Jerimaya 15:9 - FỊAFỊA BAỊBỤLỤ

⁹ Amịna sọnọma owiapụ-awọmẹ fama ẹrẹḅọ ma naịn-ḅọrọ tẹ sịngị-ịnyọsararị. Árị eneḅaka bele mẹ pịkị-ḅo ḍin kanakana sọ tẹ; á tọrụ-tuu tẹ á ḅioḅẹngbọ ḅẹ obi kọn-arị. À wẹrịso tẹ si kẹ ọ́ tọn apụ ọmịna ḅụ paa ḍumo wararị apụ ma ḅaa ḅa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 15:9 Iomraidhean Croise

Ayịzaya 47:9

Kụma tọrụ-gbaịn finji ḅụ, kpọkpọ gbọrụ ene ḅụ, ma maaịn mamgba paka ḅa. Í pile ḅarị agba mẹmgba ḅụ sọ, í di na ị́ awọmẹ na paa fịị ḅa.

Jerimaya 19:7

Mịanga ḅụ à Juda na Jeruselemu na ḅẹ apụ ma tọn aị mamgba kẹ papaa aị mịẹ ḅa. À mịẹ tẹ si kẹ ịn tọn apụ ma ịn nẹngịma tẹ ọmụ kiri ḅụ ịn ḅaa ḅa. Àrị ịna oju-akpakpa ma kẹ fịye sọma So-tọrụ ḅẹ afeni na piri-ḅio-ḅẹ anama na pịrị ḅa.

Jerimaya 21:7

Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 44:27

‘Àrị ẹrị ḅa mịnẹ ó lolo ḅịa, kụma ó gulugulu ḅa. Ọmịnị-mgba fịị ḅa, anị ḅọrọ ọmụ ḅio-o, obi ḅụ-o, nwenii ọmịna ḅụ ḅẹ gbọrụḅọ-sọ ḅarị kọọn ḅịa.

Jerimaya 50:12

kụma ini í soku-ḅẹ opu ama mẹ iderima tẹ anị tọrụ-tuu ḅa. Sịẹ-sịẹ mamgba ḅụ Babịlonịya yela-a tẹịn sịẹ sọ ḅa; anị samụnọtẹ minji ofori ịkpa sọ ḅa.

Jerimaya 6:4

Ịn ḅẹẹ ḅa, “Ọ́ tẹlẹma tẹ owu kẹ Jeruselemu pakaa! Ọ́ ḅụụ karakaramaa! Eneḅaka-ogbo ḅụ wa owu mẹ saakị ḅa!” Kụma ịn ḅẹẹ ḅa, “Sakị mẹ ḅụra ḅaka tẹẹ, mịmgba-ḅe-ene faa ḅẹ tẹẹ, tẹ ḅoḅiri-so mẹ pịkị kpiti tọrọkọ muarị.

Jerimaya 7:19

Kụma karakaramatẹ yẹrị mie in ye kẹ mịẹarị aro? Ẹn-ẹn, ịna ḅụụ mie ịn kẹ mịẹarị, tẹ ḅụụ-jịrị dogi-ḅo ḅụụ pịrịarị.

Kururu Owu-apọkọ 1:1

Jeruselemu mẹ tẹ tomi ḅin sime anga mẹ, anị tọ-ḅara kẹ yaụtẹ koro-sime tẹ mọ! Ndẹẹ á ḅo diḅọ-fịtẹ-ẹrẹḅọ sime-ḅara sime tẹ ḅara, árịma tẹ opu asịẹ ogbo ḅio gburo-gburo sime ḅọ ma Árị ma tẹ opu ama ogbo ḅio amadaḅọ tụḅọ sọ sime ḅọ ma, ḅo omoniḅọ sọ tẹẹ.

Kururu Owu-apọkọ 4:10

Ḍiki-ḅụụjịrị nyana kịnị pịrịarị ereme, ini ḅarana iyi awọmẹ kẹ ḅẹlẹ ḅio sụa sọọm ini ḅo ịna fịye sọm ị̀ atomi ma ẹrẹḅọtụḅọ ma fịị mẹ ḅụ.

Izikẹlị 5:12

Ị́ atomi ma kẹ tẹra akiri ḍiya ḅẹ gbọrụ kiri opu ama mẹ ḅio sime tẹ fịị ḅa obi na ḅuru-ḅa na ḅụ kẹ tẹra akiri ḍiya ḅẹ gbọrụ kiri ịn nwẹn kẹ okologie kẹ pẹlẹ sara ḅa opu ama mẹ ḅio ḅụ paka ḅụ; tẹ kunoma gbọrụ kiri mẹ arị ịn gala-galama ḅa fẹrụ ḅio tẹ okologie kẹ in ḍuka ḅa.”

Izikẹlị 5:13

“Ị́ ị̀ ịganị mẹmgba ḅẹ kụrọ da ḅa tẹ anị ị́ ḅụụ ọfịrị nwẹnị ì furo ḅin sakị la ḅa. Mie-mẹmgba pakarị sakị, í ḅo minini ḅa mịnẹ yẹrị, KỊNỊNYANAḄỌ ḅe, ẹkwẹn ị́ pịrị tẹẹ, ị́ ị́ minini ye mịẹ-a ye mẹ ị̀ ịganịma tẹ gotẹ.

1 Samụẹlị 2:5

Inima tẹ nyana furo ḅinma apụ ma, fịye gotẹ ịna aḅụụ kẹ ọkọ fịrị mẹnjị pịrị tẹ, kụma inima tẹ ḅuru-pọkọtarị sime apụ ma, ḅuru-pọkọtarị ḅụ daasịẹ tẹẹ, Furo pụụn tẹ ḅọ ma sọnọma dogi tẹẹ, kụma arị tẹ tọnwa awọmẹ nyana ḅọ ma, sịkị tẹ ḅọ sọ tẹẹ.