA BAỊBỤLỤ

¹¹ Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 18:11 Iomraidhean Croise

Suku-saakị 11:7

Ó ḅoo, yee wa ideri-mu tẹ anịjụ ịna ama ḅẹ ḅịḅị mẹ pikirima, mịẹtẹ ịn ḅarị jụmọ-jụmọ kọn ẹkwẹn fie ye naa ḅịa ḅara.”

1 Amadapụ 22:23

“Anịẹrẹsị ḍikii, KỊNỊNYANAḄỌ ḅe iruoarị tẹmẹ kẹ mịna ị́ ịkịankoroapụ mamgba ḅịḅị-ḅio sụa tẹ; kụma í gbolomaye ḅụ siye mịẹ KỊNỊNYANAḄỌ ḅe ḍuko ye.”

2 Amadapụ 17:13

Ịn ọkọ mịẹm, anịsọ KỊNỊNYANAḄỌ ḅe ịkịankoroḅọ goḅọ-goḅọ na, so-ḅịrịḅọ goḅọ-goḅọ na Izirẹlị na Juda na aḅeri nụnụ-nụnụ tẹ ḅẹẹm, “Ọmịnị ọmịna asi etela ma ḅụ pịkịị, tẹ à tọn ọ́ pịrị aị ma kokoo, anie Oloko mẹ tẹ à kẹ ọmịna atẹngịapụ pịrị ye mẹ pịkị kẹ ị̀ afịrịmẹnjịapụ ịkịankoroapụ ma ḅara ọ́ fịrịma ye mẹ ḅụ kẹẹ wararị aị ma.”

2 Amadapụ 22:13

“Ó mu KỊNỊNYANAḄỌ ḅe ḅịḅị ḅii kẹ yẹrị na, tomi ma na, bebe Juda mẹmgba na pịrị, mị ḍiri mẹ tẹ ịn ḍọkị-ẹrị ye mẹ ḅio ḅẹ ẹkwẹn-aḅịḅị ma gboloma ye; kẹ gotẹ ọkọ ḅẹẹarị, wamịna aḍapụ ma mị ḍiri mẹ ḅio ḅẹ ẹkwẹn-aḅịḅị ma poki tẹ anị wẹrịtẹ wa gboloma ḅara ḅụ kẹẹ ḅara mamgba ḍiki mịẹ-a ẹrẹsị KỊNỊNYANAḄỌ ḅe gburo-gburotẹ ịganị ḅo wamịna ọgọnọ gbana tẹ.”

2 Amadapụ 5:5

Siriya ḅẹ amadaḅọ ḅe nwẹnị ḅẹẹ, “Mịọkụ muu, anịsakị à ḍiri kẹẹ tẹ kẹ Izirẹlị ḅẹ amadaḅọ ḅe fịrịma ḅa.” Anieḅụ ọ̀ nwẹnị iku fụn ninea akpa na gbasị seleḅa na, iku kẹlẹ-fa fụn maa akpa na gbasị golu na, oyi ye ḅiri opu-akapa na ọkị tẹ mu.

Ayịzaya 5:5

“Mie à kẹ ị̀ girepu-ḍụọ mẹ mịẹ ḅarị ḅara: àrị à ḍiḅi anị ikelema wararị asịn ma soku sin ḅa, anị wẹrị kpaịnmarị onu mẹ à sukuruma-gbin ḅa, tẹ piri-ḅio-ḅẹ anama anị ḅio ḍiḅi wararị aị ma fị tẹ nanga kiri pịrị ḅa.

Ayịzaya 57:1

Iḅi atomi fịịarị, tẹ gbọrụḅọ-sọ anị ḅio sime ye nimi-a, anịanịa anị kẹ ye sịn. Kụma ịn fịịarị sakị, inetẹ ye kẹ ịn lama ḅarị gbọrụ siye sọ ofori.

