Jerimaya 17:12 - FỊAFỊA BAỊBỤLỤ

¹² Wamịna Tamụnọ-warị mẹ anị ebube nyana emine kịkarị, sukuyọ-saakị ḅụ gele-tụndụ ọgọnọ sịẹ wararị.

Jerimaya 17:12 Iomraidhean Croise

Devidi-Anume 103:19

KỊNỊNYANAḄỌ ḅe ori emine kẹ So-ḅio kuromam; ori anie kịnị mamgba amadaḅọ.

Devidi-Anume 96:6

Ebube na ḅaka na ori ikelema wararị; kụrọ na iḅi na ọ̀ Warị ḅin wararị.

Ayịzaya 6:1

Ama-da Uzaya fịị kụra mẹ ḅụ à KỊNỊNYANAḄỌ ḅe ẹrịm. Ò geletẹ opu emine ọgọnọ lẹgị-simem, tẹ ọ̀ vọrọrọ-kapa mẹ ḅẹ suku bebe Tamụnọ-warị mẹ ḅinm.

Ayịzaya 66:1

KỊNỊNYANAḄỌ ḅe mẹẹ, “So anie ì emine, tẹ Kiri mẹ ị̀ ḅụọ-gbana-ịkasie. Ọkọ kụma ọmịnị inetẹ tọ-ḅara sime warị nama ị̀ pịrị ḅẹ, à tọ-ḅara sime yọ ḅụ sọ tẹ anga ḅẹ?

Jerimaya 14:21

Í minini aị ma kẹ ḅiokoroma tẹ wa ḍiki-sima ma; tọrụ-tuu ọkị-ḅo Jeruselemu ọgọnọ gbana ma, í ebube emine mẹ sime-yọ mẹ. Ị́ wamịnị na fị ọḅọkụ mẹ kan ma.

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Izikẹlị 1:26

Fongolo koro wararị ye mẹ ọgọnọ-jụ ḅụ emine kịkaye simem, ịn safaya nwẹn-sịn yela ḍụḅarị kẹ mịẹ ye, tẹ emine mẹ ọgọnọ tomḅọ kịkaye lẹgịm, ḍiki-tọrụ ḅụ.

Izikẹlị 43:7

“Fịị-fịị tomḅọ, ì emine mịẹ anga emi. À mịanga anga ḅa Izirẹlịapụ ma ogboku, tẹ ḅẹrẹtọn ịn pịrị mu ḅẹẹ-sakị ḅẹẹ-sakị la ḅa. Izirẹlịapụ ma-o ịna amadapụ-o ḅarị jen kẹ ị̀ fịafịa ẹrẹ mẹ sima ḅịa sunsin oru-atamụnọ pịrị anịanịa ịna amadapụ ma fịtẹ oju akpakpa ma kẹ mị yọ ḅụ ḍiḅi.

Matiyo 25:31

“Tomḅọ Tụḅọ ḅe enjẹlịapụ mamgba na ḅo tẹ ama-da ḅarị sakị mẹ ḅụ, ori ori ama-da emine ọgọnọ lẹgị-sime ḅa,

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

Hiburu 4:16

Ọkọẹrẹsị, ó yee wa ḅalafa-a ḅara kẹ Tamụnọ ḍiki-ḅụụjịrị emine mẹ dama-mu, ḍiki-ḅụụjịrị emi anga mẹ. Anịanga wa ọkụrụkụrụ na ḍiki-ḅụụjịrị na nyana tẹ kẹ ḅarasụa ḅụụ pịrị ḅa, wa ḅii sakị, ḅii sakị.

Mịẹfinji 3:21

Owu-ḅara-iḅi nyana apụ ma à kụrọ kẹ ịn pịrị tẹ ini ị̀ na palịa ḅa ì emine ọgọnọ ḅụ, anie yẹrị sọ owu-ḅara-iḅi nyana tẹ mịọkụ ị̀ Ḍa na palịa wararị ḅara, ori emine ọgọnọ ḅụ.