Jerimaya 17:3 - FỊAFỊA BAỊBỤLỤ

³ pịkị tụndụ ma ọgọnọ piri ọgọnọ-jụ ḅụ. À mịẹ tẹ si kẹ ọ́ tọn apụ ọmịna ngọ na ó koko ḅụụ wẹrịma aị ma na ọkị so ḅa, ọmịna amakiri mẹ kana-koro ḅụ ọ́ mịẹ tẹ asi ma ẹrẹsị.

Jerimaya 17:3 Iomraidhean Croise

2 Amadapụ 24:13

tẹ KỊNỊNYANAḄỌ ḅe sakị pịrị ḍuko ḅara ḅụ, KỊNỊNYANAḄỌ ḅe warị ḅio ḅẹ ngọ mẹmgba na, amadaḅọ ḅe warị ḅio ḅẹ ngọ mẹmgba na dogi-so, tẹ KỊNỊNYANAḄỌ ḅe Tẹkẹ-warị ḅio sime golu-golu ayesụaị tẹ Sọlọmọnị Izirẹlị ḅẹ amadaḅọ ḅe tẹmẹ-aị mamgba kẹ pakịrị-pakịrị puu.

Devidi-Anume 78:58

Oru tẹkẹ-ayọ tẹ ịn nama ḅụụ pịrị-aị ma ori ịganịmam, ini oru-afụḅara tẹmẹ ye mẹ pịkị kpọma ori ịganị owimam.

Ayịzaya 27:9

Kụma ịn Tamụnọ nimi-a apụ ḍụḅarị agbamịẹ-anga ma kẹ toru gbẹẹ ḅara gbẹẹ kọsịma, tẹ ịn kẹ kụnụaị dọkịmarị ayọ ma na, anịanịa ere-oru fụḅara tẹ ịn kẹ Asịra sịn ye mẹ na ḅarị ofori tẹrẹmẹ, mie arị Izirẹlị asi ma wẹrịso ḅarịye.

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 15:13

KỊNỊNYANAḄỌ ḅe ị̀ ḅẹẹm, “Àrị ini na fịya-a apụ fịrịma mu ị̀ atomi ngọ ma na ịn kẹ ḅụụ wẹrịma aị ma na dogi-so ḅa, arị ịna bebe amakiri mẹ ḅụ mịẹ asi ma fomu-ḅara kẹ ịn pịrị ḅẹ ḅara.

Jerimaya 20:5

À pịkị wẹrịso tẹ si kẹ ịn tọn apụ ma mị opu ama mẹ ḅẹ ngọ mamgba fọịn tẹ anị nyana aị mamgba kọrị-ọkị ḅa, Juda ḅẹ amadapụ ma kẹ koko ḅụụ-wẹrịma aị kịngẹ sọ, tẹ ye goyegoye dogi-so Babịlonịya mu ḅa.

Jerimaya 21:13

Ị́yẹrị, Jeruselemu, ị́ lẹgị-sime wararị, tụndụ suku ma ḅụ í gele fa wararị, ịkụ kịka tẹ lẹsẹrẹ-kiri mẹ ḅụ so sọ wararị, Kụma yẹrị owu kẹ ị́ paka tẹ Ị́ ḅarị mịnẹ gbọrụḅọ-sọ inetẹ owu kẹ ị́ paka anịanịa ị́ kụrọnị-anga ma kan tolu-ḅọrọ ḅịa.

Jerimaya 26:18

Hẹzịkaya ama-daarị sakị Juda ḅụ, ịkịankoro Mayịka, Morẹsẹtị ḅẹ ḅọ ḅe, ḍuko tomi ma pịrịm mịnẹ Kụrọmamgba nyana KỊNỊNYANAḄỌ ḅe ḍuko tẹẹ: Ini opu anama fọnọ-mẹnjịarị kiri soku ikulele kẹ Zayọnị kẹ ḍụọ kọrị kiri kịkama soku ḅa. Jeruselemu sara sọ ḅa, tẹ Tamụnọ-warị mẹ opu-piri sọ ḅa.

Kururu Owu-apọkọ 1:10

Kịnị na fịya-a ḅọ ḅe amịna aḅara sụn-pakama á ḅụụ yela aị mamgba ọgọnọ gbana tẹẹ; inn, árị opu asịẹ ma á fịafịa yọ mẹ gbaịn-koro, tẹ anị fọịn ḅara ẹrị tẹẹ, inima tẹ í tomina-ogbo mẹ ḅio sọ-ḅo mẹ ị́ tọn-tọn apụ ma.

Izikẹlị 16:39

Àrị ị́ kẹ ịna kụrọ suku-ḅio suu ḅa, tẹ ini ị́ ama-mẹnjị amịẹaị ma mịẹ-mịẹ tẹ sunsin oru-afụḅara pịrịarị oru-awarị ma kan-sara ḅa. Ini ị́ aḅịtẹ na kapa na, yela ḅụụ-ḅirima aị ma na ọkị so tẹ ye kọnma-a ḅara kẹ ị́ paụma koroma tẹ so ḅa.”

Izikẹlị 23:46

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye: “Tomi ogbo kẹ ḅo ịna tẹmẹ-naịn-naịnma tẹ ịna aị fọịn.

Izikẹlị 6:3

Ḍuko Izirẹlị ḅẹ tụndụ ma pịrị ịn KỊNỊNYANAḄỌ ḅe ẹkwẹn mẹ naa — ini yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko tụndụ ma na, tụndụ ma na, tụndụ ma puu ideri-koro wararị ayọ ma na, tụndụ-suku ma na pịrịarị ye mẹ naa; àrị okologie fịrịma mu in sime tẹ oru-afụḅara tẹkẹarị anga ma guluguluma ḅa.

Lẹvitikọsị 26:30

Àrị ọmịna geletẹ ayeyọ ma sukuruma-gbin ḅa, tẹ ọmịna kụnụaị ebeka ma pẹlẹ, pẹlẹ-gbin, tẹ ọmịna fịtẹ oju ma saakị, saakị ọmịna fịtẹ akpokobịa ma ọgọnọ gbana ḅa, tẹ ọmịnị ị̀ ḅụụ si ḅa.

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.

Zẹfanaya 1:13

Ịn nyana sara aị ma ja apụ ọkị so tẹ ịna awarị kan guluguluma ḅa. Gbala-gbala ịn namarị awarị ma ḅio ini anga ḅịa anịanịa in ḍiḅiarị vaịnị aḍụọ ma ḅụ ḅo iru ḅuu.”