Jerimaya 17:6 - FỊAFỊA BAỊBỤLỤ

⁶ Ini ịkpa ḅio ḅẹ piri-otokoloḅa kịkarị, anie kịnị anga-anga-a samụnọ kiri ḅụ so-pakarị ye mẹ, fụn-fụn-fụn kiri tẹ jen gberie-sọ so-paka-a yọ mẹ Gbọrụ iḅiye sọ ịna ḅụụ paka-paka-a.

Jerimaya 17:6 Iomraidhean Croise

2 Amadapụ 7:2

Anịtẹso amadaḅọ ḅe onyo-sẹịn ọmụ-alaḅọ ḅe nwẹnị Ịlayịsa ḅẹẹ, “Miemẹ inetẹ mịẹ ḅẹ, KỊNỊNYANAḄỌ ḅe ḅioju nwẹnị So-ḅio ḅẹ ikiḅa-aḅọkọ ma finji sọ?” Kụma Ịlayịsa nwẹnị pakịrị, “Ị́ ị́ atọrụngbọ ma kẹ anị ẹrị ḅa, kụma ị́ anị ḅụ ye fị ḅịa.”

Jobu 20:17

Ọ̀ ḅarị tọrụ saakị ḅuu-minji atọrụ ma ḍiki ḅịa, ḅẹm na ndo-minji na sararị ḅuu-minji kala tọrụ ma

Jobu 39:6

ori ḅe tẹ arị ele mẹ kẹ ama mịẹ pịrị, tẹ fụn kiri mẹ kẹ anga-anga sọma pịrị tẹ ḅọ ḅe?

Devidi-Anume 1:4

Kụma si-mịẹapụ ma gbala-gbala ye anị ḅara kẹ ini na sime-a; ịn kịkarị ye fẹrụ kẹ fiin soarị asịra.

Devidi-Anume 107:34

Ọ̀ mịẹ tẹ ye pakama-pakama kiri ḅo fụn-fụn-fụn simearị ịkpa sọm anị yọ anga apụ sụa si-sịḅịḅio gotẹ.

Devidi-Anume 92:7

si-sịḅịḅio-sụapụ ma osuka brebrema so-paka ḅara kẹ loloarị, kura-aye mịẹ apụ ma sọ inetẹ lolo ḅa, anịsọ ịn fịị gulugulu fama ḅa,

Ayịzaya 1:30

Fịịarị sịn kpatụ ḅara mie ọ́ kpatụ ḅarịye minji kẹ sararị ḅọ ofori ḍụọ pembe ḅara.

Jerimaya 29:32

mie KỊNỊNYANAḄỌ ḅe mẹẹ ye, piki-pikiye-ofori ḅara ḅụ à fomu-ḅara kẹ Sẹmaya Nehelamụ ḅẹ ḅọ ḅe pịrị ḅa, ò furo-ḅẹ-apụ sọ. Ori atomi ḅụ kirikọn ḅẹ ḅọ ofori, ò ḍumo sime tẹ tọrụngbọ kịngẹ sọ kẹ à mịẹ ị̀ atomi pịrị ḅẹ iḅi aị ma sọ ẹrị ḅịa, KỊNỊNYANAḄỌ ḅe ḍuko pakamarị, ò tomi ma kọngọ kụrọma ị̀ pịrịị nwẹn ḅẹẹ ye ḍuko ịn pịrị ye ẹrẹsị.’ ” Yẹrị KỊNỊNYANAḄỌ ḅe ọkọ ḅẹẹm.

Jerimaya 48:6

Ini mẹẹ: Saramaa, í ḍumo-mangị kọn! Ịkpa ḅio ḅẹ kala asụ mangị ḅara mangịị!

Izikẹlị 47:11

Kụma opou kiri mẹ ḅụ na minji sịẹ-sịẹ wararị ayọ ma na tẹ pọkụ-ḅọkọ mẹ bịan mẹ ḅụ simearị minji mẹ ḅuu-minji sọ ḅịa. Arị sime tẹ fụn paka-paka ḅo ḅarị anga sọ ḅa.

Zẹfanaya 2:9

Piki-pikiye-ofori ḅara ḅụ yẹrị anie Izirẹlị ḅụ ḍumo wararị Tamụnọ ḅe sakị goyegoye, à karị tẹ ḅẹẹarị mịnẹ ịn Mohabụ na Amọnị na ḅaa guluguluma ḅẹ-yearị ịn Sọdọmụ na Gomora ḅaa guluguluma ḅara mẹ kịka ḅara. Arị ḅe fụn otolo-otolo yọ sọ ḅa, sii kọsị gbamaso ḅarị yọ, piri gbaịntẹ anga. Ị̀ atomi ḅụ fịị-a so ḅarị apụ ịna aị fọịn tẹ ịna kiri ọkị ḅa.”

Ditẹrọnọmị 29:23

Bebe ama mẹmgba sọlụfọ nwẹn sịn ye-dọkịmaye na fụn na anị gbaịn ḅa; anị ḅụ ḍiḅi gberie sọ so-paka ḅịa, osuka sọ inetẹ so-paka ḅịa anga. Bebe ama mẹ Sọdọmụ na Gomora na Adima na Zeboyimu na, tẹ KỊNỊNYANAḄỌ ḅe ò ye ḅụụ-ḅẹsọ na, ịganị ḅụ na fama opu ama ma fa tẹ sime-ḅara sime ḅa.

Ḅẹrẹkọn-apụ 9:45

Abimẹlẹkị anị ene mẹmgba kẹ opu ama mẹ na owu sọm; ori opu ama mẹ ọkịm, tẹ tomi tẹ anị ḅio sime apụ ma ḅaam; tẹ ọ̀ nwẹnị ama mẹ fama tẹ fụn kẹ anị sara gbaịn.