Jerimaya 16:19 - FỊAFỊA BAỊBỤLỤ

¹⁹ KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 16:19 Iomraidhean Croise

1 Amadapụ 20:23

Siriya ḅẹ amadaḅọ ḅe afịrịmẹnjịapụ nwẹnị ọ̀ ḅẹẹ, “Ịna oru-atamụnọ ma anie tụndụ ma ọgọnọ ḅẹ atamụnọ, anie in gotẹ kụrọ wa nẹngị ye; kụma yee wa ele ḅio ini na owu-sọ, anịsakị karakara-ḅara-ḅụ wa kụrọ in nẹngị ḅa.

Devidi-Anume 18:3

À KỊNỊNYANAḄỌ ḅe tẹkẹarị, tẹ ò si kẹ ị̀ tọn apụ ma aḅara ḅio ị̀ ḅọrọmarị. KỊNỊNYANAḄỌ ḅe tokinii!

Devidi-Anume 19:14

Yei KỊNỊNYANAḄỌ, ị̀ ḅụụ-ḅọị-yọ pịkị ị̀ pakịrịḅọ, yee ị̀ ẹkwẹn ma na à kuromarị aị ma na ị́ tọrọkọ ọkị na-iḅi aị sọ!

Devidi-Anume 27:5

Ḅụụ-fụka sakị ḅụ ori ị̀ sịḅị kikima ḅa; ori ị̀ kẹ ọ̀ warị ḅio koko kpaịnma ḅa tẹ ị̀ kẹ geletẹ, ye ḅo ị̀ la ḅịa ịkụ ọgọnọ-jụ ḅio gbana ḅa.

Devidi-Anume 46:1

Tamụnọ wa kikimarị, pịkị ịnyọ kẹ wa pịrịarị. Sakị mamgba ori emi tẹ ḅarasụa wa pịrịarị ḅụụ-fụka asakị ḅụ.

Devidi-Anume 46:11

Kụrọmamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Devidi-Anume 46:7

Kụrọ mamgba nyana KỊNỊNYANAḄỌ ḅe wamịnị na emi; Jekọbụ Tamụnọ ḅe anie wamịna ḅụụ-ḅọị-yọ.

Devidi-Anume 62:2

Ori ngẹrị mie ị̀ gbaịn tẹ ị̀ ḅọrọmarị; ori anie ị̀ ḍụarịḅọ, tẹ gbala-gbala owu ị̀ ḅara sii ḅịa.

Devidi-Anume 62:7

Ị̀ ḅọrọma na kụn na Tamụnọ ḅụ sịrẹrẹ wararị; ori ị̀ kụrọ tẹ gbaịn ḅọrọmaḅọ; ori ị̀ sịḅị kikima anga.

Devidi-Anume 65:3

ịna asi gotẹ. Wamịna amịẹ-kọn ma wa nẹngịmarị, kụma arị wẹrịso wa pịrịarị.

Devidi-Anume 68:31

Amịna asịẹ tọrụ ḍima tẹ ja sịẹ ḅụ simearị apụ ma Ijiputi ḅụ sime tẹ ḅo ḅa; Sudanị ḅẹ apụ ma amịna aḅara saakị-gelema tẹ Tamụnọ tẹkẹ ḅa.

Devidi-Anume 86:9

Tomikiri ḅẹ asịẹ mamgba tẹ ị́ tẹmẹ tẹ apụ ma ḅo iḅo ị́ pịrị ḅa; ini í opu tokini ḅa.

Egberima-Ẹkwẹn 18:10

KỊNỊNYANAḄỌ ḅe ọ̀ kụrọtẹ gele-warị na kịkam, anie karakaraye-mịẹapụ ma inetẹ mu tẹ ye ịn la ḅịa anga.

Ayịzaya 25:4

Igoin-apụ ma na ḅarasụa-pịrịḅọ nyana-a apụ ma na ḅụụ-fụka asakị ḅụ mangị ị́ dama-ḅo tẹ ye ịn la-a so tẹ; ị́ in kikimarị, erise sakị ḅụ, pịkị kịnị dọkịmarị ọfịrị ḅụ na. Kụrọ, kụrọ-ḅara kẹ kịnị na mịẹarị apụ oḅoku sakị ḅẹ erise kịka tẹ owu pakarị

Ayịzaya 32:2

Ịna ḅụ ọrụḅọ-ọrụḅọ fẹrụ ḅụ ḅụụ kikima yọ sọ ḅa, pịkị erise fie sakị, fie sakị ḅụ ḅọị ḅẹ anga na. Ịkpa ḅio puu puu ḅọrọarị kuroro mie ịn kịka ḅarị ye, gbala gele lamatẹ ịkụ tẹ ịrụa kikima kịnị pịrịarị ye, piri ofori kiri ḅụ.

