Jerimaya 17:10 - FỊAFỊA BAỊBỤLỤ

¹⁰ Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Jerimaya 17:10 Iomraidhean Croise

1 Amadapụ 8:39

í simearị í so-amakiri mẹ ḅio ịna tẹkẹ mẹ pokii, tẹ naa. Si-wẹrịso in pịrị tẹ ḅarasụa ịn pịrịị. Ị́yẹrị ngẹrị tomḅọ ḅioḅẹngbọ ḅẹ kuroma ḅio sime ye nimim. Ḅụọ-ḅụọ gbẹẹ ḅara kẹ ḅụọ-ḅụọ na mịẹ,

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

1 Paka-aị 29:17

Ị̀ Tamụnọ, à nimi wararị mịnẹ ḅioḅẹngbọ mẹ mie ị́ daaḍikiarị ye tẹ tụkụ sịẹ ḅụ ḅioḅẹlẹ nyanam; ị̀ ḅioḅẹngbọ kẹ karakara ḅụ à mịna aị mamgba kẹ tọn ị̀ pịrị-a ḅara ḅụ agba mịẹ ị́ pịrị tẹẹ, à pịkị mịọkụ ị́ atomi ma ẹrị tẹẹ, inima tẹ mịanga ḅụ sime tẹ ḅioḅẹlẹ ḅara kẹ tọn ịn pịrị-a ḅara ḅụ agba mịẹ ị́ pịrịarị apụ ma.

2 Paka-aị 6:30

So-ḅio í sime anga ḅụ naa, tẹ si-wẹrịsoo, tẹ mịẹ ḅụọ-ḅụọ pịrịị, ị́ wẹrịtẹ mḅọ ḅioḅẹngbọ na mḅọ etela mamgba na nimi ḅara. Kẹ gotẹ ọkọ ḅẹẹarị, ị́yẹrị ngẹrị anie tomina awọmẹ ma aḅioḅẹngbọ nimi ḅọọ;

Jobu 34:11

Kẹ gotẹ ọkọ ḅẹẹarị, tomḅọ kọrịnama wẹrịtẹ sime-ḅara mie ọ̀ kẹ ọ̀ gbẹẹ ḅarịye, anịsakị ori etela ma wẹrịtẹ sime-ḅara, mie ọ̀ mịẹ tẹ anị ḅo ọ̀ mịẹ tẹ anị ḅo ọ̀ la ḅarị ye.

Devidi-Anume 44:21

piki-pikiye-ofori ḅara ḅụ ị́ kọkọ nimi ḅa, ị́ wamịna ḅọị tẹ akuroma ma nimi fama wararị ẹrẹsị.

Devidi-Anume 44:22

Kụma ị́ sịḅị mie in gotẹ sakị mamgba wa ḅaarị ye, mie in gotẹ ḅaa ḅẹ anana mịẹ ḅara kẹ wa mịẹarị ye.

Devidi-Anume 62:12

anịsakị ọ̀ ḅẹlẹma mẹ kuno-kuno-a. Yei KỊNỊNYANAḄỌ, anie ḅarana ḅẹḅọ-ḅẹḅọ amịẹaị ḍiki tẹ gbẹẹ-ye kẹ mḅọ pịrịarị.

Devidi-Anume 7:10

Tamụnọ anie ị̀ gbaịn-arị ḅọ: ori ọ̀ ḅịḅị pokiarị apụ ḅọrọmarị.

Devidi-Anume 7:9

Ị́yẹrị anie kuraye mịẹarị Tamụnọ tẹ wamịna akuroma ma na wa ḅiiarị aị na kọn-arị. Si atomi ma si-sịḅịḅio mẹ dasịẹmaa tẹ iḅi kẹ iḅi-apụ ma mịẹẹ.

Egberima-Ẹkwẹn 12:14

Ị́ gbẹẹ-ye sịrẹrẹ wararị anga anie ị́ ḅịḅị-ḅio paka-ḅo ẹkwẹn na, ị́ ḅara kẹ kọrị ḅo ye na ḅụ: ị́ la kiri mie ị́ ọkị ḅarịye.

Egberima-Ẹkwẹn 17:3

Fịnị mie tomi kẹ golu na seleḅa sime-ḅara tọn-ḍikiarị, tẹ tomḅọ ḅioḅẹngbọ mẹ KỊNỊNYANAḄỌ ḅe mie anị tọn-ḍikiarị.

