Jerimaya 17:11 - FỊAFỊA BAỊBỤLỤ

¹¹ Kịnị mingirima ḅọkọ kẹ igbigi nyanarị ḅọ mẹ, mḅọ kịkarị ye anie feni tẹ ori koroma-a anyị kẹngẹarị feni. Ori asambịrịma sakị ḅụ ori ngọ mamgba faa ḅa, anịsakị kunoma ḅụ ori ḅarị gbọrụḅọ-sọ gbọrụḅọ-a, kụma oḅori-ḅọ.

Jerimaya 17:11 Iomraidhean Croise

Jobu 20:21

Ọ̀ fị fịye mẹ kẹlẹ-sọ ọ̀ fị kọnma-a anịẹrẹsị ọ̀ lọkọlọkọ mẹ sime ala-a.

Devidi-Anume 49:13

Amịna aḅụụ kẹ ḅiokpọmarị apụ ma ḅụ pakarị ye ḍikii, anie ịn kọọn sara ngọ gotẹ ọkịarị mịnẹ ye ini na iḅi wararị nwẹn ḅẹẹ apụ ma;

Devidi-Anume 55:23

Kụma, Yei Tamụnọ, arị kịnị ḅaa apụ ma na iruo apụ ma na kẹ ịna aḍuḅu fịrịma ḅa, tẹrẹmẹ ịna ḍumo-ene ma kẹ maa anga ḍiya ḅẹ gbọrụ anga ḅọrọ sakị la, yẹrị kịngẹ kụma, arị ị́ kẹ ḅiokpọma ḅa.

Egberima-Ẹkwẹn 13:11

Ị́ sarasarama kẹ ngọ-kọn ḅara kọn ḅara, mie ị́ pịkị ala-a anị fama-fama ḅarị ḅara. Ị́ ḅụụ-kọsị tẹ nyana ḅara, mie ị́ pịkị ọkọ nẹngị ḅara nyana ḅarị ḅara.

Egberima-Ẹkwẹn 15:27

Í ḅụụkụrọma tẹ kịnị mingirima ḅara kẹ sọye mịẹarị ḅẹḅẹ, ị́ ị́ warị suku kẹ ḅụụ-fụka ḅio suu ḅa. Ọḅụ-fị ma, anịsakị í ḍumo nangwọtẹ.

Egberima-Ẹkwẹn 21:6

Kịnị mingirima ḅụ ị́ kọn-arị ngọ mẹ ala-a faa ḅa, kụma anị tarị ị́ kẹ mu fịị amgba ḅio suu ḅa.

Egberima-Ẹkwẹn 23:5

Í igbigi inetẹ fiin so ḅa, gbala anị pamba-sụa tẹ igo kịka tẹ fiin som pembe ḅara.

Egberima-Ẹkwẹn 28:16

Iḅi-sịḅịḅiosụa-a ḅẹrẹtọnḅọ ḅe tẹ guda-guda ḅara kẹ kịnị na mịẹarị ḅọ mẹ ajagidi sọ ḅa. Kịnị mingirima ḍiki-ḅioḅuarị ḅẹrẹtọnḅọ ḅẹrẹtọn alama ḅa.

Egberima-Ẹkwẹn 28:20

Kịnị mingirima-mingirima-a apụ ḅintẹ, ḅioḅẹlẹ ḍumo kọn ḅa. Kụma ị́ fọnya ngọ-kọn ḅẹ ḍọkịarị ḅẹḅẹ, í mu ị́ ḅụụ kẹ ḅụụ-fụka ḅio suuarị.

Egberima-Ẹkwẹn 28:22

Amịna ḅụụ ngẹrị balarị apụ ma fọnya ngọ kọn ḍuka nwenii igoin ḅo in fomu ḅẹ sakị in nimi-a.

Egberima-Ẹkwẹn 28:8

Í igbigi kẹ kịnị ḅọlọ-ḅọlọ tẹ iḅiọkụ ye gbana tẹ ngọ-kọn-arị, tẹ tomina ḅụụ-fụka gotẹ í ḅiotọn ḅara kẹ ini na mịẹarị ḅẹḅẹ, ị́ ngọ mẹ saḅa so mu iḅi ḅara kẹ igoin-apụ na mịẹarị ḅọ pịrị ḅa.

Jerimaya 22:13

Japụ inoma ḅọkọ ḅụ ḅọrọtẹ amịna warị namarị tomḅọ mẹ mḅọ fa tẹẹ, tẹ nwẹnị mingirima ḅụ anị mịẹ ḍụḅamarị, anie amịna sịẹ ḅẹ apụ mịẹ tẹ ịn papaa kọrịnama-kọrịarịḅọ mẹ tẹ ịna gbẹẹ-ye kẹ ịn gbẹẹ-gbẹẹ-a ḅọ mẹ.

