Jerimaya 16:5 - FỊAFỊA BAỊBỤLỤ

⁵ “Ị́ ịn ḍụẹịn ḍuuarị gbọrụ warị sọ sọ-mu ḅịa. Gbọrụḅọ sọ gotẹ kururuma. À ḅarị jen kẹ ị̀ atomi boma ḅịa, anịanịa ḅẹlẹma na ọkụrụkụrụ na kẹ in ḍie.

Jerimaya 16:5 Iomraidhean Croise

Devidi-Anume 25:6

Yei KỊNỊNYANAḄỌ, í iḅi-yemịẹ-ḅara mẹ na kuno-a ḅẹlẹma mẹ na kẹ ḅiokoromaa: anie iḅere-iḅerea kụra-ḅio ị́ kẹ ì ḍie tẹ aị ma.

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 13:14

Anịtẹso maa jongo kẹ jen-jen gbolo tẹ arị fịị kọsị-sara ḅara mie à kẹ ịn ḅaa kọsịma ḅarị ḅara, omongiapụ na ḍọkọḍọkọ-awọmẹ na gbọrụ ḅara mẹ. Ḍiki-ḅụụjịrị ofori ḅara, sịḅị-jịrị anịanịa ọkụrụkụrụ sọ ị̀ dasịẹma ḅịa ịn ḅaa ḅụ.”

Jerimaya 16:13

Anịtẹso, mie ḅụ, arị ó sukuruma pakama ḅa mị amakiri mẹ ḅụ, tẹ ó mu ọmịnị-o, ọmịna elemu aḍapụ ma-o, amụ nimi-a anga mu ḅa. Tẹ anịanga ọ́ fịrịmẹnjị oru-atamụnọ pịrị ḅa eneḅaka na ḍin na ḅụ, tẹ àrị ọkụrụkụrụ nyana ọ́ pịrị ḅịa.’ ”

Kururu Owu-apọkọ 3:17

Ị̀ ḅala ḅụ í dein ḅaa siin tẹ, ḅioḅẹlẹ nwẹn-sịn ye à kẹ ḅioḅọrọma tẹ.

Zẹkaraya 8:10

Tẹrẹmẹ ḅo anị sakị la gbọrụḅọ-sọ inetẹ owiapụ anịanịa nama amẹẹ ọkọ-a, tẹ gbọrụḅọ ḍumo sọ ye ḅụụ la ḅịa ḅara sime-a si kẹ mḅọ tọn apụ ḅụ. À tomi pịkị tẹ ịn jụmọ-jụmọ jinem.

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?

Mịẹfinji 6:4

Jen awụ asụ nwẹnị pịkị paka-ḅo. Ọ̀ kpọlị dọkụarị ḅọ ḅe ịn kụrọ kẹ ọ̀ pịrịm ọ̀ kẹ tomikiri ọmụ koromaa, mịẹtẹ tomi jụmọ-jụmọ ḅaa ḅẹ ḅara. Ịn gbọrụ opu okologie kẹ ọ̀ pịrịm.