Jerimaya 15:21 - FỊAFỊA BAỊBỤLỤ

²¹ Si-sịḅịḅio-sụa tẹ kụrọ-kụrọ ḅara mịẹarị atomi ma ḅara-ḅio arị ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 15:21 Iomraidhean Croise

Suku-saakị 48:16

Enjẹlị ḅe tẹ si-aị mamgba ḅụ ị̀ ḍụa-ḅọrọma ḅọ ḅe, ḍọkọḍọkọ-awọmẹ ma bomaa! anịsakị inima ḅụụ ḅụ ị̀ ẹrẹ na, ị̀ aḍapụ Ebira-amụ na, Ayịzịkị na ẹrẹ, ḍumo-sime gbamaso! Anịsakị yee ịn ḍụḅa ḅo inweni-ogbo sọ tomikiri mẹ ḅẹ ogboku ḅụ.

Devidi-Anume 27:2

Si atomi ì gbori tẹ ị̀ ḅaa ḅẹ ḍọkị sakị, ini rẹ pụmbụ tẹ ḅịkịm.

Devidi-Anume 37:40

Ọ̀ ḅarasụa ịn pịrị tẹ ịn pụkọ-pakamaḅoarị; si-sịḅịḅio-sụapụ ḅara-ḅio ori ịn ḅọrọmarị, in mu-mu tẹ ori ịn gbaịn-arị ẹrẹsị.

Devidi-Anume 97:10

KỊNỊNYANAḄỌ ḅe siye ḍiki-ḅioḅuarị apụ ma ḅẹlẹmarị; ori ori atomi ma aḍumo gbaịn-arị; ò si-sịḅịḅio-sụapụ ma kụrọ aḅara-ḅio ịn pụkọ-pakamaḅoarị.

Ayịzaya 29:20

Anị nwẹnị ja apụ ponomarị tẹ Tamụnọ ḍiki iderimarị apụ kunoma sọ ḅa. Tamụnọ si-mịẹḅọ goḅọ-goḅọ ḅaa sin ḅa.

Ayịzaya 29:5

Jeruselemu!, kịnị tọrụ nimi-a apụ tẹ owu kẹ ị́ pakarị apụ mamgba ini ịna ofuro siin ḅa, fẹrụ fọọn ofuro siin ḅara pembe ḅara, tẹ ịna ọmụ-ogbo-ogbo ma tẹ tẹmẹ-naịn-naịnmarị aị ma fẹrụ asịra dogi so ḅara kẹ fiin-so ḅa. Anị-gbọrụ-kirikiri, gbọrụḅọ-sọ kuroma-a ḅara ḅụ,

Ayịzaya 49:26

À mịẹ tẹ í ponomarị apụ ma jụmọ-jụmọ ḅaa ḅa; kịnị-ḅa na owi ịganị na iru tọrụ-ḅaaḅaa ḅara kẹ ịna tọrụ ḅaa ḅa. Anịtẹso tomi mamgba nimi ḅa mịnẹ yẹrị anie KỊNỊNYANAḄỌ ḅe, ị́ ḅọrọma tẹ ị́ kẹ ị́ sịḅị ḅẹ tomḅọ mịẹarị ḅọ ḅe. In nimi ḅa mịnẹ yẹrị anie Izirẹlị kụrọtẹ Tamụnọ.

Ayịzaya 54:17

Kụma inetẹ ye kẹ ị́ lama ḅẹ ọmụ ye ofori; ḅẹrẹ kẹ ị́ sịḅị-sẹịnḅọ-sẹịnḅọ ị́ ị́ kẹ mḅọ pakịrị ḅẹ ye nyana ḅa. Àrị ị̀ afịrịmẹnjịapụ ma ḍụa tẹ owu-ḅara-iḅi kẹ ịn pịrị ḅa.” KỊNỊNYANAḄỌ ḅe ọkọ ḅẹẹm.

Ayịzaya 60:16

Sịẹ-sịẹ na amadapụ na í ḍikiḍiki ḅa Gbala iyingiḅọ amịna tụḅọ ḍikiḍikiarị ye ọkụ. Í nimi ḅa mịnẹ yẹrị KỊNỊNYANAḄỌ ḅe ị́ ḅọrọma tẹ, Mịnẹ Izirẹlị opu kụrọ Tamụnọ ḅe omoni ḅara ḅio ị́ pakama-ḅo tẹ.

