Jerimaya 17:18 - FỊAFỊA BAỊBỤLỤ

¹⁸ Tọrụ-tuu ọkị-ḅo ḅaa-ḅọkọ kẹ ị̀ ḍọkịarị apụ ma pịrịị, kụma ḅara-wẹrị ị̀ pịrị, KỊNỊNYANAḄỌ. Tẹmẹ-naịn-naịn kẹ ịna ḅụụ ḅio suu ḅinma, kụma yẹrị ị̀ tẹmẹ-naịn-naịnma ma. Opu ḅụụ-fụka ọkị-ḅo ịna ọgọnọ gbana tẹ ịn gbẹẹ-kọsịmaa.

Jerimaya 17:18 Iomraidhean Croise

Jobu 16:14

Ò ye kẹ ị̀ lamatẹ pịkị siin ị̀ lamam; kụrọ ḅọ kịnị ḍukatẹ mḅọ ọgọnọ sịẹ mẹnjị ḅara.

Devidi-Anume 35:4

Yee ị̀ ḅaa ḅẹ ḍọkịarị apụ ma owu kiri ḅịkị tẹ ḅụụ-jịrị! Yee ḅẹrẹ-ḅiya ị̀ pịrịarị apụ ma pịkị ọḅụ da tẹ pikiri-pikiri!

Devidi-Anume 35:8

Kụma amụ in nimi-a ogbo fịị-faa ḅo in kuun-sịẹma ḅa: ini tuu ḍiein mẹ ini ọlọ tẹ ịn ḅịkị tẹ fịị gulugulu ḅa!

Devidi-Anume 40:14

Yee owu gbọrsịḅị ị̀ ḅaa ḅẹ ḍọkịarị apụ ma ḅara si fama, tẹ in pikiri-pikiri. Yee à ḅụụ-fụka daarị mẹ gotẹ ḅioḅẹlẹarị apụ ma pịkị ọḅụ da tẹ ḅụụ-jịrị.

Devidi-Anume 70:2

Yee owu ị̀ ḅaa ḅẹ ḍọkịarị apụ ma ḅara si tẹ in pikiri-pikiri. Yee ị̀ ḅụụ-fụka gotẹ ḅioḅẹlẹarị apụ ma pịkị-so tẹ ịna atọrụ-tuu.

Devidi-Anume 71:1

KỊNỊNYANAḄỌ, à ḅo tẹ ị́ ị̀ gbaịn ḅọrọma ḅẹ ḅara gbala-gbala ḍụkụ tẹ owu ị̀ ḅara sima!

Jerimaya 1:17

“Jerimaya, tẹlẹma tẹ mu à tọn ị́ pịrị ye goyegoye ḍukoo. In gotẹ ḅalafa ma mịọkụ, ọkọ kụma à mịẹ tẹ ị́ ḅalafa ḅaka ḅa í ini na emi sakị ḅụ.

Jerimaya 11:20

Anịtẹso à tẹkẹm, “Kụrọmamgba nyana KỊNỊNYANAḄỌ, anie karakara ḅẹrẹkọnḅọ; ị́ kịnị kuromarị aị na ịna ḅụụ-ịnọarị aị na tọn-ḍikiarị. Àrị ị̀ ḅẹrẹ kẹ ị́ aḅara-ḅio sụa tẹẹ; mie ḅụ yee àrị ẹbị ị́ mịna apụ ma ḅara ḅụ gbẹẹfị ḅiiarị sakị.”

Jerimaya 12:3

Kụma, KỊNỊNYANAḄỌ, í ì nimi wararị, ị́ à mịẹarị ye ẹrịarị, pịkị àrị ị́ ḅẹlẹmarị ḅara sọ. Mịna si-mịẹapụ ma fọnọ soo, kẹ mu ḅaa ḅẹ anana ọkụ; Tọrụ kẹ ịna ḅụ wẹrị nwenii ini ịn ḅaa ḅẹ sakị la.

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 16:18

Àrị ịn mịẹ tẹ ịn maa kiri kẹ ịna si na si-sịḅịḅio na gbẹẹ ḅa, ịn fịtẹ tomḅọ oju akpakpa ḍumo nyana-a ḅara kẹ ḍumo nyana-a oru-afụḅara kẹ ị̀ amakiri mẹ pilema tẹ ẹrẹsị, tẹ ịn pịkị iruo atamụnọ kẹ anị ḅio ḅinma tẹ.”

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 17:16

Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.

Jerimaya 17:19

KỊNỊNYANAḄỌ ḅe ị̀ ḅẹẹm, “Jerimaya, mu tẹ Tomi ma Ogigo-ḅọkọ mẹ ḅụ, Juda ḅẹ aḍapụ ma mẹnjị sọ-na-paka-naarị anga mẹ, tẹ ì oku mẹ ḍuko wasama; anịtẹso Jeruselemu ḅẹ osi ogigo-aḅọkọ mamgba sọ muu.

Jerimaya 20:11

Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.

Ditẹrọnọmị 33:11

Ọ̀ ḅụụ paka-ḅo aị bomaa, Yei KỊNỊNYANAḄỌ, tẹ ori aḅara ḅẹ kọrịnama ọkịị; ò ḍiki-ḅioḅẹlẹ-a apụ ma aḅiri ma kọsịmaa, inima tẹ ò ḍiki-ḅioḅuarị apụ ma nye sọ, mịẹtẹ ịn ḅarị sin saakị ḅịa ḅara.”

Mịẹfinji 18:6

Ọmịnị á kẹ ọ́ mịẹ gbọrụ ḅara mẹ ḍiki tẹ kẹ á mịẹ; á mịẹ ye mẹ ḅẹ maa kiri ọ́ nwẹn kẹ á gbẹẹ. Maa kiri kẹ kụrọ á sụa ọ́ pịrị iru mẹ nẹngị iru ọ́ nwẹn kẹ á kọpụ ḅio sụa ḅinmaa.