Ayịzaya 44:10

Ye fụḅara tẹmẹ tẹ sunsin anị pịrị mẹ gbọrụ iḅi sọ nyana-a!

Ayịzaya 44:20

Ọ̀ fọọn kẹ fịye sọma tẹ fịarị; Ori oḅori akuroma ma ọ̀ da irima mu ọ̀ ḅarasụa nyana ḅẹ yọ saḅa tẹẹ. Ò minini ḍụkụ ḅịa mịnẹ ori ọlọ-sịẹma wararị oru-fụḅara mẹ gbala-gbala tamụnọ-a, ḅọkọ-ḅọkọ mamgba ḅụ.

Ayịzaya 45:14

KỊNỊNYANAḄỌ ḅe Izirẹlị ḅẹẹarị: Ijiputi na Sudanị na ngọ ma ị́ aị sọ ḅa, tẹ sẹba ḅẹ gele-geletẹ owiapụ ma í omoniapụ sọ ḅa; ini ikoli kẹ ini ịkasị tẹ ini í ḍuka-ḅo ḅa. Ịn sịḅị-tuu tẹ ḍuko finji ḅa: Tamụnọ ọmịnị na emii — ori kịngẹ Tamụnọọ.

Ayịzaya 49:6

KỊNỊNYANAḄỌ ḅe ị̀ ḅẹẹm: Ị̀ fịrịmẹnjịḅọ, à tarị fịrị mẹ nẹngị ye nyana ị́ pịrị wararị. Ị́ Izirẹlịapụ tẹ fịị-a so apụ ma kẹ ḅo elemu in nyana opu mẹ lama ḅarị mẹ kịngẹ-a, kụma à pịkị ị́ kẹ bele sọma sịẹ-sịẹ ma pịrị ḅa, mịẹ tẹ bebe tomikiri mẹ ḅọrọma ḅẹ ḅara.

Ayịzaya 62:2

Jeruselemu, sịẹ-sịẹ ma í owu-ḅara-iḅi mẹ ẹrị ḅa! Ịna amadapụ mamgba í ebube ẹrị ḅa. Ị́yẹrị ini ịwọ ẹrẹ kẹ ị́ sịn ḅa, KỊNỊNYANAḄỌ ḅe ḅarana kẹ ị́ pịrị ẹrẹ.

Jerimaya 10:3

Mịna atomi ma tamụnọ nimi ḅara mẹ ye-ḅụ-sọ-a. Ini opu piri-ḅio-ḅẹ sịn pẹlẹ-gbin-arị; ini akanị-aị kẹ anị kịrarị,

Jerimaya 10:5

Ọkọ sime oru-afụḅara ma anie papaa mḅam aḍụọ ḅio sime tẹ feni ḅalafama tẹ in fiin so ḅẹ aị; ini inetẹ ẹkwẹn ḅịa; kịnị mie in dogi ḅarịye ini inetẹ mẹnjị ḅịa ẹrẹsị. Arị ḍiki-ḅalafa ma: arị inetẹ ye kẹ ị́ lama ḅịa, pịkị inetẹ gbọrụ iḅi sọ kẹ ị́ mịẹ ḅịa.”

Jerimaya 12:16

Ịn nwẹnị ịna ḅioḅẹngbọ mẹmgba kẹ ị̀ atomi Tamụnọ-nimi ḅara mẹ ọkị, tẹ in ye karị ḅẹ sakị ḅẹẹ ḅa, ‘KỊNỊNYANAḄỌ ḅe ḍumo wararị ogbo’ anie gbọrụ sakị ḅụ ini ị̀ atomi toluma tẹ in Balị ḅụ karị-karị ḅara mẹ — anị sakị rẹ mie ini ị̀ atomi ma ḅẹ apụ sọ ḅarịye, tẹ pịkị lolo ḅa.

Jerimaya 14:8

Ị́yẹrị ngẹrị mie Izirẹlị nyana ḅiokpọ; anie opu ḅụụ-fụka ḅụ wa ḅọrọmarị ḅọ, Tiye ẹrẹsị ị́ wamịna amakiri mẹ ḅụ kịnị tọrụ-nimi-a ḅọ kịkarị, gbala ḅọrọ ye muarị tẹ agba tẹ ḍin mẹ kịngẹ kẹ sime ḅọ ọkụ.

Jerimaya 17:17

Tẹmẹ-naịn-naịnma ye sọ ị̀ pịrị ma. Ị́yẹrị anie à sime tẹ ye ị̀ la ḅịa yọ ḅụụ-fụka ḅoarị sakị.

