Jerimaya 17:26 - FỊAFỊA BAỊBỤLỤ

²⁶ Kịnị ḅo ḅa Juda ḅẹ ama ma ḅụ, pịkị Jeruselemu ikelema-koro ḅụ simearị kala-ama ma na ḅụ; Benijamịnị ibe ḅụ sọ in ḅo ḅa, tụndụ ma na gele-ayọ ma na ḅụ simearị ama ma ḅụ sọ, pịkị Juda suku-jụ ḅẹ apụ sọ. Ịn dọkịma agbamịẹ-aị na ja agbamịẹ-aị na ọkị-ḅo ḅa, mgbọlị afịaị ḍiepịrị-aị na kụnụaị na pịkị ịmịẹtẹ ḅẹ aị na sọ.

Jerimaya 17:26 Iomraidhean Croise

Ẹzịra 3:11

Ịn nume-sunm, tẹ inweni-mamgba su pẹlẹ anga mẹ su-su tẹ KỊNỊNYANAḄỌ ḅe tokini-tokini tẹ ịmịẹtẹ kẹ ọ̀ ḅẹẹ tẹ ḅẹẹm: Gbala ori iḅim! kẹ gotẹ ọkọ ḅẹẹarị, ò jike-a ḅẹlẹma sime Izirẹlị pịrị gbamasom. Tomi mamgba nwẹnị ịn KỊNỊNYANAḄỌ ḅe tokiniarị sakị ḅụ opu pọkọ kẹ oloku-oloku pakama; ịn kẹ gotẹ ọkọ mịẹarị ye ịn KỊNỊNYANAḄỌ ḅe warị mẹ ḅẹ sukutarị-ḍụḅarị mẹ koromam ẹrẹsị.

Devidi-Anume 107:22

Yee ini agba mịẹ-mịẹ ọ̀ pịrị ḅụ ịmịẹtẹ kẹ ọ̀ ḅẹẹ, tẹ ḍereku anume su-su tẹ kẹ ọ̀ kọrị tẹ aị mamgba ḍukoo.

Devidi-Anume 116:17

Àrị ịmịẹtẹ agba mịẹ ị́ pịrị tẹ ị́ tẹkẹ ḅa.

Devidi-Anume 66:13

À dọkịma-agba-agba kẹ ị́ warị ḅo ḅa; Àrị à minini ye mẹ kẹ ị́ pịrị ḅa.

Ayịzaya 58:13

KỊNỊNYANAḄỌ ḅe mẹẹ, “Ị̀ Ịnyọsara-Ene mẹ wẹrị fịafịama ḅara mịẹ, tẹ anị ene mẹ ḅụ ị́ ḅụụ na-iḅi ḅẹ ye ḍọkị-a ḅẹḅẹ; ị̀ fịafịa ene mẹ kẹ ye-sịn tẹ anị ene mẹ ḅụ ye mu-a, kọrịnama kọrị-a, pịkị papaa ẹkwẹn kọn-a ḅụ anị kụn-arị ḅẹḅẹ,

Jerimaya 30:19

Anị anga angarị apụ ma tokini nume-su ḅa; in ḍereku kẹ oloku ḅa. Ì boma ḅụ ịna kịẹn-aḅịḅị ḍụḅa ḅa; ì boma kun ọkị-ḅo ịn pịrị ḅa.

