Jerimaya 15:7 - FỊAFỊA BAỊBỤLỤ

⁷ Amakiri mẹ ḅụ sime ama goyegoye ḅụ à samụnọtẹ asịra wakị sara ḅara kẹ ọ́ kẹ wakị fẹrụ pịrịm. Ì atomi, àrị ọ́ ḅaa gulugulumam, arị ọmịna ḍọkọḍọkọ-awọmẹ ḅaam ọmịnị ọmịna si etela ma dasịẹma-a ẹrẹsị.

Jerimaya 15:7 Iomraidhean Croise

Devidi-Anume 1:4

Kụma si-mịẹapụ ma gbala-gbala ye anị ḅara kẹ ini na sime-a; ịn kịkarị ye fẹrụ kẹ fiin soarị asịra.

Ayịzaya 41:16

Ị́ arị kẹ So-tọrụ wakị ḅa; fẹrụ mẹ arị kẹ fiin so ḅa, tẹ erise nwẹnị arị gala-galama ḅa. Anịtẹso í ḅioḅẹlẹ ḅa, yẹrị ị́ Tamụnọ ẹrẹsị; í ì tokini ḅa, yẹrị Izirẹlị tẹkẹarị Fịafịa Ḅọ ḅẹ.

Ayịzaya 9:12

Siriya ịrụa mẹ saakịarị anga mẹ ḅụ, tẹ Filisiteni ịrụa mẹ tuuideriarị pakịrị ḅụ, ịna ḅịḅị finjitẹ Izirẹlị sịẹ mẹnị ḅẹ tẹ. Anị sọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Ayịzaya 9:13

Izirẹlịapụ amụ in si ḅụ pịkị-a, KỊNỊNYANAḄỌ ḅe in fomu tẹ sọ, ịn paa pịkịma ọ̀ dama-ḅoa,

Jerimaya 18:21

Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 51:2

À jen sịẹ ḅẹ apụ kẹ fịrịma tẹ in ḅo Babịlonịya guluguluma ḅa, fẹrụ fie ḅo asịra dogi-so ḅara. Gulugulu ene mẹ ḅụ, pakịrị-pakịrị ḅụ mie ini owu mẹ paka ḅarịye tẹ amakiri mẹ gberere tẹ koro-sime ḅa.

Jerimaya 9:21

Fị wamịna ikiḅa-aḅọkọ ḅụ ḅọrọ-so ḅo tẹẹ wamịna amada-awarị ma ḅio sọ; anị wamịna ḍọkọḍọkọ-awọmẹ ma pẹlẹ sara tẹẹ etela-ogbo ma ḅụ asambịrịma owiapụ ma sọ fẹ-siri ma ḅụ.

Izikẹlị 24:21

Mị oku mẹ kẹ ọmịnị Izirẹlịapụ ma pịrị: Ọ́ Tamụnọ-warị mẹ ḅẹ ịnyọ mẹ kẹ ḅụụ-tọn-arị. Anị ḍikiḍiki tẹ mu-mu anị la ọ́ ḅụụ-ḅẹlẹarị, kụma KỊNỊNYANAḄỌ ḅe anị kẹ tọn-tọn-a ḅara wẹrị ḅẹ-yearị. Anịsakị ọmịna asambịrịma apụ ma tẹ warị-warị ḅụ Jeruselemu ḅụ kirikọn-apụ ini ịn ḅaa ḅa ọmụ ḅio.

Izikẹlị 24:25

KỊNỊNYANAḄỌ ḅe ḅẹẹm, “Fịị-fịị tomḅọ, mịọkụ arị ịna ḅara kụrọtẹ Tamụnọ-warị mẹ ọkị-so ḅa anie ịna ḅụụ-tọn na ḍereku na mẹ, in ḍikiḍiki tẹ mu la-la ye mẹ. Tẹ arị ịna owiapụ awọmẹ na eremịna-awọmẹ na ọkị-so ḅa.

Izikẹlị 36:12

Ị̀ atomi Izirẹlị, arị ọ́ kẹ pịkị-ḅo amakiri mẹ anga ḅa anị ọmịna soku-ḅẹ amakiri sọ ḅa, tẹ anị ḅarị gbala-gbala ḍụkụ tẹ ḅuru ọmịna awọmẹ ḅaa ḅịa.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”

Ditẹrọnọmị 28:18

Ọmịna oju ḅẹ mgbọlụ na, ọmịna kiri mẹ ḅẹ sịnmgbọlụ na, ḅo ọmịna opu anama ma ḅụụ sọ ḅarị aị na, ọmịna anana ogbo ma ḅẹ asambịrịma aị ma na, woritẹ ḅara sime ḅa.

Ditẹrọnọmị 28:32

Ini ọmịna owiapụ-awọmẹ na, ọmịna eremịna-awọmẹ na kẹ ja atomi pịrị ḅa ó Bio-bioma ịn ḍikiarị ogbo, anị ọmịna ḅara-ḅio sime kụrọ kẹ ọmịnị anị dasịẹma ḅẹ ḅara sọ paka ḅịa, tẹ bebe ene mẹmgba kẹ ịn nyana ḅẹ koru, tẹ gbarị ḅa.

Ditẹrọnọmị 28:41

Ọmịnị owiapụ-awọmẹ na, eremịna-awọmẹ na iyi ḅa, kụma ịn sime ọ́ pịrị ḅịa; kẹ gotẹ ọkọ ḅẹẹarị, ịn mu kun-ḅara ḅio sọ ḅa.