Jerimaya 16:9 - FỊAFỊA BAỊBỤLỤ

⁹ Yẹrị, Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, nyana tẹ ḍuko ḅẹ ye pokii. À ḍereku na ḅioḅẹlẹ na apọkọ ma yaụma ḅa, pịkị ere-ịya-alalị ḅioḅẹlẹ apọkọ ma sọ. Mị angaa simearị apụ ma ḍumo sime tẹ ẹrị ḅa miemẹ pakarị sakị.”

Jerimaya 16:9 Iomraidhean Croise

Devidi-Anume 78:63

Asawọ amẹẹ ma ọmụ ḅio fịịm, tẹ iriawọ amẹẹ ma ḅarị in sime ḅẹ gbọrụḅọ-sọ nyana-a.

Jerimaya 25:10

Ịna ḍereku na, ḅioḅẹlẹ na oloku ma na ere-ịya asakị ḅẹ alalị ḅioḅẹlẹ ẹkwẹn apọkọ ma na à yaụma ḅa. In pulo nyana ḅịa kẹ ịna atọnjọ ḅio sụa, tẹ mbịaka ḅarị jen kẹ paka ḅịa.

Jerimaya 7:34

Amakiri mẹ ḅo ịkpa sọ ḅa. Juda ḅẹ opu ama ma ḅio na Jeruselemu etela ma ḅụ na à mịẹ tẹ ḍereku na ḅioḅẹlẹ na apọkọ daasịẹ ḅa, pịkị ere-ịya-alalị ma ḅẹ ḅioḅẹlẹ apọkọ sọ.

Izikẹlị 12:25

Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn ịn pịrị ḅa, tẹ à ḍuko ḅarịye mẹ mịẹ ḅa. Sakị fama ḅarị jen kẹ paka ḅịa. Ọmịna ḍumo tọrụ ḅụ, kọngọ-kụrọma-apụ, à mịẹ ḅẹ tẹ kẹ ọmịna ḅeri nụnụ ye mẹ à mịẹ ḅa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Izikẹlị 26:13

À mịẹ tẹ ị́ anume mamgba kuno tẹ ị́ ọbọ ma ḅẹ anume ma yaụ-sime ḅa.

Hosiya 2:11

À mịẹ tẹ árị alalị mamgba kuno ḅa — kụra-kụra na akalụ-akalụ na alalị ma na, Ịnyọsara-Ene ma na, fịafịa-akobiri ma na.