Jerimaya 18:10 - FỊAFỊA BAỊBỤLỤ

¹⁰ kụma anị sịẹ mẹ ḅo ị̀ ḅịḅị kan tẹ siye mịẹ-mịẹ, àrị à ḅẹẹm à mịẹ ḅẹ ye mẹ mịẹ ḅịa.

Jerimaya 18:10 Iomraidhean Croise

Devidi-Anume 125:5

Kụma í fomu-ḅara kẹ si-sịḅịḅio-sụapụ ma pịrị ḅa sakị, pịkị í etela ma kuroma so apụ ma sọ fomu. Dein Izirẹlị na simee!

Izikẹlị 18:24

Kụma karakara mịẹ-mịẹ tomḅọ iḅi mị ḅụ ḅara-siin tẹ saakị si-aị mamgba mịẹarị, anie sịḅị-ngụngụnmarị aị ma tẹ si-mịẹapụ mịẹarị aị ma, ọ̀ paa ḍumo sime ḅa aro? Ẹn-ẹn! Elemu ọ̀ mịẹ tẹ iḅi mẹ gberie-sọ ịn kẹ ḅiokoroma ḅịa. Ọ̀ fịị ḅa, ḅioḅẹngbọ kẹ ọ̀ ḅụụ ḅụ gbana na-iḅi-a ḅara mẹ na ori asi na gotẹ.

Izikẹlị 33:12

“Mịọkụ, fịị-fịị tomḅọ, ḍuko Izirẹlịapụ ma pịrị mịnẹ iḅi tomḅọ si mịẹarị sakị, mḅọ mịẹ tẹ iḅi mẹ mḅọ ḅọrọma ḅịa. Si tomḅọ si mị dasịẹma-sịẹma mḅọ ḅarị fomu-ḅara da ḅịa, tẹ iḅi tomḅọ saakị si mịẹarị ḅẹḅẹ, mḅọ ḍumo ḅọrọma ḅọrọma ḅịa.

Izikẹlị 33:18

Karakara mịẹ-mịẹ tomḅọ iḅi mịẹ dasịẹma tẹ saakị siye mịẹarị sakị, ori anị gotẹ fịị ḅa.

Izikẹlị 45:20

Akalụ mẹ ḅẹ sọnọma aḍin karama eneḅaka mẹ ḅụ ọ́ pịkị anị gbọrụ ḅara mẹ mị, ḅiotọn-a ḅara, anịanịa nimi-a ḅụ si mịẹ ḅọ goḅọ-goḅọ gotẹ. Mị ḅọkọ ḅụ ọ́ ḅọrọ tẹ Tamụnọ-warị mẹ wẹrị fịafịama ḅa.”

Zẹfanaya 1:6

Ini tẹ ọḅụ pịkị ì gbin tẹ ḅarị ì ḍukamẹnjị-a apụ ma àrị ịn ḅaa guluguluma ḅa, ini tẹ ị̀ dama-ḅo anịanịa ì gbela tẹ arị ịn datụkụma-a apụ ma.”

Kịẹn-aḅịḅị 14:22

tomi ma tẹ ì ebube mẹ na, ị̀ elekima ma tẹ arị Ijiputi ḅụ na, ịkpa mẹ ḅio na kọrị aị ma ẹrị, tẹ anịsọ mịna oyi asakị ma kẹ ị̀ daaḍiki, tẹ ị̀ pọkọ poki tẹ mịẹ-a apụ ma ḅẹ gbọrụḅọ sọ,

Kịẹn-aḅịḅị 14:23

ama mẹ tẹ à kẹ ịna aḍapụ pịrị ḅẹ tẹ ye karị ḅara kẹ ḍuko ama mẹ ẹrị ḅẹ ḅọ ofori anịsakị inima tẹ ì ḍiki-sima apụ ma ḅụ gbọrụḅọ sọ anị ẹrị ḅịa.

Kịẹn-aḅịḅị 14:34

Ene ma tẹ ọ́ kẹ mu ama mẹ ẹnyẹ ene ma wẹrịtẹ la ḅara, ḍin amesi ma, gbọrụ ḍin gbọrụ kụra, gbọrụ kụra ọ́ nwẹn kẹ ọmịna mịẹ-irima mẹ dogi ḅa, anie kụra amesi, tẹ ọmịnị ị̀ ḅụụ-ḅẹlẹ-a ye mẹ nimi ḅa.’

1 Samụẹlị 13:13

Samụwẹlị nwẹnị Sọlụ ḅẹẹ, “Í oḅori-sọ ḅara kẹ ye mịẹ tẹẹ; tọn ye mẹ tẹ KỊNỊNYANAḄỌ ị́ Tamụnọ ḅẹ, ori tọn ị́ pịrị ye mẹ í koko-a, mimgbe mịọkụ ori Izirẹlị ḅụ ị́ ama-da mẹ sịẹma kụrọma gbamaso tẹẹ.

1 Samụẹlị 15:11

“À Sọlụ kẹ amadaḅọ mịẹ ye à tiye-ì-gbo ḅẹẹm, kẹ gotẹ ọkọ ḅẹẹarị, ì ḍukamẹnjị ḅụ ọ̀ tọrụ-pịkị ọḅụ ḍiki tẹẹ, tẹ ḅarị à tọn aị mịẹ-a.” Anị nwẹnị Samụwẹlị ḅụụ-ḅẹsọọ; tẹ ọ̀ nwẹnị bebe ḍin mẹmgba kẹ owu KỊNỊNYANAḄỌ ḅe pịrị.

1 Samụẹlị 15:35

Tẹ Samụwẹlị ḅarị jen-maaịn kẹ Sọlụ ẹrị-a nwenii ọ̀ fịị ḅẹ ene mẹ lam; kụma Samụwẹlị, Sọlụ gotẹ ḅioḅum. Tẹ KỊNỊNYANAḄỌ ḅe nwẹnị ọ̀ Sọlụ kẹ amadaḅọ mịẹ Izirẹlị pịrị ye mẹ ḅụ tiye-ì-gbo ḅẹẹ.

1 Samụẹlị 2:30

Anịẹrẹsị yẹrị KỊNỊNYANAḄỌ, Izirẹlịapụ tẹkẹarị Tamụnọ ḅe mininim mịnẹ ị́ warị na, ị́ ḍa warị mẹ na ị̀ tọrọkọ mẹnjị sọ na, paka na gbamaso ḅa; kụma mịọkụ à ḅarị ọkọ mịẹ ḅịa, kẹ gotẹ ọkọ ḅẹẹarị, inima tẹ kụn kẹ ị̀ pịrị apụ ma, àrị ịn kụn ḅa; anịsakị inima tẹ ì ḍiki iderima apụ ma, à feke-feke ḅara kẹ in ọkị ḅa.