Nimi Tolumaḅọ 9:3

Tomikiri mẹ ḅụ mịẹarị aị mamgba ḅụ, miemẹ anie gbọrụ siye: miemẹ anie gbọrụ fietẹ-ḅoye mie ḅo inweni-mgba pịrị ḅarị ye; tomina aḅioḅẹngbọ ḅụ si-aị na nọmụ na mie pịkị ḅin wararị ye, ịn ḍumo wararị sakị ḅụ; anịsakị miemẹ ḅọrọ-ḅọrọ anie fị.

Ayịzaya 59:18

Si kẹ ọ̀ tọn apụ ma mịẹ ye mie ò ḍiki tẹ fomu-ḅara kẹ ịn pịrị ḅarịye, jen-a jen-a sụma-jụ ḅẹ amakiri ma ḅụ angarị apụ ma.

Jerimaya 11:20

Anịtẹso à tẹkẹm, “Kụrọmamgba nyana KỊNỊNYANAḄỌ, anie karakara ḅẹrẹkọnḅọ; ị́ kịnị kuromarị aị na ịna ḅụụ-ịnọarị aị na tọn-ḍikiarị. Àrị ị̀ ḅẹrẹ kẹ ị́ aḅara-ḅio sụa tẹẹ; mie ḅụ yee àrị ẹbị ị́ mịna apụ ma ḅara ḅụ gbẹẹfị ḅiiarị sakị.”

Jerimaya 12:13

Ì atomi mbịaka ḍiḅim, kụma osuka mie ịn pẹlẹ ye; ịn ḅụụ-kọsị tẹ kọrịnama kọrịm, kụma gberie sọ ịn nyana ḅo-a anị ḅụ. Ì opu ịganị gotẹ in ḍiḅi aị ma fịaị pakama-a.”

Jerimaya 20:12

Kụma, Kụrọmamgba nyana KỊNỊNYANAḄỌ, kura ḅara mie ị́ kẹ tomi daaḍikiarị; ịna aḅioḅẹngbọ na ịna akuroma ma na ḅio sime ye, í nimi wararị. Mie ḅụ yee àrị ị́ ẹrị mịnẹ í si kẹ ị̀ tọn apụ ma ḅara ḅụ ị̀ gbẹẹfị ḅiiarị, kẹ gotẹ ọkọ ḍukoarị, àrị ị̀ ḅẹrẹ kẹ ị́ aḅara-ḅio sụa wararị.

Jerimaya 21:14

Kụma yẹrị í fomu ḅa ị́ mịẹ tẹ ye gotẹ. À fịnị kẹ ị́ ama-da warị mẹ ḅụ sụa ḅa, tẹ fịnị mẹ anị gbori-ikelema ye goyegoye dọkịma kiri ḅio sara ḅa. Yẹrị, KỊNỊNYANAḄỌ ḅe ọkọ ḅẹẹm.’ ”

Jerimaya 23:2

Mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye, anie ọkịarị mịnẹ ini anie sịḅịdapụ tẹ ị̀ atomi ma ḍikiḍikiarị nwẹn ḅẹẹ apụ ma gboloma ye ḅụ: “Ọmịnị ị̀ atomi ḍikiḍiki-a: ọmịnị ịn gala-gala tẹ in dee fama tẹẹ. Mịọkụ arị ọ́ mịẹ tẹ siye mẹ ḅẹ fomu-ḅara kẹ ọ́ pịrị ḅẹ-yearị.

Jerimaya 32:19

Nimi aị mie ị́ tọn koromarị, tẹ opu kụrọ nyana aị mịẹarị; tomi mịẹarị ye goyegoye ị́ ẹrịarị, tẹ ị́ ịna amịẹaị sime-ḅara ḍiki tẹ gbẹẹ-ye kẹ ịn pịrịarị.

Izikẹlị 11:5

KỊNỊNYANAḄỌ ḅe tẹmẹ ḅe ị̀ ọkị tẹ ḅẹrẹtọn ị̀ pịrịm, tẹ KỊNỊNYANAḄỌ ḅe ḍuko ị̀ pịrịm à mịẹ oku mẹ kẹ tomi ma pịrị: “Izirẹlịapụ ó ḍukoarị ye na mịẹ ḅẹ tẹ tọn-arị ye na à nimi wararị.

