Jerimaya 16:4 - FỊAFỊA BAỊBỤLỤ

⁴ Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 16:4 Iomraidhean Croise

2 Amadapụ 9:10

Obiri ma Jezibẹlị pẹị ḅa Jẹzirili ye-yọ mẹ ḅụ tẹ gbọrụḅọ-sọ á ḍiḅi ḅịa.’ ” Anịtẹso ọ̀ nwẹnị ḅọkọ mẹ finji tẹ mangị-so.

Devidi-Anume 78:64

Agbamịẹapụ ma gbiri-gbiri-gbiri ḅio fịịm, tẹ ịn ḍụkụ tẹ ịna ereme ma in ḍuu-a.

Devidi-Anume 83:10

Ị́ ịn nẹngịmam Ẹndọ ḅụ, tẹ ịna oju akpakpa ma kiri ọgọnọ sime tẹ ḅụrụm.

Ayịzaya 18:6

Ịna ọmụapụ ma oju akpakpa ma kiri ọgọnọ sara sime feni ma na piri-ḅio-ḅẹ anama na pịrị ḅa. Ịrụa kụra ḅụ feni ma arị pẹị, pẹị tẹ kẹ anga ḅa, tẹ okiringa sakị ḅụ piri-ḅio-ḅẹ anama ma pịkị arị pẹị ḅa.”

Ayịzaya 5:25

KỊNỊNYANAḄỌ ḅe ịganị ori atomi pịrịarị tẹ ọ̀ ḅara sụn pakama tẹ, kẹ in fomu, tụndụ ma jike ḅa, tẹ ḍụẹịn-ḍụẹịn-ḍụẹịn etela ma ḅụ sara-sime ḅa, fun sara ḅara. Anị nwẹnị ọkọ mịẹ tẹso, KỊNỊNYANAḄỌ ḅe ịganị kuno ḅịa, kụma ọ̀ ḅara paa sụn paka ḅa, kẹ in fomu.

Jerimaya 19:7

Mịanga ḅụ à Juda na Jeruselemu na ḅẹ apụ ma tọn aị mamgba kẹ papaa aị mịẹ ḅa. À mịẹ tẹ si kẹ ịn tọn apụ ma ịn nẹngịma tẹ ọmụ kiri ḅụ ịn ḅaa ḅa. Àrị ịna oju-akpakpa ma kẹ fịye sọma So-tọrụ ḅẹ afeni na piri-ḅio-ḅẹ anama na pịrị ḅa.

Jerimaya 21:6

Mị opu ama mẹ ḅio angarị ḅọ goḅọ-goḅọ à ḅaa ḅa; tomi na nama amẹẹ na gbọrụ ḅara kẹ fịị ḅa ḅalafama obi ḅụ.

Jerimaya 25:33

Anị ene mẹ ḅụ, KỊNỊNYANAḄỌ ḅe ḅaa ḅarị apụ ma oju akpakpa ma gala-gala ḅa tomikiri mẹ ḅẹ gbọrụ ịkọlị ḅụ mu osi ịkọlị la. Gbọrụḅọ-sọ in ḍuu ḅịa, pịkị ḍụẹịn ma kẹ so mu ḍiḅi ḅịa. Arị kiri ọgọnọ kpoli sime ḅa, ḅụrụ tẹ afun, tẹ kẹ fịye ḍiḅi ḅẹ kiri tẹlẹma ḅẹ aị ọkụ.

Jerimaya 34:17

Mịẹ ḅụ mịọkụ, yẹrị, KỊNỊNYANAḄỌ ḅe, ḍukoarị mịnẹ ọmịnị ị̀ ḅịḅị-kan tẹ: amụ ḅarana-sịḅị-nyana kẹ ọmịna pembema Izirẹlịapụ ma pịrị-a. Ọkọ ḅẹḅẹ, iḅi lamam, yẹrị ḅarana-sịḅị-nyana kẹ ọ́ pịrị ḅa: ọmụ ḅio fịị ḅarana-sịḅị-nyana, obi na ḅuru-ḅa na. À kẹ ọ́ mịẹ ḅarịye mẹ, kpọma tomikiri ḅẹ sịẹ goyegoye ḅụụ koro ḅa.

Jerimaya 34:20

àrị ịn saḅama si kẹ ịn tọn-arị apụ ma pịrị ḅa, anie ịn ḅaa ḅẹ-ḅiiarị apụ ma, tẹ feni amẹẹ na piri-ḅio-ḅẹ anama na ịna aḍụẹịn ma pẹị ḅa.

Jerimaya 36:30

Mie ḅụ, mịọkụ yẹrị KỊNỊNYANAḄỌ ḅe, ị́ ḅẹẹarị, Ama-da Jehohakịmụ, mịnẹ í furo-ḅẹ-ḅọ Devidi ama-da yọ mẹ ḅụ ama-da ḅịa gbamasom. Ị́ fịtẹ oju-akpakpa mẹ ịn kẹ wakị nguma ḅa paụ ḅụ, tẹ ịrụa anị fọị ḅa eneḅaka ḅụ, tẹ oḅoku igirigi pịkị anị ọgọnọ sara ḅa ḍin ḅụ.

