Jerimaya 17:4 - FỊAFỊA BAỊBỤLỤ

⁴ Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 17:4 Iomraidhean Croise

1 Amadapụ 9:7

anịrẹ àrị ị̀ atomi Izirẹlịapụ ma ḅelema ḅa à kẹ ịn pịrị tẹ ama mẹ ḅụ. À pịkị mị Tẹkẹ-warị mẹ tẹ à tomi sunsin ị̀ pịrị ḅẹ anga wẹrị ḅara kẹ wẹrị fịafịama tẹ anga mẹ sọ kẹ gbin-koroma tẹ so ḅa. Anga-anga ḅụ simearị atomi mamgba Izirẹlị kẹ kpọọti ḅa tẹ ye-sịn-a ḅara kẹ arị na mịẹ ḅa.

2 Amadapụ 25:21

Babịlọnị ḅe amadaḅọ ḅe nwẹnị ịn fomu tẹ ịn ḅaa Hamatị ye-yọ Ribula ḅụ. Anie ịn Juda ye-yọ ḅụ anị ọkị mu omoni sọma ḅara.

Nehimaya 9:28

Kụma ini ịnyọsara tẹso, in pịkị si mịẹm ị́ tọrọkọ ḅụ, ị́ nwẹnị in sịkị inina fịya-a apụ ḅara-ḅio suu tẹ in nwẹnị anieḅụ ḅẹrẹtọn in pịrịm. Anịsọ in pịkịma-ḅo owu ị́ pịrị tẹso, So-ḅio ḅụ ị́ in naam. Tọnwa sakị ị́ nwẹn kẹ ịn ḅọrọma tẹ, ị́ ọkụrụkụrụ sime-ḅara gotẹ.

Ayịzaya 14:3

KỊNỊNYANAḄỌ ḅe Izirẹlị pakama-ḅo ḅa ịna akụye na ḅụụ-fụka na ḅụ, pịkị kụrọ kọrịnama tẹ ini in ponoma tẹ ịn kọrị sime ye mẹ ḅụ na.

Ayịzaya 30:33

Ala tẹ sakị ḅụ ịn gbọrụ yọ tẹlẹma wẹrịm, ini orumo kẹ Asiriya tomikiri mẹ dọkịma fama ḅẹ yọ. Anị pokolo tẹ finjima wararị, tẹ ịn pakịrị tan-tan anị ḅio sara tunduruma wararị. KỊNỊNYANAḄỌ ḅe ọwụ sara tẹ anị fịnị-ḅẹlẹ sọ tẹ veremuma anị kọrịma ḅa.

Ayịzaya 5:25

KỊNỊNYANAḄỌ ḅe ịganị ori atomi pịrịarị tẹ ọ̀ ḅara sụn pakama tẹ, kẹ in fomu, tụndụ ma jike ḅa, tẹ ḍụẹịn-ḍụẹịn-ḍụẹịn etela ma ḅụ sara-sime ḅa, fun sara ḅara. Anị nwẹnị ọkọ mịẹ tẹso, KỊNỊNYANAḄỌ ḅe ịganị kuno ḅịa, kụma ọ̀ ḅara paa sụn paka ḅa, kẹ in fomu.

Ayịzaya 50:11

Ọmịnị-mgba tẹ jen-apụ ḅaa guluguluma ḅẹ ḅiyarị apụ, ó ḅiya ḅo aị ma ọ́ ḅaa guluguluma ḅa. KỊNỊNYANAḄỌ ḅe ḅioju mịẹ tẹ miemẹ paka ḅa; ó sime ọ́ pịrị sịḅị-jịrịma tọrụsiẹrị ẹrị ḅa.

Ayịzaya 66:24

In soarị sakị ịn fịtẹ-apụ ma oju akpakpa ma ẹrị ḅa, anie kọngọ-kụrọma ị̀ pịrị ḅụ fịtẹ-apụ ma aḍụẹịn ma. Arị pẹịarị angule ma gbala-gbala ịn fịị ḅịa, tẹ ịn dọkịmarị fịnị mẹ sọ gbala-gbala in biinma ḅịa. Tọrụngbọ kẹ ini ẹrị mẹ tomikiri ḅẹ atomi mamgba ḅụ kpọma sii ḅa.”

Jerimaya 12:7

KỊNỊNYANAḄỌ ḅe mẹẹ, “Àrị Izirẹlị kẹ gbin koroma-so tẹẹ; Arị ị̀ sịẹ tẹ à sẹlẹ ọkị tẹ apụ ma sịkị tẹẹ. Àrị à ḅẹlẹmarịapụ ma kẹ si kẹ ịn tọn-arị apụ kụrọ ḅara-ḅio suu tẹẹ.