Jerimaya 16:1

KỊNỊNYANAḄỌ ḅe siin ẹkwẹn ị́ pịrị tẹ ḅẹẹm,

Jerimaya 20:13

Nume su KỊNỊNYANAḄỌ ḅe pịrịị! KỊNỊNYANAḄỌ ḅe tokinii! Ori anie si-mịẹapụ kụrọ ḅara-ḅio in ponomarị apụ ma pụkọ-pakamaḅoarị.

Jerimaya 26:24

Kụma yẹrị, Ahikamụ, Safani tụḅọ ḅe, ị́ jụ emi ẹrẹsị in ị̀ saḅama tomi ma pịrị tẹ ini ị̀ ḅaa-a.

Jerimaya 31:11

Arị Izirẹlịapụ mịẹ tẹ ini ịna sịḅị atomi sọ tẹ, arị ịn ḅọrọma tẹ opu kụrọ nyana sịẹ ḅara ḅio ḅụ.

Jerimaya 38:28

Tẹ ini ị̀ kẹ amadaḅọ ḅẹrẹ-siri onu mẹ ḅio wẹrị nwenii ịn Jeruselemu ọkị sakị lam.

Jerimaya 39:11

Ama-da Nebukadineza miemẹ tọn Nebuzaradanị, ḅẹrẹtọn ọmụ-ogbo mẹ pịrịarị ọmụ-alaḅọ ḅe pịrịm:

Jerimaya 39:12

“Mu tẹ Jerimaya ḍọkị ẹrị tẹ iḅiọkụma ò ḍikiḍikii. Ye kẹ ọ̀ lama ma, kụma ò ḅii-ye ḅii-ye mịẹ ọ̀ pịrịị.”

Jerimaya 50:34

Kụma ịn pụkọ-pakamaḅo ḅarị ḅọ ḅe kụrọ ḅọ — ori ẹrẹ anie Kụrọmamgba nyana KỊNỊNYANAḄỌ ḅe. Ò ḅioju ịna ḅẹrẹ saakị ọkị tẹ kẹ amịna nye sọma ḅa, pịkị dein ọkị-ḅo ḅa tomikiri ḅụ, kụma ọ̀ ḅụụ-fụka kẹ Babịlonịya ḅẹ apụ pịrị ḅa.”

Danẹlị 3:17

Wa fịrịmẹnjị pịrịarị Tamụnọ ḅe inetẹ orumo fịnị kọrị ḅara kọrịarị fịnị mẹ ḅio na ị́ kụrọ ḅụ na wa ḅọrọma ḅa ḅẹḅẹ, ọ̀ mịẹ ḅa.

Danẹlị 3:25

Ò gbelam, “Anịtẹso tiye ẹrẹsị arị inia owiapụ ẹrịarị ịn fịnị mẹ ḅio mẹnjịma-mẹnjịmarị? Ịn fịna-a, tẹ ịn gbọrụ elekima sọ ḍie-pakama-a mịnẹ ịn dọkịarị — tẹ ini karama ḅọ ḅe Tamụnọ Tụḅọ kịkarị.”

Matiyo 6:13

Ḍụkụ tẹ wa mu kụrọtẹ daaḍiki ḅio sọma, kụma Si-ḅọ ḅe ḅara-ḅio wa ḍụa pakama-ḅo.”

Romu 16:20

Tamụnọ, wamịna dein ḅụụ ḅụ sime tẹ ḅoarị ḅọ ḅe, ala-a sakị ḅụ Ekwesu fomu gbin tẹ ọmịnị ọ̀ nanga ḅọrọ ḅa. Wa Nyanaḅọ Jizọsị Kịrayịsị ḍiki-ḅụụjịrị na ọmịnị na simee.

2 Kọrịntị 1:10

Ọkọ sime opu ḅalafama fịị ḅio mie ọ̀ wa ḅọrọma ye, tẹ ọ̀ pịkị wa ḅọrọma ḅa; wa pịkị ọ̀ kẹ ḅiokpọma wararị mịnẹ ọ̀ pịkị jen kẹ wa ḅọrọma ḅa,