Jerimaya 16:14 - FỊAFỊA BAỊBỤLỤ

¹⁴ KỊNỊNYANAḄỌ ḅe mẹẹ, “Sakị mẹ ḅoarị, kịnị ḅarị jen kẹ ị̀ ḅụụ ḅụ ye karị ḅịa sakị mẹ, anie ḍumo wararị Tamụnọ ḅe tẹ Izirẹlịapụ ma pakama-ḅo ḅọ ḅe Ijiputi amakiri ḅụ.

Jerimaya 16:14 Iomraidhean Croise

Devidi-Anume 81:11

Kụma ị̀ atomi ma ì poki ḍụkụ-a; Izirẹlị ị̀ ḅịḅị poki ḍụkụ-a.

Devidi-Anume 81:7

Ọ́ ḅụụ-fụka ḅio sọ sakị, ọmịnị ị̀ sịn tẹ arị ọ́ ḅọrọmam. À kikima tẹ sime erise mẹ ḅio àrị ọmịna ḅịḅị ọkịm. Mẹrịba ḅẹ ngụngụḅa ma akaka ḅụ àrị ọ́ daaḍikim.

Paka-so 20:2

Yẹrị anie KỊNỊNYANAḄỌ ọmịna Tamụnọ ḅee, tẹ Ijiputi ḅẹ ama mẹ ḅio ọ́ pakama-ḅo ḅọ ḅee, ọmịnị omoni-sọ anga mẹ ḅio.

Jerimaya 32:37

À tomi ma kobiri ḅo ḅẹ-yearị, anie arị ì owi ịganị ḅụ ịn gala-galama mu asịẹ mamgba ḅụ, tẹ arị ịn kẹ pịkị mịanga ḅo ḅa, tẹ mịẹ tẹ ịn mị yọọ anga ḅa, kpaịn ḅara ḅụ.

Mayịka 6:4

Kẹ gotẹ ọkọ ḅẹẹarị, Arị Ijiputi ama ḅio ọ́ pakama-ḅom, tẹ ọmịnị omoni-sọ anga mẹ ḅụ ọ́ pakịrị ọkịm; etela kẹ ó ḍie gotẹ à Mozizi na, Erọnị na, Mirihamụ na kẹ ọ́ fịrịmam.

Ditẹrọnọmị 15:15

Ọ́ kẹ ḅiokoroma ḅa mịnẹ Ijiputi ḅẹ ama ḅio ọmịnị omoni-sọ simem, tẹ KỊNỊNYANAḄỌ ọmịna Tamụnọ ḅe ọ́ pakịrị ọkịm, anị ẹrẹsị mịmgbaa ḅụ à tọn ọ́ pịrịarị.

Ditẹrọnọmị 20:1

Ọmịnị ọmịnị na fịya-a apụ na ọmụgbin ḅẹ sakị, tẹ ọ́ tọnwa asụ na, kirimẹnjị-ọmụarụ na, ḍụḅa ọ́ soku-ḅẹ ọmụ-ogbo nẹngị ọmụ-ogbo na ẹrị-ẹrị, ọmịnị in ḍiki ḅalafaa ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị na emi, oriḅe tẹ Ijiputi ama mẹ ḅụ ó ḍikiḍiki pakama-ḅo ḅọ ḅe.