Jerimaya 17:2 - FỊAFỊA BAỊBỤLỤ

² Ị́ atomi agbamịẹ-anga suku na, elekima kẹ sụa wẹrị wararị ayọ ma na, ḍumo wararị sịn goyegoye suku na, tụndụ ma ọgọnọ na sunsin Asịra nwẹn-sịn ẹrẹḅọ-oru ma pịrịarị,

Jerimaya 17:2 Iomraidhean Croise

2 Paka-aị 24:18

In nwẹnị KỊNỊNYANAḄỌ ịna aḍapụ ma Tamụnọ ḅe warị mẹ sịkị tẹ Asẹra oru na ḅara kẹ tẹmẹ-aị ma na minini, tẹ fịrị mẹnjị arị pịrị. Tẹ ịganị nwẹnị ḅo Juda na Jeruselemu na ọgọnọ gbana, miemẹ tẹ in mịẹ-irima ye mẹ gotẹ.

2 Paka-aị 33:19

Ọ̀ kọn tẹkẹ na, Tamụnọ ori ọkụrụkụrụ ḅụ ọ̀ kẹ ọ̀ tẹkẹ ye mẹ ọkị ḅara na, ò si mẹmgba na, ọ̀ nyana-a minini na, tẹ ò gele ayeyọ nama tẹ Asẹra na ò ye kịkama tẹmẹ-aị ma dẹẹ koroma anga ma na, tẹrẹmẹ ori ọ̀ ḅụụ iderima ye na, Izirẹlị Amadapụ Ma Aḅụụ Paka-aị Ḍiri mẹ ḅio kẹẹ wararị.

2 Paka-aị 33:3

Kẹ gotẹ ọkọ ḅẹẹarị, ò siin gele ayeyọ ma tẹ ọ̀ ḍa Hẹzịkaya kan-sara tẹ anga ma namam, tẹ ebeka nama Balị ma pịrịm tẹ Asẹra oru-afụḅara tẹmẹm, tẹ sunsin So-ḅio simearị aị mamgba pịrị tẹ fịrịmẹnjị arị pịrịm.

Devidi-Anume 78:58

Oru tẹkẹ-ayọ tẹ ịn nama ḅụụ pịrị-aị ma ori ịganịmam, ini oru-afụḅara tẹmẹ ye mẹ pịkị kpọma ori ịganị owimam.

Paka-so 34:13

Ọmịnị ịna ebeka ma kan-sara, tẹ ịna ịḅalị ma anyịma sara, tẹ ịna ere-oru Asirimu ma pẹlẹ-gbin ḅa.

Ayịzaya 1:29

Ó tiye-ì-gbo ḅẹẹ ḅa mịnẹ ọ́ sịn ma kẹ tamụnọ sọma tẹ tẹkẹm, pịkị ọ́ kẹ Tamụnọ-tẹkẹ-yọ mịẹ ḅẹ aḍụọ ḍiḅim mẹ.

Ayịzaya 17:8

Ịn ḅarị jen kẹ ini ḅarana nama agbamịẹ-anga ma ḅụ sịrẹrẹ ḅịa, anịanịa ịna ḅara-kuḅu ḅẹ kọrịnama kẹ ḅiokpọma, anie Asiriya oru ma na kụnụaị dọkịma agbamịẹ-anga ma na elekima ma.

Jerimaya 2:20

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Izirẹlị, iḅere-iḅerea kụra ḅio ị́ ị̀ ḅẹrẹtọn kụrọ mẹ sịkịm; ị́ ḍụkụ tẹ ị̀ ḅịḅịpoki tẹ sunsin ị̀ pịrị-a. Gele tụndụ ọgọnọ goyegoye ḅụ pịkị ḍumo wararị sịn goyegoye suku ḅio í sunsin fịaị pakama-ḅo ḅa nwẹn ḅẹẹ atamụnọ pịrịm.

Jerimaya 3:23

Tụndụ ma ọgọnọ-jụ wa mu tẹkẹ oru atamụnọ ma gbọrụ ḅarasụa sọ nyana wa pịrị-a. Izirẹlị nyanarị ḅarasụa KỊNỊNYANAḄỌ wamịna Tamụnọ ḅe ḅara mie anị ḅoarị.

Jerimaya 3:6

Josaya ama-daarị sakị ḅụ, KỊNỊNYANAḄỌ ḅe ị̀ ḅẹẹm, “Ị́ ẹrị tịya, Izirẹlị, anị si ẹrẹḅọ ma mịẹ tẹ ye? Árị ọḅụ pịkị ì gbin tẹ mẹnjị so tẹ, tụndụ goyegoye ọgọnọ na ḍumo wararị sịn goyegoye suku ḅụ na arị ama-mẹnjị-ẹrẹḅọ mịẹ-mịẹ ye mịẹ tẹẹ.

Jerimaya 7:18

Awọmẹ ma sanga kolokoloarị, owiapụ ma fịnị tọnọarị, tẹ ereme ma fịlawa kpoo-kpoo tẹ kẹ kiki mịẹ-mịẹ ịn kẹ So-ḅẹ-Amada-Ẹrẹḅọ nwẹn sịn ẹrẹ oru ma pịrịarị. Ịn pịkị iru sara oru-atamụnọ pịrịarị, kẹ ị̀ ḅụụ-sịnịsịnịma ḅẹ ḅara.

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Ditẹrọnọmị 12:2

Tụkụma ḅara ḅụ opu asịẹ ma tẹ ọ́ ḅara ḅụ ịn nyana aị ọkị ḅarị apụ ma, gele tụndụ ma ọgọnọ na, tụndụ ma ọgọnọ na, eleleinda tọrụ sụa opu asịn goyegoye suku ịn fịrịmẹnjị pịrị sime ịna oru-atamụnọ ma sime anga mamgba ó sima fama ḅa.

Ḅẹrẹkọn-apụ 3:7

Izirẹlịapụ ma KỊNỊNYANAḄỌ ḅe ḍiki-tọrụ ḅụ siye mịẹm, fịrịmẹnjị-mẹnjị Balị ma na, Asiroti mẹ na pịrị ḅụ KỊNỊNYANAḄỌ ịna Tamụnọ ḅe kẹ ḅioḅọrọmam.