Jerimaya 16:10 - FỊAFỊA BAỊBỤLỤ

¹⁰ “Í mie mẹmgba ḍuko ịn pịrị sakị, ini í gbela ḅa à gotẹ tọn-pẹlẹ tẹ mị kụrọ-ḅara mẹ kẹ in fomuarị ye. In gbela ḅa ịn mịẹ siye, tẹ ḅẹrẹ ịna ḅara si ye, anie ịn kẹ KỊNỊNYANAḄỌ, ịna Tamụnọ ḅe, mị si.

Jerimaya 16:10 Iomraidhean Croise

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 13:22

Ị́ nwẹnị gbelarị tiye ẹrẹsị mie-mẹmgba ị́ ḅụụ pakarị ḅẹḅẹ — in tiegotẹ ị́ ḅịtẹ kporima tẹ kụrọ-ḅara kẹ ị́ na ye mịẹ ye mẹ — anị gotẹ ọkọ mịẹ yee, í sii ḅalafamam.

Jerimaya 2:23

Ndẹẹ í inetẹ ị́ ị́ ḅụụ pilema-a ḅẹẹ ḅẹ ḅara, mịnẹ jene-jene amụ í Balị tẹkẹ-a? Tụndụ suku mẹ ḅụ ị́ mịẹ siye ḍikii; ị́ mịẹ tẹ ye ẹrịị, Ọfịrị ḅụụ-ḅalaḅalamarị piri-ḅio-ḅẹ ike-sụa-nama ḅe mie ị́ kịkarị, kpọọ-a tẹ mangị ikele-ikelearị,

Jerimaya 2:35

ọ́ ḅẹẹarị: Yẹrị à mịẹ si ofori; piki-pikiye-ofori ḅara ḅụ KỊNỊNYANAḄỌ ḅe ọ̀ ḅarị ì ḍiki-ịganị-a. Yẹrị KỊNỊNYANAḄỌ ḅe ó fomu ḅa ọmịnị ó si mịẹ ye pịkị tẹ ẹrẹsị.

Jerimaya 44:3

ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 5:19

Ini à gotẹ mịna aị ma mịẹ ye gbela sakị, Jerimaya, ịn ḅẹẹ mịnẹ ini ị̀ ḅụụ pịkị-so tẹ fịrịmẹnjị jen asịẹ ḅẹ atamụnọ pịrị ḅara mẹ ịna ḅara kuḅu ḅẹ amakiri ḅụ, anie ịn pịkị fịrịmẹnjị jen asịẹ ḅẹ apụ pịrị ḅarị ḅara ịna nye-a amakiri ḅụ.”

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Hosiya 12:8

Ịn ḅẹẹarị, ‘Wa ye-kọn tẹẹ, wa ye nyana sara tẹẹ. Tẹ gbọrụḅọ-sọ inetẹ wa kịnị-inoma ḅara kẹ ngọ-kọnm ḅẹ ye kẹ wamịna sịḅị-sẹịn ḅịa.’