Jerimaya 16:13 - FỊAFỊA BAỊBỤLỤ

¹³ Anịtẹso, mie ḅụ, arị ó sukuruma pakama ḅa mị amakiri mẹ ḅụ, tẹ ó mu ọmịnị-o, ọmịna elemu aḍapụ ma-o, amụ nimi-a anga mu ḅa. Tẹ anịanga ọ́ fịrịmẹnjị oru-atamụnọ pịrị ḅa eneḅaka na ḍin na ḅụ, tẹ àrị ọkụrụkụrụ nyana ọ́ pịrị ḅịa.’ ”

Jerimaya 16:13 Iomraidhean Croise

2 Amadapụ 25:21

Babịlọnị ḅe amadaḅọ ḅe nwẹnị ịn fomu tẹ ịn ḅaa Hamatị ye-yọ Ribula ḅụ. Anie ịn Juda ye-yọ ḅụ anị ọkị mu omoni sọma ḅara.

2 Paka-aị 7:20

anịrẹ anị ama mẹ tẹ à kẹ ọ́ pịrị tẹ ama mẹ ḅụ arị ọ́ pẹlẹ-siin ḅa, tẹ mị warị mẹ tẹ à mịẹ fịafịama ị̀ ẹrẹ pịrị ye mẹ, arị anị wakị-nguma ḅa ị̀ tọrụ ḅụ tẹ anị kẹ egberima-ẹkwẹn na, goo ḍuko ye na sọma tomi mamgba pịrị ḅa.”

Devidi-Anume 81:12

Ọkọẹrẹsị àrị ịn wẹrịso tẹ ini ịna kọngọ kụrọma etela ma mẹnjị tẹ in ḅii-ye ḅii-ye mịẹm.

Jerimaya 10:18

KỊNỊNYANAḄỌ mị amakiri mẹ ḅio ọ́ kẹ gbin pakama ḅẹ-ḅiiarị; ori ọ́ mịẹ nwenii tẹ ọmịna ḅụ gbọrụḅọ-sọ kiri kọn ḅịa. KỊNỊNYANAḄỌ ḅe ọkọ ḅẹẹm.

Jerimaya 14:8

Ị́yẹrị ngẹrị mie Izirẹlị nyana ḅiokpọ; anie opu ḅụụ-fụka ḅụ wa ḅọrọmarị ḅọ, Tiye ẹrẹsị ị́ wamịna amakiri mẹ ḅụ kịnị tọrụ-nimi-a ḅọ kịkarị, gbala ḅọrọ ye muarị tẹ agba tẹ ḍin mẹ kịngẹ kẹ sime ḅọ ọkụ.

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 15:14

À mịẹ tẹ ị̀ atomi fịrịmẹnjị ini na fịya-a apụ pịrị ḅa, ịn gbala-gbala amụ anị gboloma ye nimi-a amakiri ḅụ; ị̀ ịganị fịnị kịka tẹ kọrị gbamaso ḅa ẹrẹsị.”

Jerimaya 15:4

À mịẹ tẹ tomikiri ḅẹ apụ mamgba in gotẹ sịḅị kanakana ḅa, Hẹzịkaya owiḅọtụḅọ Manasẹ Juda sịẹ mẹ daarị sakị ḅụ Jeruselemu ḅụ mịẹ ye ẹrẹsị.

Jerimaya 16:5

“Ị́ ịn ḍụẹịn ḍuuarị gbọrụ warị sọ sọ-mu ḅịa. Gbọrụḅọ sọ gotẹ kururuma. À ḅarị jen kẹ ị̀ atomi boma ḅịa, anịanịa ḅẹlẹma na ọkụrụkụrụ na kẹ in ḍie.

Jerimaya 17:4

Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 22:26

À kụrọ-ḅara kẹ ị́yẹrị na í iyingi na kun-so ḅa. Ó mu ḅarị sịẹ mẹ ọmịna ḅụ ḅẹ gbọrụḅọ-sọ anịjụ iyi-a, tẹ ọmịnị maa apụ anịjụ fịị ḅa.

Jerimaya 22:28

À nwẹnị ḅẹẹ, “Ama-da Jehohakịnị ḅe, ọ̀ fị tẹ jongo sọ tẹ ini ọ̀ kẹ wakị nguma tẹ gbọrụḅọ-sọ ḅarị ò ḅii-a? Anie mie in gotẹ ori na ori awọmẹ na kun-so ini anị gboloma gberie-sọ nimi-a amakiri mu ye?”

Jerimaya 5:19

Ini à gotẹ mịna aị ma mịẹ ye gbela sakị, Jerimaya, ịn ḅẹẹ mịnẹ ini ị̀ ḅụụ pịkị-so tẹ fịrịmẹnjị jen asịẹ ḅẹ atamụnọ pịrị ḅara mẹ ịna ḅara kuḅu ḅẹ amakiri ḅụ, anie ịn pịkị fịrịmẹnjị jen asịẹ ḅẹ apụ pịrị ḅarị ḅara ịna nye-a amakiri ḅụ.”

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Ditẹrọnọmị 28:36

“KỊNỊNYANAḄỌ ḅe ọmịnị na, ọmịna amadaḅọ tẹ ọ́ kẹ ọmịna sịḅị-dama ḅọ na ọkị-ḅo gbọrụ opu sịẹ tẹ ọmịnị, anịanịa ọmịna aḍapụ sọ amụ nimi-a sịẹ pịrị ḅa; tẹ anịjụ ọ́ fịrịmẹnjị ịn sịn na, ḍụḅarị na kẹ mịẹ ja oru-atamụnọ pịrị ḅa.

Ditẹrọnọmị 29:28

tẹ KỊNỊNYANAḄỌ ḅe ye ḅụụ-ḅẹsọ na, ḅụụ-sịnịsịnị na, gburo-gburotẹ ịganị na ḅụ ịna ama mẹ ḅụ ịn soku siinm, tẹ ịn kẹ jen ama ḅio gbin koromam, anị mịmgba simearị ḅara.