Jerimaya 11:11

Mie ḅụ, mịọkụ yẹrị KỊNỊNYANAḄỌ ḅe ịna ḅeri nụnụarị mịnẹ à ḅaa-guluguluma ọkị-ḅo ịna ọgọnọ gbana ḅa, tẹ ini anị ḅụ pụkọ-so ḅịa. Tẹ ịn ḅara sụa gotẹ oloku sakị arị in poki ḅịa.

Jerimaya 11:19

À minini nyanaḅọ pịrị wararị anana kịkam, kẹ paka mu ḅaa ḅẹ-yearị ye, tẹ à nimi-a mịnẹ yẹrị mie in gotẹ si-ḅẹrẹ mẹ ḅiya sime ye. In ḍuko simem, “Ó yee wa sịn mẹ pẹlẹ-gbin anị paa ḍumo wararị ogbo; yee wa ọ̀ ḅaa, mịẹ tẹ gbọrụḅọ-sọ ḅarị jen kẹ ọ̀ kẹ ḅiokoroma ḅịa ḅara.”

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 19:15

mịnẹ Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍuko tẹẹ, “À ḅẹẹm àrị ọkị-ḅo mịẹ opu ama mẹ na anị kpeki ama ma na ọgọnọ gbana ḅa ḅẹ fomu-ḅara mẹ arị ọkị-ḅo ḅa, ọ́ kọngọ kụrọma tẹ à ḍukoarị ye poki ḍụkụ ḅịa ẹrẹsị.”

Jerimaya 19:3

KỊNỊNYANAḄỌ ḅe ḍuko ị̀ pịrịm à ḅẹẹ, “Juda ḅẹ amadapụ na Jeruselemu ḅẹ apụ na, ọmịnị Yẹrị Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, nyana tẹ ḍukoarị ye pokii. Arị ọkị-ḅo mị yọ mẹ ọgọnọ gbana ḅẹ-yearị opu ḅụụ-fụka mẹ gboloma ye naa ḅọ naa ḅọ naịn-ḅọrọ ḅa.

Jerimaya 25:2

À Juda na Jeruselemu na ḅẹ atomi mamgba ḅẹẹm,

Jerimaya 25:5

In ḍuko ọ́ pịrịm ọmịnị ọmịna si-sịḅịḅio-sụa ḍumo etela mẹ na ọ́ mịẹarị si-aị ma na ḅụ pịkịị, mịẹ tẹ ọmịnị inetẹ paa KỊNỊNYANAḄỌ ḅe kẹ ọmịnị na ọmịna elemu aḍapụ ma na pịrị amakiri mẹ anga tọrọkọ-tọrọkọ mu ḅẹ ḅara, sime ọ́ pịrị gbamaso ye ḅara ḅụ.

Jerimaya 26:13

Ọmịnị ó ḍumo kọn-arị ḅara na ọ́ mịẹarị aị na ḍima tẹ pịkị KỊNỊNYANAḄỌ ọmịna Tamụnọ ḅe ḅịḅịpoki nyanam. Ọmịnị ọkọ mịẹm ḅẹḅẹ, ori ò kuroma ḍima ḅa, ọ̀ ḅẹẹm ori ọkị-ḅo ọmịna ọgọnọ gbana ḅa ḅẹ guluguluma mẹ gboloma ye ḅụ.

Jerimaya 26:3

Ẹbịsịya tomi ma poki tẹ ịna si etela ma ḅụ ḅara-siin ḅa. Ini ọkọ mịẹm ḅẹḅẹ, anịsakị arị ì kuroma ḍima ḅa ịna si-sịḅịḅio amịẹaị ẹrẹsị à tọn tẹ kẹ ịn ḅaa-guluguluma ḅẹ ye mẹ ḅụ.”