Jerimaya 32:44

Tomi arị fẹẹ ḅa, tẹ ḅara kẹ kiri-fẹ-ḍiri-apakịrị ma ḅio sụa tẹ ye-oḅoloye kẹ oḅolo tẹ ḅẹrẹ-kiri ḅụ sime apụ sọ ḅara sime ḅa. Miemẹ Benijamịnị ibe ḅụ kiri ọkị ḅa, Jeruselemu ikelema-koro wararị kala-ama ma ḅio, Juda ḅẹ ama ma ḅio, na tụndụ ọgọnọ ḅẹ ama aḅio na, tụndụ suku ḅẹ ama ma aḅio na, Juda ḅẹ suku-jụ na ḅụ. À tomi ma kẹ pịkị-ḅo ịna amakiri suu ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 33:11

ḅioḅẹlẹ oloku na ḍereku na ere-ịya-alalị apọkọ fiearị ye na. Ọ́ kịnị nume-suarị ye naa ḅa, ini ị̀ warị ḅio ịmịẹtẹ ḅẹẹ agba mịẹarị ogbo. Ịn ḅẹẹ ḅa: Ịmịẹtẹ kẹ Kụrọmamgba nyana KỊNỊNYANAḄỌ ḅe ḅẹẹ, ori iḅim ẹrẹsị, tẹ ọ̀ ḅẹlẹma sime gbamasom! À mị amakiri mẹ mịẹ tẹ anị tarị-tarị anị lọkọlọkọ ḅara lọkọlọkọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 33:13

Tụndụ ọgọnọ ḅẹ ama ma ḅio, tụndụ akaka ḅẹ lẹsẹrẹtẹ akiri ma ọgọnọ, Juda ḅẹ suku-jụ mẹ na, Benijamịnị ibe ḅụ na Jeruselemu ikelema-koro ḅẹ kala-ama ma ḅio na, Juda ḅẹ ama ma ḅio ḅụ anana-ḍikiḍikiapụ siin jen kẹ ịna anana kịẹn nimi ḅa. Yẹrị, KỊNỊNYANAḄỌ ḅe, ọkọ ḅẹẹm.”

Zẹkaraya 7:7

Mie KỊNỊNYANAḄỌ ḅe ọ̀ tarị pịrị-pịrị ḅẹ ịkịankoroapụ ma ḅụ ḅọrọ tẹ ḍuko ye Jeruselemu lọkọlọkọ wararị tẹ tọnwa atomi anị ḅio angarị sakị, opu ama mẹ ikelema-koro ama ma ḅio kịngẹ-a, kụma abajị-suku da anga ḅẹ iri ma na ịrụa-ideriarị-anga mẹ ḅẹ kala atụndụ ma ḅio na sọ.

Hiburu 13:15

Ọkọẹrẹsị, ó yee wa sakị mamgba Jizọsị Kịrayịsị ḅe ḅụ ḅọrọ tẹ wamịna nume-su Tamụnọ boma agba mẹ mịẹ Tamụnọ pịrị, anie wa wamịna ḅịḅị apakịrị kẹ mịẹarị agba mẹ, tẹ pịkị ḍuko pakama mịnẹ ori anie KỊNỊNYANAḄỌ ḅee.

1 Pita 2:5

Ó ḍumo wararị aḍụḅarị ḅara kẹ ḅoo, tẹ ọmịna aḅụụ kẹ pịrịị, ini ọ́ kẹ tẹmẹ ḅụ ḅẹ Tamụnọ-warị nama, anịanga ḅụ ọ́ fịafịa agbamịẹapụ fịrịmẹnjị tẹ Tamụnọ ọkị gbẹẹ tẹmẹ ḅụ ḅẹ agba mịẹ ọ̀ pịrị ḅa, Jizọsị Kịrayịsị ḅe ḅụ.

Mịẹfinji 1:5

pịkị Jizọsị Kịrayịsị, ḅẹrẹ paka ḅara ngẹrị kẹ ḅẹrẹ ḍukoarị ḅọ ḅe, fị-ḅụ-saakị apụ ma ḅẹ tarị ḅọ ḅe, tẹ pịkị ḅẹrẹtọn tomikiri ḅẹ amadapụ ma pịrịarị ḅọ ḅe na ḅara ḅụ ḅo ye sime ọ́ pịrịị. Ori ḅe anie wa ḅẹlẹmarị tẹ amịna fịị kẹ wamịna asi ḅụ wa fima ḅọ ḅe,