Jerimaya 15:3 - FỊAFỊA BAỊBỤLỤ

³ Yẹrị, KỊNỊNYANAḄỌ ḅe tọn-pẹlẹ tẹẹ mịnẹ opu ḅalafama aị ịna ḅụ paka ḅa: ini ọmụ ḅio ịn ḅaa ḅa; obiri amẹẹ ịna oju-akpakpa ma fọnọ-so ḅa; feni arị pẹị ḅa, tẹ piri-ḅio-ḅẹ anama kiri kọn aị ma kanị pẹị ḅa.

Jerimaya 15:3 Iomraidhean Croise

Devidi-Anume 68:23

à mịẹ tẹ ọmịnị ịna ọmbie kẹ minji sọma tẹ anị ḅio mẹnjịma, mẹnjịma ḅa, tẹ ọmịna obiri ma in ḅii ḅara, ḅii ḅara kẹ anị mẹnị ḅa.”

Ayịzaya 18:6

Ịna ọmụapụ ma oju akpakpa ma kiri ọgọnọ sara sime feni ma na piri-ḅio-ḅẹ anama na pịrị ḅa. Ịrụa kụra ḅụ feni ma arị pẹị, pẹị tẹ kẹ anga ḅa, tẹ okiringa sakị ḅụ piri-ḅio-ḅẹ anama ma pịkị arị pẹị ḅa.”

Jerimaya 12:9

À sẹlẹ ọkị apụ ma, agụnkwọ amẹẹ pakịrị-pakịrị ḅụ kuun ḅẹ ḍọkịarị feni kịka tẹẹ. Piri-ḅio-ḅẹ anama ma sịịn, in ḅo ini na alalị mẹ fịị!

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 14:16

Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 7:33

Ḍụẹịn ma fịye sọ feni ma na piri-ḅio-ḅẹ anama ma na pịrị ḅa, tẹ feni ma na nama ma na ḅalafama tẹ ịn so ḅẹ ḅọ paka ḅịa.

Kururu Owu-apọkọ 3:11

Ori ì etela ḅụ ị̀ da ḅelema tẹ ị̀ kẹ pakịrị, pakịrị kanị-kọsịmam, ọ̀ mịẹ tẹ ị̀ tọrụ fa tẹ.

Izikẹlị 14:21

Mie anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À si-tẹịn inia fomu-ḅara ma fịrịma mu Jeruselemu ọgọnọ gbana ḅa — ọmụ, ḅuru-ḅa, piri-ḅio-ḅẹ si anama, na obi na — kẹ gbọrụ ḅara kẹ tomi na nama ma na ḅaa.

Izikẹlị 33:27

“Ḍuko ịn pịrị mịnẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ịna ḅeri nụnụarị mịnẹ yẹrị ḍumo wararị Tamụnọ ḅee ẹrẹsị, kaan-saratẹ opu ama ma ḅio angarị apụ ma ini ịn ḅaa ḅa. Piri ọgọnọ-jụ angarị apụ ma piri-ḅio-ḅẹ si anama ịn pẹị ḅa. Tụndụ ma ḅio na fukuru ma ḅio na ḅọị wararị apụ ma, obi ḅụ fịị ḅa.

Lẹvitikọsị 26:16

à miemẹ kẹ ọ́ mịẹ ḅa: à bẹkẹ-ḅara-kẹ tẹmẹ-naịn-naịn na, nyana ye goyegoye ḅara-ḅio fa fama na, tọrụngbọ-pụnma ọfịrị na tọn fịrịma tẹ obi na kururu na ḅụ ḍumo guluguluma ḅa. Anịsakị papaa mie ọmịnị ọmịna sịnmgbọlị ḍiḅi ḅarịye, kẹ gotẹ ọkọ ḅẹẹarị, ọmịnị na fịya-a apụ mie anị fị ḅarịye.

Lẹvitikọsị 26:22

Anịsakị arị ọmịna ogbo-ḅio ḅụ piri-ḅio-ḅẹ anama ma fima ḅa, arị aị ma tẹ ọmịna aḅara ọmịna awọmẹ pụkọ-pụkọ ọkị-ọkị tẹ ọmịna opu anama ma ḅaa-ḅaa tẹ kịẹn-ḅịḅị ḅụ mịẹtẹ ọ́ kịsị ḅarị aị ma; anie mịẹtẹ ọmịna etela ma ḅo fatẹ ḅara sime ḅa.”

Lẹvitikọsị 26:25

Àrị ọmụ ọkị-ḅo ọmịna ọgọnọ gbana ḅa, tẹ gbẹẹfị ḅii ọḅọkụ mẹ pịrị ḅa; tẹ ọ́ nwẹnị ọmịna opu ama ma ḅio kobiri, kobiri, sime, sime arị ama gbaịn obi kẹ ọmịna ogbo-ḅio fịrịma ḅa, tẹ ọmịnị na fịya-a apụ ḅara-ḅio ini ọ́ ḅọrọma suu ḅa.

Emọsị 5:19

Anị kịka ḅarịye tomḅọ ọkụkụ ḅụ mangị-soarị tẹ ḅo tuu na bịamam. Anịanịa anị kịka ḅarịye tomḅọ ḅo warị la tẹ amịna ḅara kẹ warị akaka pono tẹ ododo ọ́ gbọnm!

Ditẹrọnọmị 28:26

Anịsakị ọmịna fịtẹ oju akpakpa ma pẹị-pẹị aị sọ So-tọrụ ḅẹ afeni mamgba na, tomikiri mẹ ḅẹ piri-ḅio-ḅẹ anama ma pịrị ḅa, ịna ḅalafama tẹ ịn dee sin ḅẹ gbọrụḅọ-sọ paka ḅịa.

Ditẹrọnọmị 32:24

Ḅuru-pọkọtarị ḅụ ịn gulugulu ḅa, tẹ ye dọkịmarị ọfịrị na, ama gbaịn kịnị ḅaa obi na ịn guluguluma ḅa; anịsakị à piri-ḅio-ḅẹ anama kẹ fịrịma ịn da-paka ḅa, fọọn ḅio ikiriarị aị ma kịnị ḅaa fịla arị ḅụụ sọ ḅa.

Mịẹfinji 6:8

À ḍiki tẹ bosolo ḅara sime asụ ẹrịm. Ori ọgọnọ kpọlị ḅọ ḅe ẹrẹ Fị, tẹ Ḍuḅu ḅio nwẹn-sịn ḅọ ḅe ò pono tẹ ḅoarị, ori ọḅụjụ ḅụ. Ịn kụrọ kẹ ịn pịrịm ịn kẹ tomikiri mẹ kẹ inia akiri ḍiya ḅẹ gbọrụ kiri ḅaa, ọmụ ḅụ na, ḅuru-ḅa ḅụ na, obi ḅụ na, pịkị piri-ḅio-ḅẹ si anama na ḅụ.