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:22

Ọmịnị KỊNỊNYANAḄỌ ḅe ḅụụ pịkị-so apụ mamgba ọ́ pịkị-ḅoo; Ori ọ́ gwọ tẹ ọ́ mịẹ tẹ ó ḅioḅẹngbọ kẹ ḅụụ ḅụ gbana na-iḅi ḅara sime ḅa. Ọmịnị mẹẹ: Inn, wa KỊNỊNYANAḄỌ ḅe ḍọkụma-ḅoarị, ori wamịna Tamụnọ ẹrẹsị.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Jerimaya 4:14

Jeruselemu, í ḅioḅẹngbọ ḅụ si mẹ sịkịrị-siin, mịẹ tẹ ị́ ḅọrọma ḅarị ḅara. Í si-aị kuroma mu tọ sakị la ḅẹ?

Jerimaya 4:23

À kiri mẹ ḍikim — anị kẹ gberie-sọ mịẹ-a ḅara kẹ gbin koro-simem; So-tọrụ mẹ ḅụ sọ, bele ofori.

Jerimaya 4:6

Ḅọrọ mu etela mẹ tọkịma Zayọnị pịrịị. Ḍumo mangị kọn! Sakị fama ma! KỊNỊNYANAḄỌ ḅe opu ḅụụ-fụka na opu ḅaa-guluguluma na ọkị-ḅoarị ọgọnọ-jụ ḅụ.

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Jerimaya 7:3

Mie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍukoarị ye. Ọmịnị ọmịna etela ma na mịẹ-aị ma na ḍima, anịsakị à ḍụkụ tẹ ọ́ mịẹ anga anga ḅa.

Izikẹlị 13:22

“Ọmịna iruo-aị ḅụ ọ́ ḅọrọtẹ iḅi atomi ḅioḅẹngbọ lọkọmarị, anie yẹrị ye kẹ lama ḅẹ ḅii-a apụ ma. Ó si-mịẹapụ kikiarị siye ḅụ ḅara-siin ḅụ, tẹ ịna ḍumo wẹrịarị.

Izikẹlị 18:23

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gbelarị, ‘Ó kuromarị tọrụ-tọrụ kẹ si tomḅọ mẹ ḍiki tẹ mḅọ fịị mẹ ị̀ ḅioḅẹlẹmarị aro? Ẹn-ẹn, anie nakara àrị ẹrị ḅẹ ḅiim mḅọ si-ḅụ-pịkị tẹ ḍumo.’ ”

Jona 3:8

Tomi mamgba na nama ma na akpa ḅirii. Ḅẹḅọ-ḅẹḅọ iḅiọkụ Tamụnọ tẹkẹ tẹ mḅọ si-sịḅịḅio ye-mịẹ-ḅara ḅụ ḅara-siin, pịkị mḅọ si amịẹaị ḅụ na.

Mayịka 2:3

Anịẹrẹsị mie KỊNỊNYANAḄỌ ḅe ḍuko yee, “Ḍikii, à fịị na fa na ọkị-ḅo ọmịna ọgọnọ gbana ḅẹ tọn-arị ọmịnị inetẹ anị ḅụ mangị-so ḅịa. Anị kọngọ sụa iku dogiye sọ ọ́ pịrị ḅa, tẹ ọ́ ḅarị ḅara finji-finji mẹnjị ḅịa.

Zẹkaraya 1:3

kụma mịọkụ àrị ọ́ ḅẹẹarị, ‘ọ́ pịkịma ị̀ dama-ḅoo, tẹ yẹrị sọ pịkịma ọ́ dama-ḅo ḅa.

Fịrịmẹnjịapụ 26:20

À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn.

Jemụsị 4:13

Mịọkụ ọmịnị ì pokii, ọmịnị ḅẹẹarị apụ, “Mịmgba, anịanịa ḅaa, wa paka gbọrụ ama mu tẹ anịanga gbọrụ kụra sime, tẹ tuḅo kọn tẹ tọnwa igbigi mịẹ ḅa.”

Jemụsị 5:1

Anịsakị mịọkụ, ọmịnị ngọ-kọn apụ, ọmịnị ì pokii! Ọmịnị ó ponoma ḅẹ ḅoarị atọrụsiẹrị ma gotẹ owu tẹ kururuu!