Jerimaya 17:7 - FỊAFỊA BAỊBỤLỤ

⁷ Kụma àrị in boma ḅa, anie ịna aḅioḅẹngbọ kẹ ị̀ ḅụụ ḅụ gbanarị apụ ma.

Jerimaya 17:7 Iomraidhean Croise

Devidi-Anume 125:1

KỊNỊNYANAḄỌ ḅe kẹ ḅiokpọma apụ ma, ịn Zayọnị Tụndụ mẹ sịẹ-kụrọ ḅara sịẹ-kụrọ wararị, anie gbala-gbala inetẹ jike ḅịa apụ, pịkị gbala-gbala saakị jen kiri kuroma ḅịa ye mẹ.

Devidi-Anume 146:5

Ḅioḅẹlẹ sime anị tomḅọ ḅe pịrịm, Jekọbụ Tamụnọ ḅarasụa pịrịarị ḅọ ḅe, tẹ KỊNỊNYANAḄỌ, ọ̀ Tamụnọ ḅe ḅụ sịrẹrẹ wararị ḅọ ḅe,

Devidi-Anume 2:12

Ọmịnị oju sẹkịma mu ọ̀ tọrọkọ iḅoo; ọkọ-a kụma ori ịganị ala-a saakị ḅa, tẹ ó ḅiotọn-a sakị kẹ fịị ḅa. Ḅioḅẹlẹ sime ọ̀ ḍọkụma-ḅo tẹ ọ̀ gbaịn-arị apụ ma pịrịm.

Devidi-Anume 20:8

Ọkọ sime apụ ma ịn pụmbụ tẹ ḅịkị ḅa, kụma wamịnị wa saakị tẹ sịẹ-kụrọ ḅa.

Devidi-Anume 34:8

Ḅarana KỊNỊNYANAḄỌ ḅe iḅi la ḅara ḍọkị-nimi; ye ḅofa ịn la gotẹ ḅụụ kẹ ọ̀ ḅarasụa apụ ma ḅioḅẹlẹ sime ịn pịrịm.

Devidi-Anume 40:4

Ḅioḅẹlẹ sime KỊNỊNYANAḄỌ ḅe kẹ ḅiokpọmarị apụ ma pịrịm, anie pịkị oru-afụḅara dama-mua apụ ma anịanịa papaa aị kẹ Tamụnọ sọma tẹ sunsin pịrịarị apụ ma ḅụ sọ-a apụ ma.

Devidi-Anume 71:5

KỊNỊNYANAḄỌ, àrị ị́ kẹ ḅiokpọmarị; ị̀ asambịrịma sakị kụra-ḅio ị́ ḅụụ mie à ḅioḅẹngbọ kẹ gbanarị.

Devidi-Anume 84:12

Kụrọmamgba nyana Tamụnọ, ị́ kẹ ḅiokpọma apụ ma ḅioḅẹlẹ la ḅara ḍiki!

Egberima-Ẹkwẹn 16:20

Ịn kẹ í toluma tẹ ye mẹ kẹ ye-sịn, anịsakị ye ị́ na iḅi ḅa; KỊNỊNYANAḄỌ kẹ ḅiokpọmaa, anịsakị í ḅioḅẹlẹ ḅa.

Ayịzaya 30:18

Anịsọ KỊNỊNYANAḄỌ ḅe paa koruarị ori ọkụrụkụrụ nyana ọ́ pịrị. Ọ̀ tẹlẹma wararị ò ḍiki sịḅị-jịrị, sakị mamgba ò kuraye mịẹarị ẹrẹsị. Ḅioḅẹlẹ sime KỊNỊNYANAḄỌ ḅe kẹ ḅiokpọmarị apụ ma pịrịm.

Ayịzaya 61:3

Kẹ Zayọnị ḅụ kururuarị apụ ma pịrị Ḍereku na ḅioḅẹlẹ na, ḅioḅẹngbọ-si nakara, Tokini nume-su, kururu nakara. Ini opu asịn kịka ḅa Anie KỊNỊNYANAḄỌ ḅe ḅarana ḍiḅi aị. Inimgba kuraye mịẹ ḅa, Tẹ Tamụnọ tokini ḅa ọ̀ kọrị tẹ ye gotẹ.

Jerimaya 39:18

Arị í koko kpaịnma ḅa, tẹ kịnị ị́ ḅaa ḅịa. Í í ḍumo kẹ mangị-so ḅa, ị́ ị̀ kẹ ḅiokpọma ye ẹrẹsị. Yẹrị, KỊNỊNYANAḄỌ ḅe, ọkọ ḅẹẹm.”

Danẹlị 3:28

Amadaḅọ ḅe nwẹnị ḍuko, “Ọ́ Sẹdarakị na Mẹsakị na Abẹdinigo na Tamụnọ ḅe tokini. Ori ori enjẹlị fịrịma mu mịna tẹra owiapụ tẹ fịrịmẹnjị ọ̀ pịrịarị tẹ ọ̀ kẹ ḅiokpọma apụ ma pụkọ-pakamaḅom. Ini à tọn ye poki tẹ mịẹ-a, tẹ ịna ḍumo kẹ fa ḅọkọ ḅio suum, ịna soku-ḅẹ Tamụnọ sikima in sunsin jen tamụnọ pịrị ḅẹ nakara.”

Zẹfanaya 3:12

Anị anga ḅụ à ḅụụ-lẹgịmarị simini atomi kẹ koroma ḅa, ḅarasụa gotẹ ị̀ ḍọkụma-ḅo ḅẹ apụ.

Ẹfisọsị 1:12

Ọkọẹrẹsị, ó yee wamịnị, tarị Kịrayịsị kẹ ḅiokpọma apụ ma, Tamụnọ ebube mẹ tokini!