Jerimaya 17:22 - FỊAFỊA BAỊBỤLỤ

²² anịanịa ḅẹẹye-ḅẹẹye dogi paka ịna awarị ḅio Ịnyọsara-Ene mẹ ḅụ. Ịnyọsara-Ene mẹ ḅụ ịn kọrịnama kọrị nyana-a; ini anị kẹ fịafịa eneḅaka wẹrị nyanam, à sụa ịna elemu-aḍapụ pịrị oloko mẹ sime-ḅara ḅụ.

Jerimaya 17:22 Iomraidhean Croise

Nehimaya 13:15

Arị ene ma ḅụ, Juda ḅụ à tomi ẹrịm ini Ịnyọsara-Ene mẹ ḅụ iru mịẹarị tẹ mgbọlị kịrị-kịrị tan-tan kpolima. Ịn pịkị iru na, girepu-asịnmgbọlụ na, figi-asịnmgbọlụ na, kịrị-kịrị dogi-aị na kẹ Jeruselemu ḅom Ịnyọsara Ene mẹ ḅụ; tẹ à nwẹnị ịna aḅeri nụnụ in fịye dẹrị ma anị ene mẹ ḅụ.

Paka-so 23:12

“Sonio aḍin ḅụ ọmịnị ọmịna kọrịnama kọrị ḅa, kụma sọnọma aḍin karama ene mẹ, ḅụ ọmịnị ịnyọsara ḅa; mịẹtẹ ọmịna pootẹ-nambulo na ọmịna yedogi-nama na ịnyọsara, tẹ ọmịna furo ḅẹ owiḅọtụḅọ ḅe na, ị́ warị bịan igoniḅọ ḅe na sọ ịwọ ịnyọ sụa ḅẹ ḅara.

Ayịzaya 58:13

KỊNỊNYANAḄỌ ḅe mẹẹ, “Ị̀ Ịnyọsara-Ene mẹ wẹrị fịafịama ḅara mịẹ, tẹ anị ene mẹ ḅụ ị́ ḅụụ na-iḅi ḅẹ ye ḍọkị-a ḅẹḅẹ; ị̀ fịafịa ene mẹ kẹ ye-sịn tẹ anị ene mẹ ḅụ ye mu-a, kọrịnama kọrị-a, pịkị papaa ẹkwẹn kọn-a ḅụ anị kụn-arị ḅẹḅẹ,

Jerimaya 17:24

“Ḍuko mịna atomi ma pịrị mịnẹ ini à sụa oloko mamgba poki tẹ mịẹ nyanam. Ini ikuye dogi mịẹ opu ama mẹ ḅẹ ogigo-aḅọkọ ma ḅụ mẹnjị tolu-ḅọrọ so mu nyana-a Ịnyọsara-Ene mẹ ḅụ. Ini Ịnyọsara-Ene kẹ fịafịa eneḅaka wẹrị nyanam, tẹ gbala-gbala gbọrụ kọrịnama sọ kọrị nyana-a.

Izikẹlị 20:12

Àrị Ịnyọsara-Ene mẹ koko kẹ àrị ini na fị ọḅọkụ mẹ ḅẹ elekima mịẹm, kẹ ịna ḅiokoroma mịnẹ yẹrị KỊNỊNYANAḄỌ ịn wẹrị ḅelema tẹ.

Izikẹlị 22:8

Ọ́ mangịma nyana fịafịa ayọ ma pịrị-a, ọ́ pịkị Ịnyọsara-Ene mẹ koko-a.

Lẹvitikọsị 19:3

Ọmịna aḅụụ tomḅọ nwẹn-sịn tomḅọ amịna iyingiḅọ na, amịna ḍaḅọ na mangịma ḅa, tẹ ị̀ Ịnyọsara-Ene ma koko ḅa. Yẹrị anie KỊNỊNYANAḄỌ ọmịna Tamụnọ ḅee.”

Lẹvitikọsị 23:3

Sonio aḍin mie ọ́ kẹ kọrịnama kọrị ḅarịye, kụma sọnọma aḍin karama ene mẹ anie tẹmẹ la ịnyọsara fịafịa kobiri ene; gbọrụ kọrịnama sọ ọ́ kọrị ḅịa; ọmịnị angarị anga mamgba ḅụ anị ene mẹ anie KỊNỊNYANAḄỌ ḅe Ịnyọsara-Ene.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Luku 23:56

Anịtẹrẹmẹ ịn nwẹnị pịkịma warị mu, tẹ ịn kẹ oju mẹ tẹlẹma ḅẹ kụnụaị kobiri wẹrị. Oloko mẹ tọn ḅara ḅụ, ini Ịnyọsara-Ene mẹ kẹ ịnyọsaram.

Luku 6:5

Tẹ Jizọsị nwẹnị ḍuko gbaịn, “Tomḅọ Tụḅọ ḅe anie Ịnyọsara-Ene mẹ nyanaḅọọ.”

Mịẹfinji 1:10

Anịanga ḅụ, KỊNỊNYANAḄỌ Ene mẹ ḅụ, Tẹmẹ ḅe kụrọ mẹ ḅo ị̀ ọlọm, tẹ à naa ḅẹ sakị, gbọrụ geletẹ pọkọ ọdụ ofuro ḅara kẹ ì tongu ḅio fie tẹ.