Jerimaya 15:4 - FỊAFỊA BAỊBỤLỤ

⁴ À mịẹ tẹ tomikiri ḅẹ apụ mamgba in gotẹ sịḅị kanakana ḅa, Hẹzịkaya owiḅọtụḅọ Manasẹ Juda sịẹ mẹ daarị sakị ḅụ Jeruselemu ḅụ mịẹ ye ẹrẹsị.

Jerimaya 15:4 Iomraidhean Croise

2 Amadapụ 21:1

Manasẹ sịḅị oyi maa kụra finji ḅọrọ tẹso, ọ̀ saakị ama-dam, tẹ Jeruselemu ḅụ kụra amesi oyi finji na sọnọa akụra kẹ ama-dam. Ò iyingi ẹrẹ anie Ẹfụziba.

2 Amadapụ 21:15

gbala ini ì ḍiki-tọrụ ḅụ siye mịẹ tẹ ị̀ ịganị sịn-saakịma tẹ, ịna aḍapụ ma Ijiputi ḅụ paka-ḅo ene ḅụ ọkị-ḅo mịmgba la.”

2 Amadapụ 21:2

Ọ̀ KỊNỊNYANAḄỌ ḅe ḍiki-tọrụ ḅụ siye mịẹm, opu asịẹ ma tẹ KỊNỊNYANAḄỌ ḅe Izirẹlịapụ ma tọrọkọ dee pakama apụ ma wẹrịtẹ mịẹ-mịẹ tọn-tọn-aị ma.

2 Paka-aị 33:1

Manasẹ sịḅị oyi maa kụra finji ḅọrọ tẹso, ọ̀ saakị ama-dam, tẹ ọ̀ kụra amesi oyia akụra finji na sọnọ akụra na (55) kẹ Jeruselemu ḅụ ama-dam.

2 Paka-aị 33:2

Ọ̀ KỊNỊNYANAḄỌ ḅe ḍiki-tọrụ ḅụ siye mịẹm, tọn-tọn amịẹaị ma tẹ inima tẹ KỊNỊNYANAḄỌ ḅe Izirẹlịapụ ma tọrọkọ dee pakama opu asịẹ ma sịḅịdapụ ma wẹrịtẹ mịẹ-mịẹ ḅara.

Jerimaya 24:9

Arị ọkị-ḅo ịna ọgọnọ gbana ḅarị opu ḅụụ-fụka mẹ sime ḅarị ḅara gotẹ tomikiri ḅẹ asịẹ mamgba tẹmẹ-naịn-naịn ḅa. Kịnị in kombo tẹ ḅịḅịkpọ-kpọ ịn pịrị ḅa, ịn kẹ kpọọtii-tii tẹ ịna ẹrẹ kẹ siye karị kịnị pịrị ḅa, arị ịn gala-gala mu la ḅarị anga mamgba ḅụ.

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 34:17

Mịẹ ḅụ mịọkụ, yẹrị, KỊNỊNYANAḄỌ ḅe, ḍukoarị mịnẹ ọmịnị ị̀ ḅịḅị-kan tẹ: amụ ḅarana-sịḅị-nyana kẹ ọmịna pembema Izirẹlịapụ ma pịrị-a. Ọkọ ḅẹḅẹ, iḅi lamam, yẹrị ḅarana-sịḅị-nyana kẹ ọ́ pịrị ḅa: ọmụ ḅio fịị ḅarana-sịḅị-nyana, obi na ḅuru-ḅa na. À kẹ ọ́ mịẹ ḅarịye mẹ, kpọma tomikiri ḅẹ sịẹ goyegoye ḅụụ koro ḅa.

Jerimaya 9:16

Sịẹ-sịẹ tẹ ini anịanịa ịna elemu-aḍapụ amụ arị gboloma ye naa-a apụ ogboku ḅụ, arị ịn kẹ gala-galama ḅa, tẹ ọmụ-ogbo-ogbo kẹ ịn fịrịma nwenii tẹ àrị ịn ḅaa guluguluma fama ḅa.”

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Izikẹlị 18:19

“Kụma ó gbelarị: ‘Tiye ẹrẹsị tụḅọ ḅe ọ̀ ḍa asi gotẹ tọrụsiẹrị ḅịa? Anị ḅẹ pakịrị-ḅịḅị anie mie, mịnẹ tụḅọ ḅe kuraye na iḅiye na mịẹm. Ori ì oloko koko tẹ bala ḅara kẹ arị ḍukamẹnjịm, tẹ mie ḅụ karakaraye ò ḍumo ḅa.

Izikẹlị 23:46

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye: “Tomi ogbo kẹ ḅo ịna tẹmẹ-naịn-naịnma tẹ ịna aị fọịn.

Lẹvitikọsị 26:33

Opu asịẹ ma ogbo-ḅio ḅụ arị ọ́ gala-galama ḅa, anịsakị arị okologie mẹ wọrọ tẹ kẹ ó ḍuka ḅa, tẹ ọmịna ama nwẹnị faa, tẹ ọmịna opu ama ma ḅo sara sọ ḅa.

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.

Ditẹrọnọmị 28:64

“Anịsakị KỊNỊNYANAḄỌ ḅe ọ́ gala-galama ḅa tomi-kụlọkụlọ mamgba ogbo-ḅio tomikiri mẹ ḅụ gbọrụ kunoma ḅụ ọkị mu osi kunoma la; tẹ anịjụ ḅụ ọ́ fịrịmẹnjị sịn na ḍụḅarị na kẹ tẹmẹ ja oru-atamụnọ ma pịrị ḅa, arị aị ma tẹ ọmịnị, anịanịa ọmịna aḍapụ sọ nimi-a aị ma.