Jerimaya 16:17 - FỊAFỊA BAỊBỤLỤ

¹⁷ Ịn mịẹarị ye goyegoye arị ẹrịarị. Gberie sọ ị̀ ḅụụ ḅụ kikima-a; ịna asi ma ị̀ tọrụ gbarị-a.

Jerimaya 16:17 Iomraidhean Croise

2 Paka-aị 16:9

kẹ gotẹ ọkọ ḅẹẹarị, KỊNỊNYANAḄỌ ḅe atọrụngbọ ma bebe tomikiri mẹ ḍiki tolu tẹ ye goyegoye ẹrịarị, ori ori opu kụrọ kẹ inima tẹ ḅioḅẹngbọ ḅụ ye kẹ ọlọ-ọlọ ọkụ ofori ḅara kẹ ò sọmarị apụ ma ḍie ḅẹ ḅara. Mie ḅụ í oḅori ḅara kẹ ye mịẹ tẹẹ; anịsakị mịọkụ saakị tọrọkọ mu ị́ ọmụ nyana ḅa.”

Jobu 10:14

À si mịẹ-mịẹ, ị́ kẹ elekima sụa ị̀ pịrịm, tẹ ị̀ mịẹ-irima wẹrịso ị̀ pịrị-a.

Jobu 31:4

Ì etela ma ori ẹrị-a? À ḅụọ sịẹma anga mamgba ọ̀ kịẹn nimi-a?

Devidi-Anume 109:15

Yee KỊNỊNYANAḄỌ ḅe sakị mamgba ịna asi kẹ ḅiokoroma, inima ḅioju kụma, yee tomi gbọrsịḅị ịn kẹ ḅioḅọrọma fama.

Devidi-Anume 139:3

Ị́ ị̀ ẹrịarị, à nama kọrịarị-o, arị ịnyọsararị-o; à mịẹarị aị mamgba í nimi wararị.

Devidi-Anume 33:15

Ori mie in kuromarị aị kẹ ịna ḅioḅẹngbọ suuarị: tẹ ịn mịẹarị ye goyegoye nimi wararị.

Devidi-Anume 51:9

Ị́ atọrụngbọ gbaịn ị̀ asi ma pịrịị, tẹ ì si sime-ḅara mẹ kụrọrọ siin.

Devidi-Anume 90:8

Wamịna asi ma ị́ tọrọkọ emi, wamịna ḅọị tẹ asi ma í inetẹ ẹrị ḅa.

Egberima-Ẹkwẹn 15:3

KỊNỊNYANAḄỌ ḅe anga-anga ḅụ pakaye-pakaye ẹrịarị, Ọ̀ wa ẹbịarị, wa iḅiye mịẹ-o, wa siye mịẹ-o.

Egberima-Ẹkwẹn 5:21

KỊNỊNYANAḄỌ ḅe ị́ mịẹarị ye mịẹarị ye ẹrịarị. Í mu anga mu anga ori ị́ ẹbịarị.

Ayịzaya 29:15

Tọn tẹ mịẹ ḅẹ aị kẹ KỊNỊNYANAḄỌ ḅe ḅọịmarị apụ ma ịn fa tẹ! Ḅọị anga mie ini ịn tọn wẹrị aị ma mịẹarị, tẹ kuromarị mịnẹ gbọrụḅọ-sọ ini ẹrị-a, anịanịa ịn mịẹarị aị ma nimi.

Ayịzaya 66:18

In kuromarị aị na ịn mịẹarị aị na à nimi wararị. À tomikiri ḅẹ asịẹ mamgba kobiri ḅẹ ḅoarị. In ḅo kobiri sakị ini ị̀ kụrọ inetẹ mịẹ ḅarị aị ẹrị ḅa,

Jerimaya 2:22

Ị́ nwẹnị kụrọ-tẹịn ọsọn kẹ í oju sịkịrị sọ à paa ị́ ḅẹrẹ-ḅarasii mẹ ḅẹ elekima ẹrị ḅa.

Jerimaya 23:24

Gbọrụḅọ-sọ inetẹ ḅọị tẹ arị inetẹ mḅọ ẹrị-a so ḅịa. Ó nimi-a mịnẹ So-ḅio na kiri ḅio na ḅụ yọ-yọ ḅụ arị emi?

