Jerimaya 17:23 - FỊAFỊA BAỊBỤLỤ

²³ Ịna elemu-aḍapụ ma poki-a anịanịa anị kẹ ye kala ye sọ sịn. Anie nakara ịn kọngọ-kụrọmam; ini ị̀ ḅịḅị poki ḍụkụ-a anịanịa ị̀ ḅara ye ḍawọ.”

Jerimaya 17:23 Iomraidhean Croise

Devidi-Anume 50:17

Ọ́ ḍụkụ tẹ àrị ọ́ daa-karakarama-a sakị; à tọn kuroma aị ma sọ ọ́ sịkị tẹ sakị.

Egberima-Ẹkwẹn 1:3

Egberima-ẹkwẹn í toluma tẹ í ye-nimi ḅara na, kịnị mingirima-a ḅara na, karakara mịẹ ḅara na, ọrụḅọ-ọrụḅọ la kiri kẹ mḅọ pịrị ḅara na kẹ ḍumo kọn ḅa.

Egberima-Ẹkwẹn 1:5

Mịna egberima-ẹkwẹn ma inetẹ ye kẹ ye-nimi atomi ma nimi ḅụ sọ sụa ḅa, pịkị datụkụma kẹ ḍiri-ẹrịapụ ma pịrị ḅa,

Egberima-Ẹkwẹn 29:1

Kịnị ị́ daa-karakarama sakị goyegoye ị́ kọngọ kụrọmarị ḅẹḅẹ, gbọrụ ene ḅụ ị́ gbọrsịḅị gbẹẹ kọsị tẹ ḅarị saakị paka-ḅo ḅịa.

Egberima-Ẹkwẹn 5:12

anịsakị ị́ ḅẹẹ ḅa, “Tiye ẹrẹsị gbala-gbala à ye ḍawọ ḅii-a? Tiye ẹrẹsị gbala-gbala à gbọrụḅọ-sọ ị̀ datụkụma ḅii-a?

Egberima-Ẹkwẹn 8:10

Seleḅa nakara à ḍuko ị́ pịrịm mịẹ ḅẹ ye mẹ sẹlẹ-ọkịị; iḅi tẹịn golu nakara ḍawọye ḍin sẹlẹ ọkịị.

Ayịzaya 48:4

À nimi wẹrịm mịnẹ ó ḅo kọngọ-kụrọma-apụ sọ ḅa, ikulele kụrọ-ḅara kụrọ tẹ ojo ḍụkụ-ḍụkụ-a ḅara mẹ sime.

Jerimaya 11:10

Ịn pịkị ịna elemu aḍapụ ma asi ma da tẹ ọḅụ kẹ ì gbin tẹ, anie ḍụkụ tẹ à ḍuko ye mịẹ-a apụ ma in sunsin oru-atamụnọ pịrịm. Ini maa apụ ma, Izirẹlị na Juda na, à kẹ ịna elemu aḍapụ ma na fị ọḅọkụ mẹ kan tẹ.

Jerimaya 19:15

mịnẹ Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍuko tẹẹ, “À ḅẹẹm àrị ọkị-ḅo mịẹ opu ama mẹ na anị kpeki ama ma na ọgọnọ gbana ḅa ḅẹ fomu-ḅara mẹ arị ọkị-ḅo ḅa, ọ́ kọngọ kụrọma tẹ à ḍukoarị ye poki ḍụkụ ḅịa ẹrẹsị.”

Jerimaya 32:33

Ini ọḅụ pịkị í gbinm; karakaraye à ye kẹ in toluma-toluma-tolumarị sọ, in poki tẹ ye ḍawọ ḍụkụ-a.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 6:8

Jeruselemu ḅẹ apụ, yee mịna ḅụụ-fụka ma ḅeri nụnụ ye sọ ọ́ pịrị, ọkọ-a kụma arị ọ́ kẹ gbin koroma tẹ so ḅa; arị ọmịna opu ama mẹ pịkịma-ḅo ịkpa sọma ḅa, gbọrụḅọ-sọ anga-a yọ.”

Jerimaya 7:28

Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Izikẹlị 20:13

Kụma ịkpa mẹ ḅio kịngẹ sọ ini ị̀ na pikiam. Ini ì oloko ma kan tẹ à tọn-koroma-aị ma sịkịm, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma. In ye-kọnma ḅara kẹ Ịnyọsara-Ene mẹ simam. À tẹlẹmam ịn mịẹ tẹ ini ị̀ ịganị mẹ kụrọ laa ḅara laa ḅara da anịanga ịkpa mẹ ḅio tẹ in guluguluma.

Izikẹlị 20:16

À gotẹ ọkọ mịẹ ḅẹ tẹ minini ye ini à tọn-koroma-aị ma sịkị tẹ ẹrẹsị, ì oloko ma kan, Ịnyọsara-Ene mẹ sima sunsin oru-afụḅara pịrị mie ịn sẹlẹ ọkị ye.”

Izikẹlị 20:21

Kụma anị ḅụọ ḅẹ apụ ma sọ ị̀ na pikiyam. Ini ì oloko ma kan tẹ à tọn-koroma-aị ma mịẹ-a, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma. Ịn nwẹnị Ịnyọsara-Ene mẹ sima. À tẹlẹmam tẹ ị̀ ịganị kẹ ịna ọgọnọ sara ḅẹm ịkpa mẹ ḅio tẹ anị ḅẹ kụrọ mẹ ịna ḅụụ ịnọ tẹ inimgba ḅaa.

Zẹfanaya 3:7

À kuromam mịnẹ anịtẹso ị̀ atomi mangịma nyana ị̀ pịrị ḅa, tẹ arị ịn da karakarama gotẹ kẹ in fomu ye mẹ daa-ọkị ḅa, mịnẹ ịn ḅarị gbala-gbala à kẹ in toluma ye mẹ kẹ ḅioḅọrọma ḅịa. Kụma ala-a ịn paa elemu ịn mịẹ-mịẹ gbọrụ ḅara mẹ mịẹarị.”

Fịrịmẹnjịapụ 7:51

Sitivini paa ẹkwẹn ma mu tẹ ḅẹẹm, “Ọmịnị kpọma sịḅịḅio kụrọtẹ atomii! Ọmịna aḅioḅẹngbọ ma oru nimi apụ aḅioḅẹngbọ sime-ḅara simem, anie mịẹ ẹrẹsị ó ḅeri-iningima Tamụnọ oku mẹ pịrịm. Ọmịna atẹngịapụ ma sime gbọrụ ḅara mẹ mie ọmịnị sọ simearị ḅara. Sakị mamgba ọmịnị sọ Fịafịa Tẹmẹ ḅe dasịẹma tẹ!

Ḅẹrẹkọn-apụ 6:10

À nwẹnị ọ́ ḅẹẹ, ‘Yẹrị anie KỊNỊNYANAḄỌ ọmịna Tamụnọ ḅee; ọ́ mangịma kẹ Amọrayịtị apụ ma inima tẹ ọmịnị ama ḅio angarị apụ ma oru-atamụnọ ma pịrị ma.’ Kụma ọmịnị ị̀ pọkọ poki-a.”