Jerimaya 17:21 - FỊAFỊA BAỊBỤLỤ

²¹ Ḍuko ịn pịrị ini ịna aḍumo ḅẹlẹmarị ḅẹḅẹ ini ikuye dogi nyana-a Ịnyọsara-Ene mẹ ḅụ; in gberie-sọ dogi mẹnjị Jeruselemu ogigo-aḅọkọ ma tolu-ḅọrọ nyana-a

Jerimaya 17:21 Iomraidhean Croise

Paka-so 20:8

Ọmịnị Ịnyọsara-Ene mẹ kẹ ḅiokoroma tẹ anị wẹrị fịafịamaa.

Egberima-Ẹkwẹn 4:23

Ị́ ḅẹrẹ kẹ ḅiokoromarị ḅara ẹbịị; í kuromarị arị mie í ḍumo kẹ anị simearị ḅara wẹrịarị.

Ayịzaya 56:2

“Sakị mamgba Ịnyọsara-Ene mẹ kokoarị tẹ anị kẹ papaa ye mịẹ-a apụ ma arị in boma ḅa. Gbọrụ siye sọ mịẹ-a apụ ma arị in boma ḅa.”

Ayịzaya 58:13

KỊNỊNYANAḄỌ ḅe mẹẹ, “Ị̀ Ịnyọsara-Ene mẹ wẹrị fịafịama ḅara mịẹ, tẹ anị ene mẹ ḅụ ị́ ḅụụ na-iḅi ḅẹ ye ḍọkị-a ḅẹḅẹ; ị̀ fịafịa ene mẹ kẹ ye-sịn tẹ anị ene mẹ ḅụ ye mu-a, kọrịnama kọrị-a, pịkị papaa ẹkwẹn kọn-a ḅụ anị kụn-arị ḅẹḅẹ,

Makị 4:24

Ọ̀ pịkị ịn ḅẹẹm, “Ọ́ tẹmẹ kẹ ọ́ naarị ye mẹ ọgọnọ gbanaa! Ọ́ nyana tẹ kẹ ja apụ kọn-arị gbọrụ ọrụ mẹ mie Tamụnọ ḍiki tẹ kẹ ọ́ kọn ḅarịye, kụma ọ̀ kẹ ọ́ kọn ḅarị ḅara kụrọ ịna nye nẹngị ḅa.

Luku 8:18

“Ọkọẹrẹsị ọmịnị iḅi ḅeri kẹ pokii; ye ḅara ḅụ sime ḅọ in jen kẹ sụa mḅọ pịrị ḅa, kụma ye ḅara ḅụ ofori ḅọ ḅe, mḅọ kuromarị mḅọ nyana tẹ nwẹn ḅẹẹ kala ye mẹ sọ, ini mḅọ ḅara ọkị ḅa.”

Fịrịmẹnjịapụ 20:28

Mie ḅụ, ọ́ tọrụ kẹ ọmịna aḅụụ wẹrịị, ọ́ pịkị iḅị-tọrụ kẹ Fịafịa Tẹmẹ ḅe kẹ ọmịna ḅarasụa wararị anana ogbo mẹ ḅụ wẹrịị. Ọ́ Tamụnọ ọ̀ Tụḅọ ḅe fịị tẹ mịẹ agba mẹ ḅụ kẹ ò nye sọma wararị sọsị mẹ ḍikiḍiki kpaịnmaa.

Ditẹrọnọmị 11:16

Ọmịnị ọmịna aḅụụ ẹbị anieofori ịn ḅofa oḅori kẹ ọmịna ḅioḅẹngbọ sịn, tẹ ọ́ tọrụ pịkị akaka da tẹ fịrịmẹnjị oru-atamụnọ pịrị, tẹ sunsin ịn pịrị,

Ditẹrọnọmị 4:15

Anịẹrẹsị ọmịnị iḅi ḅara kẹ ḅụụ ẹbị nyana ọmịna aḅụụ pịrị. Anị ene mẹ tẹ KỊNỊNYANAḄỌ ḅe Orẹbụ ḅụ kọrị fịnị mẹ ogboku ẹkwẹn ọ́ pịrị sakị mẹ ḅụ ó ye kịka gberie-sọ ẹrị-a ḅẹẹ-sakị,

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Jọsụwa 23:11

Ọkọẹrẹsị ọmịnị iḅi ḅụụ ẹbị nyana ọmịna aḅụụ pịrị, KỊNỊNYANAḄỌ ọmịna Tamụnọ ḅe ḅẹlẹma ḅụ.