Izikẹlị 14:5

Arị oru-afụḅara mamgba Izirẹlịapụ ma tọrụ da sikima ḅelema tẹẹ ị̀ ḅụ, kụma ị̀ pakịrị-ḅịḅị ḅụ à ḅiokpọ wararị à siin ịn nyana ọkị tẹ ịn sịḅị-tuu ị̀ pịrị ḅa.”

Mayịka 7:13

Kụma tomikiri mẹ ḅo ịkpa sọ ḅa, tomikiri mẹ ḅụ simearị apụ gotẹ, gbala inima tẹ anị ḅụ angarị apụ ma, sụa si-sịḅịḅio ẹrẹsị.

Matiyo 16:27

Gbala Tomḅọ Tụḅọ ḅe ori enjẹlị ma na ọ̀ Ḍa ḅe ebube mẹ ḅụ ḅo ḅẹ-yearị, tẹ ò ḅo sakị ọ̀ nwẹnị ọrụḅọ-ọrụḅọ kọrị aị ḍikitẹ gbẹẹ-ye kẹ mḅọ pịrị ḅa.

Matiyo 6:4

Anịsakị anị ḅo ḅọị anga mịẹ ye sọ ḅa. Tẹ ị́ Ḍa So-ḅio simearị ḅọ ḅe tẹ ḅọị anga ị́ mịẹarị ye ẹrịarị ḅọ ḅe nwẹnị gbẹẹ-ye kẹ ị́ pịrị ḅa.

Jọnị 2:25

Kịnị pịkị gotẹ in gboloma ye ḍuko ọ̀ pịrị-pịrị ye ofori, tomina aḅioḅẹngbọ sime ye ò nimi famam ẹrẹsị.

Fịrịmẹnjịapụ 1:24

Anịtẹso ịn nwẹnị tẹkẹ, “KỊNỊNYANAḄỌ, anie tomi kuromarị aị mamgba nimi ḅọ, mịna maa apụ ma ḅụ ị́ sẹlẹ-ọkị tẹ ḅọ kẹ wa ḍie, tẹ mḅọ

Romu 6:21

Ọmịnị arị ḅụụ-jịrịma-aị ma mịẹ sime sakị ọ́ tọ sọye nyana? Arị aị ma dogi-ḅoarị ye anie fịị.

Romu 8:27

Tẹ wamịna ḅioḅẹngbọ ẹrịarị Tamụnọ ḅe, Tẹmẹ ḅe kuromarị ye mẹ nimi wararị; gbala Tẹmẹ ḅe Tamụnọ atomi gotẹ ọ̀ ḅara ḅiiarị aị ma anie pịkị ọ̀ tọn aị ma.

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.

Mịẹfinji 20:12

Tẹ à nwẹnị fịtẹ-apụ ma ẹrị, opu na kala na emine mẹ tọrọkọ sịẹsime wararị. Ḍiri finji finji sara wararị, tẹso ịn nwẹnị jen gbọrụ ḍiri finji, anie ḍumo wararị apụ ḍiri mẹ. Ịn nwẹnị fịtẹ-apụ ma kọn, ịn mịẹ tẹ ḍiri ma ḅio kẹẹ koro wararị aị ma mie in ḍiki tẹ ịn kọn yee.

Mịẹfinji 22:12

Jizọsị mẹẹ, “Pokii! Ala-a sakị ḅụ à ḅo ḅa! Àrị à kẹ ọrụḅọ-ọrụḅọ gbẹẹ ḅẹ aị kẹ ḅo ḅa, tẹ mḅọ mịẹye ḍiki mḅọ gbẹẹ ḅa.

1 Samụẹlị 16:7

Kụma KỊNỊNYANAḄỌ ḅe nwẹnị Samụwẹlị ḅẹẹ, “Ọ̀ sime-ḅara, anịanịa ò gele la ḅara ḍiki ma. Àrị ọ̀ sịkị tẹẹ ẹrẹsị, kẹ gotẹ ọkọ ḅẹẹarị, à tomḅọ ye ḍiki ḅara kẹ ye ḍiki-a. Tomḅọ paka-ḅo tẹ sime-ḅara mie tomi ḍikiarị ye, kụma yẹrị, ḅioḅẹngbọ mẹ mịẹ à ḍikiarị ye.”