Jerimaya 29:23

Miemẹ sime ịn pịrị tẹ ịna ḅụ paka ḅẹ ye sọ ḅa, ịn ḅalafama asi mịẹ tẹ ẹrẹsị — ịn sẹfị tẹ pịkị KỊNỊNYANAḄỌ ḅe ẹrẹ ḅụ iruo aị ḍuko tẹẹ. Miemẹ KỊNỊNYANAḄỌ ḅe ḅiiarị ye na tụḅụrụm; ori ịn mịẹ tẹ ye mẹ nimi wararị, ori ḅẹrẹ-kiri sime-ḅọ sọ tẹ ini na tụḅụrụ wararị.’ ” KỊNỊNYANAḄỌ ḅe ọkọ ḅẹẹm.

Jerimaya 32:19

Nimi aị mie ị́ tọn koromarị, tẹ opu kụrọ nyana aị mịẹarị; tomi mịẹarị ye goyegoye ị́ ẹrịarị, tẹ ị́ ịna amịẹaị sime-ḅara ḍiki tẹ gbẹẹ-ye kẹ ịn pịrịarị.

Jerimaya 7:11

Ọ́ sịn-arị ị̀ Warị mẹ ḅo warị kan-kan tẹ furuarị apụ ḅọị yọ sọ tẹ? Ọ́ mịẹarị ye àrị ẹrị tẹẹ.

Izikẹlị 8:12

Tamụnọ ì gbelam, “Fịị-fịị tomḅọ, Izirẹlị ḅẹ sịḅịdapụ ma ḅọị-anga mịẹarị ye ị́ ẹrịarị ya? Inimgba sime tẹ tẹkẹarị ḅio mẹ ḅụ oru-afụḅara afụḅara famam. Ini kẹ gotẹ sọ ḅẹ ye ḍọkịarị ye anie, ‘KỊNỊNYANAḄỌ ḅe wa ẹrị-a! Ọ̀ kọkọ wamịna bebe amakiri kẹ gbin-koroma so tẹẹ.’ ”

Izikẹlị 9:9

Tamụnọ pakịrịm, “Izirẹlị na Juda na ḅẹ apụ ma ḅalafama asi mịẹ tẹ. Bebe amakiri mẹ ikelema-koro ḅụ ịn kịnị ḅaa si mịẹ tẹ, pịkị kịrị-kịrị si-amịẹaị kẹ Jeruselemu ḅinma tẹ. Ini mẹẹ, yẹrị KỊNỊNYANAḄỌ ḅe ịna bebe amakiri mẹ kẹ gbin-koroma-so tẹ ḅarị ini ẹrị-a.

Zẹfanaya 1:12

“Anị sakị ḅụ à kpọọ tọnjọ ọkị tẹ Kireinma ḍọkị-ḍiki ḅa Jeruselemu ḅụ. Àrị árị atomi ma tẹ ọkịarị ye ini na iḅi wararị tẹ ḅiokpọ wararị apụ ma fomu ḅa, anie amịna ḅụụ ḅẹẹarị apụ ma, ‘KỊNỊNYANAḄỌ ḅe gbala-gbala ò gberie-sọ mịẹ-mịẹ-a, mị ḅọkọ anịanịa osi ye.’

Zẹkaraya 4:10

“Ye ịna ḅiotọn ḅara paka-a mẹ ịna ḅioḅẹngbọ simarị, anị ḅẹ tọrọkọ mu mẹ ịrụ ḅakam ẹrẹsị. Kụma ịn Zerubabẹlị ẹrị ḅa ọ̀ Tamụnọ-warị mẹ nama tọrọkọ-tọrọkọ muarị, tẹ in ḅioḅẹlẹ ḅa.” Enjẹlị ḅe ị̀ ḅẹẹm, “Sọnọma tọnjọ-gbana-aị ma anie KỊNỊNYANAḄỌ ḅe sọnọma atọrụngbọ ma tẹ bebe tomikiri mẹ ẹrị-ikelemarị aị ma.”

1 Kọrịntị 4:5

Anie mịẹ tẹ, sakị mẹ amụ la-a ogbo ọ́ ḅẹrẹ-ḅarasii pẹlẹ gbọrụḅọ-sọ pịrị ma. Kunoma ḅẹrẹkọn mẹ koru mu KỊNỊNYANAḄỌ ḅe sakị la, tẹ mịọkụ kanakana ḅio kikima wararị aị mamgba, ori ọkị-ḅo bele ḅio sara fama tẹ, pịkị tomina ḅioḅẹngbọ jụ ḅio simearị akuroma mamgba pakama-ḅo fama ḅa. Anị ḅo ọkọ la sakị ọrụḅọ-ọrụḅọ Tamụnọ ḅara mḅọ la tokini nyana ḅa.

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.