Jerimaya 15:14

À mịẹ tẹ ị̀ atomi fịrịmẹnjị ini na fịya-a apụ pịrị ḅa, ịn gbala-gbala amụ anị gboloma ye nimi-a amakiri ḅụ; ị̀ ịganị fịnị kịka tẹ kọrị gbamaso ḅa ẹrẹsị.”

Jerimaya 16:13

Anịtẹso, mie ḅụ, arị ó sukuruma pakama ḅa mị amakiri mẹ ḅụ, tẹ ó mu ọmịnị-o, ọmịna elemu aḍapụ ma-o, amụ nimi-a anga mu ḅa. Tẹ anịanga ọ́ fịrịmẹnjị oru-atamụnọ pịrị ḅa eneḅaka na ḍin na ḅụ, tẹ àrị ọkụrụkụrụ nyana ọ́ pịrị ḅịa.’ ”

Jerimaya 18:23

Kụma KỊNỊNYANAḄỌ, ini ị̀ ḅaa ḅẹ gotẹ ḅiya aḅẹrẹ mamgba í nimi wararị. Ịna si mẹ kẹ ḅioḅọrọma ma anịanịa ịna si-wẹrịso. Ịn kẹ kiri gbin owu-ḅara-sii ḅụ, tẹ ị́ ịganịarị ogbo ị́ kẹ ini na mịẹ ḅẹ ḅara kẹ ini na mịẹẹ.”

Jerimaya 2:14

“Izirẹlị omoniḅọ-a, Omoniḅọ pịkị ori iyi-a. Ọkọ kụma tiye ẹrẹsị si kẹ ọ̀ tọn apụ ma ò ḍuka-ḍuka tẹ ò kun-arị?

Jerimaya 21:12

Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 22:28

À nwẹnị ḅẹẹ, “Ama-da Jehohakịnị ḅe, ọ̀ fị tẹ jongo sọ tẹ ini ọ̀ kẹ wakị nguma tẹ gbọrụḅọ-sọ ḅarị ò ḅii-a? Anie mie in gotẹ ori na ori awọmẹ na kun-so ini anị gboloma gberie-sọ nimi-a amakiri mu ye?”

Jerimaya 5:19

Ini à gotẹ mịna aị ma mịẹ ye gbela sakị, Jerimaya, ịn ḅẹẹ mịnẹ ini ị̀ ḅụụ pịkị-so tẹ fịrịmẹnjị jen asịẹ ḅẹ atamụnọ pịrị ḅara mẹ ịna ḅara kuḅu ḅẹ amakiri ḅụ, anie ịn pịkị fịrịmẹnjị jen asịẹ ḅẹ apụ pịrị ḅarị ḅara ịna nye-a amakiri ḅụ.”

Jerimaya 5:29

Kụma yẹrị KỊNỊNYANAḄỌ ḅe mịna aị ma gotẹ fomu-ḅara kẹ ịn pịrị ḅa; à mị sịẹ mẹ ḅara gbẹẹfị ḅii ḅa.

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Kururu Owu-apọkọ 1:12

Ọmịnị mamgba tẹ mẹnjị-mẹnjị-ḅọrọarị apụ, anị ọmịna aḅụụ gberie-sọ la-a mọ? Ọ́ paa ḍikii, tẹ ẹrịị, ì kururu mẹ pembe kururu ḅọrọ emi ḅẹḅẹ aniemẹ tẹ ḅo ị̀ ọgọnọ gbana ye mẹ, aniemẹ tẹ KỊNỊNYANAḄỌ ḅe kẹ ọ̀ ḅalafama ịganị ene ḅụ, ì fomu ye mẹ.

Kururu Owu-apọkọ 5:2

Wamịna anga yọ mẹ pịkị ḅo igoniapụ sime anga sọ tẹ; wamịna ama ma sime igoniapụ pịrị tẹ.

Izikẹlị 21:31

Ị̀ ịganị mẹ ọmịna aḅụụ ịnọ ḅa à kiki ofori ḅara kẹ anị wẹrịso tẹ anị ọmịna ọgọnọ fịnị kịka tẹ kọrị ḅẹ sakị. Tẹ arị ọ́ saḅama piri-ḅio-ḅẹ si anama ḅara kẹ kịnị na mịẹarị atomi pịrị ḅa, ḅaa-guluguluma nimi ḅara ḅa tẹ apụ.

Izikẹlị 7:24

À si-tẹịn asịẹ ọkị-ḅo tẹ ịn wẹrịso tẹ ini ọmịna sime-ayọ ma ọkị ḅa. Ọmịna kụrọ-tẹịn owiapụ ma ḅarị ḅiokpọ nyana ḅịa, à mịẹ tẹ sịẹ-sịẹ ma ọmịna Tamụnọ-tẹkẹ-yọ mẹ mie simarị sakị.

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.