Jerimaya 17:16 - FỊAFỊA BAỊBỤLỤ

¹⁶ Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.

Jerimaya 17:16 Iomraidhean Croise

Jerimaya 12:3

Kụma, KỊNỊNYANAḄỌ, í ì nimi wararị, ị́ à mịẹarị ye ẹrịarị, pịkị àrị ị́ ḅẹlẹmarị ḅara sọ. Mịna si-mịẹapụ ma fọnọ soo, kẹ mu ḅaa ḅẹ anana ọkụ; Tọrụ kẹ ịna ḅụ wẹrị nwenii ini ịn ḅaa ḅẹ sakị la.

Jerimaya 13:17

Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Jerimaya 15:15

Anịtẹso à ḅẹẹm, KỊNỊNYANAḄỌ, ị́yẹrị ye sime-ḅara nimi wararị. Ị̀ kẹ ḅiokoroma tẹ ḅarasụa ị̀ pịrị. Minini ị̀ pịrị tẹ à ḅaa-ḅọkọ kẹ ị̀ ḍọkịarị apụ ma gbẹẹfị ḅii. Gbọsime ịn pịrị nwenii tẹ ini ị̀ ḅaa ma. Kẹ ḅiokoroma mịnẹ ị́ sịḅị mie in gotẹ ị̀ mịẹ-simarị.

Jerimaya 18:20

Si anie ịn kẹ iḅi gbẹẹ ḅẹ ye aro? Anịsọ ini olulu soku ị̀ pịrị tẹẹ, à ḅịkị sọ ḅẹ ḅara. Kẹ ḅiokoroma arị ịna sịḅị gotẹ ị́ dama-ḅo tẹ ẹkwẹn ị́ pịrị ḅara, mịẹ tẹ ị́ ịganị kẹ ini na mịẹ ḅịa ḅara.

Jerimaya 20:7

KỊNỊNYANAḄỌ, í oḅori kẹ ị̀ sịn tẹẹ, àrị oḅori-sọ tẹẹ Ị́yẹrị kụrọ ị̀ nẹngị wararị tẹ ị́ kụrọ kẹ ị̀ nẹngịma tẹẹ. Ḅẹḅọ-ḅẹḅọ ì sulearị; Bebe ene mẹ ḅụ ini ì komboarị.

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Emọsị 5:10

Ọmịnị ma inoma ḍụkụ-a tẹ ḅẹrẹ-siri ḅio bebe karakara mẹ ḍukoarị apụ ḍiki-ḅioḅuarị.

Fịrịmẹnjịapụ 20:20

Ọ́ nimi wararị mịnẹ, anị ḅọrọ etela-ogbo-o, ḅọrọ ọmịna awarị ḅio-o, arị ẹkwẹn ọ́ pịrị-pịrị tẹ ye kẹ ó tolumarị sakị, kẹ ḅarasụa ọ́ pịrị na-iḅi tẹ à kikima ye ofori.

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.

2 Kọrịntị 1:12

Wa kẹ ḅụụ-tọn-arị ye anie, wamịna tẹmẹ ḅioḅẹngbọ ḍuko wa pịrịarị ḅara ḅụ, mị tomikiri mẹ ḅụ wa kọn-arị ḍumo mẹ, jen-a jen-a wamịnị na ọmịnị na gboloma ye ḅụ, Tamụnọ karakara na, aka na, epele na ofori ḅara na, mie wa kẹ anị kọn-arị, Tamụnọ ḍiki-ḅụụjịrị mẹ ḅẹ kụrọ ḅụ, tomḅọ nimi ḅụ-a.

2 Kọrịntị 2:17

Wa tọnwa, tọnwa ja apụ ḍikima tẹ Tamụnọ ẹkwẹn mẹ kẹ yela-a dẹrịye sọma-a, kụma Tamụnọ wa fịrịmam ẹrẹsị wa Kịrayịsị fịrịmẹnjịapụ ḅara kẹ ọ̀ tọrọkọ tẹmẹ la ḅara kẹ ẹkwẹn mẹ kọn-arị.

Jemụsị 1:19

Ị̀ iḅi amịnapụ, ó miemẹ kẹ ḅiokoromaa! Ọrụḅọ-ọrụḅọ sarasarama ye naa, kụma mḅọ fọnya ẹkwẹn ma, pịkị fọnya ịganịma.

Jemụsị 3:1

Ị̀ amịnapụ, ọmịna ḅụ ḅẹ tọnwa-apụ ye-tolumapụ sọ ḅẹ ḍọkị ma. Ọmịnị sọ nimi ḅara ḅụ, ịn kẹ wamịnị ye-tolumapụ ma kọn-arị ḅara kụrọ osi apụ nye nẹngịm.