Jerimaya 22:17

Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Emọsị 3:10

KỊNỊNYANAḄỌ ḅe ḍukoarị, “Mịna atomi ma si ḅọkọ ḅụ na kụrọ-kụrọ ḅara na kẹ nyana aị kẹ ịna opu awarị ma ḅio suu ḅinma wararị. Jụmọ inoma-a ḅara kẹ ye-mịẹmịẹ-ḅara kịngẹ sọ in nimi-a.

Mayịka 2:9

Ị̀ atomi ma ḅẹ ereme ma, ịna ḅụụ ḅẹlẹma awarị ma ḅụ, ọmịnị in dee pakamam; tẹ ịna asambịrịma awọmẹ ma ḅụ ì ebube mẹ saakị siin gbamaso tẹ.

Mayịka 7:3

Siye mịẹ ḅẹ ye ḅụ mie ịna aḅara simearị ye, ini iḅiọkụ anị mịẹ sunma ḅẹ ḅara; amadaḅọ owiḅọtụḅọ ḅe na ḅẹrẹkọnḅọ ḅe na, ọḅụ-fị ḅẹ tẹ anị ḅiiarị, tẹ opu tomḅọ ḅe nwẹnị ọ̀ ḅala ḅiiarị siye mẹ ḍukoarị; mị-ḅara ḅụ ịn gbolomatẹ anị ḍorim.

Zẹfanaya 1:9

“Àrị oru nimi apụ ḍikima tẹ tẹkẹarị apụ ma fomu ḅa, pịkị furu na kịnị-ḅa na kẹ ye fọịn-fọịn ḅo ịn nyana apụ warị ḅinmarị apụ ma na.”

Zẹkaraya 5:4

Kụrọmamgba nyana KỊNỊNYANAḄỌ ḅe ḍukoarị mịnẹ ọ̀ mị wori-nume mẹ fịrịma pakama ḅa, tẹ anị furuḅọ sime warị goyegoye na ye karị tẹrẹmẹ iruo ye ḍukoarị ḅọ sime warị goyegoye na so ḅa. Anị ịna awarị ḅio sime tẹ warị ma fama ḅa.”

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Matiyo 23:13

“Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ḅọrọ sọ-mu Tamụnọ Ama-da suku-ḅio simearị atomi sọ ḅọkọ mẹ, ọ́ sọ-mu ḅẹ apụ ma tọrọkọ anị gbaịn tẹ; ọ́ sọ-mu ḍụkụ-a, kụma ọ́ pịkị ḍụkụ tẹ ḅụụkụrọma sọ-mu ḅẹ ḍọkịarị apụ ma sọ sọ-mu mu-a!

Luku 12:20

Kụma Tamụnọ ọ̀ ḅẹẹm, ‘Ị́yẹrị oḅori ḅọ! Mị gbọrụ ḍin í ḍumo ḅụ ị́ ḅara sin ḅa; anịsakị tụḅọ mịna aị mamgba tẹ í kobiri ḅụụ wẹrịma tẹ aị ma ọkị ḅẹ?’ ”

1 Timoti 6:9

Kụma ye kọn ḅẹ-ḅiiarị apụ mu daaḍiki ḅio sọ sọm, tẹ oḅori kẹ tomḅọ sịn na, ye kẹ mḅọ lama ḅẹ akuroma na ḍiein ḅio sọ, anị nwẹnị ịn nụnụ mu fịị na fa na ḅio suu.

Tayịtọsị 1:11

Igbigi pọkọ-ḅẹngbọ gotẹ, ịn ḅụụ-jịrị-a ḅara kẹ toluma na-iḅi-a ye kẹ warị, warị pịkị-tungboarị mẹ ẹrẹsị, ịna ḅịḅị gbaịn na-iḅim.

2 Pita 2:14

Sakị mamgba ịna atọrụngbọ jen anga ofori, si mẹnjị kọn-arị ereme ọgọnọ sikima tẹ; si mịẹ ịna apọkọ tata-a. In minini kụrọ-a apụ dogi-mu ḍiein ḅio koromarị. Ini ịna aḅioḅẹngbọ tẹlẹma tẹ kẹ opu pọkọ-ḅẹngbọ sụa ḅara wẹrịarị. Ini ma Tamụnọ wori-nume ịna ọgọnọ emi!

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.