Jerimaya 44:12

Juda ḅẹ apụ tẹ kirikọn-apụ ma kịngẹ kụma, tẹ ịn mu Ijiputi ḅụ anga-anga-a ịgbanịarị apụ ma, arị ẹrị ḅa mịnẹ inimgba gulugulu-faam. Inimgba, opu na kala na, Ijiputi ḅụ fịị ḅa, anị ḅọrọ ọmụ ḅio-o, anịanịa ḅuru-ḅa ḅụ sọ. Ịn sịḅị-kanakanama ye sọ ḅa ḍiki-tọrụ ḅụ; tomi ịn ḍiki-iderima ḅara kẹ ini na mịẹ ḅa tẹ ịna ẹrẹ kẹ ye karị ḅa.

Jerimaya 44:27

‘Àrị ẹrị ḅa mịnẹ ó lolo ḅịa, kụma ó gulugulu ḅa. Ọmịnị-mgba fịị ḅa, anị ḅọrọ ọmụ ḅio-o, obi ḅụ-o, nwenii ọmịna ḅụ ḅẹ gbọrụḅọ-sọ ḅarị kọọn ḅịa.

Jerimaya 7:33

Ḍụẹịn ma fịye sọ feni ma na piri-ḅio-ḅẹ anama ma na pịrị ḅa, tẹ feni ma na nama ma na ḅalafama tẹ ịn so ḅẹ ḅọ paka ḅịa.

Jerimaya 9:22

Anga mamgba ḍụẹịn gala-gala sara wararị, gbala kẹ kiri tẹlẹma tẹ kẹ ye ḍiḅi ḅẹ ḅụrụtẹ afun sara ḅara, gbala mbịaka pẹlẹ apụ pẹlẹ sara tẹ koroma-so aị ọkụ, pẹlẹ sara tẹ kolokolo apụ ofori mbịaka. Mie KỊNỊNYANAḄỌ ḅe ị̀ ḅẹẹm à ḍuko ḅẹ ye.”

Kururu Owu-apọkọ 4:9

Okologie fịị kọn apụ ma ḅioḅẹlẹ inima tẹ fịye pọkọ-tarị tẹ ịn ḍụọ mẹ ḅio ḅẹ sịnmgbọlụ kẹ pịrị fị-a, tẹ ḅuru-pọkọtarị ḅụ fịị apụ ma nẹngịm.

Izikẹlị 24:21

Mị oku mẹ kẹ ọmịnị Izirẹlịapụ ma pịrị: Ọ́ Tamụnọ-warị mẹ ḅẹ ịnyọ mẹ kẹ ḅụụ-tọn-arị. Anị ḍikiḍiki tẹ mu-mu anị la ọ́ ḅụụ-ḅẹlẹarị, kụma KỊNỊNYANAḄỌ ḅe anị kẹ tọn-tọn-a ḅara wẹrị ḅẹ-yearị. Anịsakị ọmịna asambịrịma apụ ma tẹ warị-warị ḅụ Jeruselemu ḅụ kirikọn-apụ ini ịn ḅaa ḅa ọmụ ḅio.

Izikẹlị 5:12

Ị́ atomi ma kẹ tẹra akiri ḍiya ḅẹ gbọrụ kiri opu ama mẹ ḅio sime tẹ fịị ḅa obi na ḅuru-ḅa na ḅụ kẹ tẹra akiri ḍiya ḅẹ gbọrụ kiri ịn nwẹn kẹ okologie kẹ pẹlẹ sara ḅa opu ama mẹ ḅio ḅụ paka ḅụ; tẹ kunoma gbọrụ kiri mẹ arị ịn gala-galama ḅa fẹrụ ḅio tẹ okologie kẹ in ḍuka ḅa.”

Zẹfanaya 1:17

KỊNỊNYANAḄỌ ḅe ḅẹẹarị, “Àrị ọkị-ḅo tomina ọgọnọ gbana ḅarị opu ḅụụ-fụka ḅụ, ọrụḅọ-ọrụḅọ tọrụngbọ-pụụntẹḅọ kịka ḅara kẹ ye ḅii ma mẹnjị ḅa. In si kẹ ị̀ mịẹ tẹẹ, mịọkụ ịna ọmbie minji sara ḅara sara ḅa, tẹ ịna oju-akpakpa ma kiri ọgọnọ sara sime tẹ ḅụrụ ḅa.”

Ditẹrọnọmị 28:22

KỊNỊNYANAḄỌ ḅe oju ọlọ obi na, akọm na, foin obi na, fie-paka obi na, kụrọ ọfịrị na, ye yọ samụnọ sime na, kụrọ fẹrụ na, otito na kẹ ó fomu ḅa; arị ó ḍuka nwenii ọ́ fịị fa fama ḅa.

Ditẹrọnọmị 28:26

Anịsakị ọmịna fịtẹ oju akpakpa ma pẹị-pẹị aị sọ So-tọrụ ḅẹ afeni mamgba na, tomikiri mẹ ḅẹ piri-ḅio-ḅẹ anama ma pịrị ḅa, ịna ḅalafama tẹ ịn dee sin ḅẹ gbọrụḅọ-sọ paka ḅịa.