Jerimaya 2:11

Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 3:23

Tụndụ ma ọgọnọ-jụ wa mu tẹkẹ oru atamụnọ ma gbọrụ ḅarasụa sọ nyana wa pịrị-a. Izirẹlị nyanarị ḅarasụa KỊNỊNYANAḄỌ wamịna Tamụnọ ḅe ḅara mie anị ḅoarị.

Jerimaya 33:9

Jeruselemu ḅo ḍereku dogi-ḅoarị yọ na kụn kẹ ḅụụ-tọn-arị yọ na sọ ị́ pịrị ḅa; tomikiri mẹ ḅio sịẹ goyegoye ḅalafa tẹ oju-sẹkị ḅa ini à mịẹ Jeruselemu pịrịarị iḅi aị ma na àrị ọkị-ḅo opu ama mẹ pịrịarị lọkọlọkọ na gboloma ye naa sakị.”

Jerimaya 4:2

anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Izikẹlị 11:16

“Mịọkụ à ḍuko ị́ pịrị ḅẹ-yearị ye mẹ ḍuko ị́ na Kun-ḅara ḅio simearị apụ ma pịrị. Yẹrị anie ịn kẹ fịrịma ḅọ ḅe, mịnẹ in mu sụma-jụ simearị asịẹ ḅụ anga, tẹ ịn gala-galama osi amakiri ma ḅụ suu ye. Anịsọ, mịọkụ mẹ ḅụ àrị ini na sime ḅa in mu tẹ amakiri ma ḅụ.”

Jowẹlị 3:16

KỊNỊNYANAḄỌ ḅe ekirearị Zayọnị ḅụ; ọ̀ pọkọọ so-alagba fie ḅara fie paka-ḅoarị Jeruselemu ḅụ, Kiri na So-tọrụ na jikearị. Kụma ori ori atomi ḍụa ḅa.

Emọsị 2:4

KỊNỊNYANAḄỌ ḅe ḍukoarị, “Juda ḅẹ apụ ma si-si-si mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ini ì toluma-aị ma ḍiki-sima tẹ à tọn-koroma-aị ma koko-a. Ịna elemu aḍapụ ma fịrịmẹnjị pịrị sime papaa atamụnọ ma ịn da irima ye ḅụ.

Nahọmụ 1:7

KỊNỊNYANAḄỌ ḅe ori iḅim ḅụụ-fụka ene ḅụ kụrọtẹ ḅụụ ḅọị anga; inima tẹ ò ḅio ḅụ ḅụụ ḅọịarị apụ ma, ori in nimi wararị.

Habakọkụ 3:19

KỊNỊNYANAḄỌ ḅe ịnyọ kẹ ị̀ pịrịarị. Ori ị̀ mịẹ tẹ ị̀ aḅụọ kiri ḅụ kụrọ sịẹarị, tụḅụra aḅụọ ọkụ, tẹ ye-ḅụụ-la-a ḅara ì koko kpaịnmarị tụndụ ma ọgọnọ ḅụ.

Zẹkaraya 2:11

Anị ene mẹ ḅụ, tọnwa asịẹ KỊNỊNYANAḄỌ ḅe dama-ḅo tẹ ori atomi sọ ḅa. Ori ọmịna ogboku anga ḅa, tẹ ó nimi ḅa mịnẹ ori ị̀ kẹ ọ́ fịrịmam.

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

Romu 1:25

Iruo aị anie ịn kẹ Tamụnọ gboloma karakara mẹ ḍima tẹ ye; Tamụnọ tẹmẹ-aị anie ịn tẹkẹ tẹ pịkị fịrịmẹnjị pịrịarị, tẹ nwẹnị ori mịna aị ma tẹmẹḅọ ḅe rẹ tẹkẹ-a anie ịn tokini gbamaso ḅẹ ḅọ ḅee! Amẹnị.

1 Pita 1:18

Kẹ gotẹ ọkọ ḍukoarị, ọ̀ gbẹẹ tẹ ọmịna atẹngịapụ ma da-saḅama ọ́ pịrị papaa ḍumo mẹ ḅẹ omoni mẹ ḅio ọ́ pakama-ḅo ye ḍụḅa la ḅara ó nimim. Anie mẹ golu na, seleḅa na gulugulu ḅara kẹ gulugulu ḅẹ ye-a;

Mịẹfinji 11:15

Anịtẹso sọnọma karama enjẹlị ḅe ori ọdụ ofurom, tẹ So-ḅio tọnwa apọkọ oloku-oloku tẹ ḅẹẹm, “Tomikiri ḅụ ḅẹrẹtọn kụrọ mẹ mịọkụ ḅo wa Nyanaḅọ ḅe na ọ̀ Mẹsaya ḅe na ḅara sọ tẹ, ọ̀ ḅẹrẹtọn mu ḅẹẹ-sakị ḅẹẹ-sakị la ḅa!”