Jerimaya 15:19 - FỊAFỊA BAỊBỤLỤ

¹⁹ Miemẹ KỊNỊNYANAḄỌ ḅe pakịrịm, “Ị́ pịkị-ḅo ḅẹḅẹ, à siin ị́ ọkị ḅa, tẹ ị́ pịkị siin ị̀ fịrịmẹnjịḅọ sọ ḅa. Ị́ nwẹnị nimi ofori ẹkwẹn kọn-a tẹ kọn na-iḅi ẹkwẹn kọn-arị ḅẹḅẹ, í siin ị̀ ịkịankoroḅọ sọ ḅa. Tomi ma pịkị ị́ dama-ḅo ḅa, anịsakị ị́yẹrị rẹ gotẹ ịn dama-mu mu ye ofori.

Jerimaya 15:19 Iomraidhean Croise

1 Amadapụ 17:1

Mị sakị ḅụ Tisibi ḅẹ Ịlayịja, Gilẹdị ḅụ sime ḅọ ḅe nwẹnị Ehabụ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe ḍumo wararị ogbo, ori ḅe tẹ à fịrịmẹnjị pịrịarị ḅọ ḅe, à ḍuko-a sime ogbo, mịna akụra ma ḅụ igirigi anịanịa eene koro ḅịa.”

Paka-so 4:12

Anịẹrẹsị mịọkụ muu, anịsakị arị ị́ ḅịḅị mẹ na sime ḅa, tẹ ị́ kọn ḅẹ ẹkwẹn kẹ í toluma ḅa.”

Egberima-Ẹkwẹn 22:29

Iḅi ḅara kẹ kọrịnama kọrịarị gbọrụ tomḅọ kẹ ì ḍie, tẹ arị iḅi tọnwa-apụ nẹngị tẹ amadapụ ogboku sime gbẹẹ ḅọ kẹ í ḍie ḅa.

Jerimaya 1:9

Anịtẹso KỊNỊNYANAḄỌ ọ̀ ḅara sụn-pakama tẹ ḅara-tụngbalị kẹ ị̀ ḅịḅị apakịrị lama tẹ ị̀ ḅẹẹm, “Pokii, arị í ḍuko-koroma ḅarị ẹkwẹn ma kẹ ị́ pịrịarị.

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 35:19

Mie ḅụ, Yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, mininitẹ mịnẹ Jonadabụ, Rekabụ tụḅọ ḅe sakị mamgba ò furo ḅẹ owiḅọ nyana tẹ fịrịmẹnjị ị̀ pịrị ḅa.”

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Jerimaya 6:29

Ye tẹlẹma opu fịnị mẹ iḅiọkụ kọrịarị, kụma ye-ḅụ-sọ-a aị ma sanị-a tẹ papaa dọkị soarị. Anị ye ḅụ sọ-a ye, ì atomi mịẹ-fịafịama mịẹ ye mẹ mịẹ tọrọkọ-tọrọkọ mu, si-mịẹapụ ma amụ ini ịn saakị sin-a ẹrẹsị.

Kururu Owu-apọkọ 1:11

Árị atomi mamgba iningim ịn wẹrịtẹ fịye ḍọkị fị ḅẹ ḅara; kẹ mịẹ tẹ ini ịnyọ nyana ḅụ, ini ịna ngọ kẹ fịye ḍima-ḍima fịm. “Yei KỊNỊNYANAḄỌ, ḍikii, tẹ ẹrịị, gbala in ì ḍiki-sima tẹ ẹrẹsị.”

Izikẹlị 2:7

À ḍuko ị́ pịrịye pịrịye í ḍuko ịn pịrị ḅa, in poki-o, in poki-a-o. Ini kọngọ-kụrọma-apụ mẹ kẹ ḅiokoroma.

Izikẹlị 22:26

Agbamịẹapụ ma ì oloko kan-arị, tẹ kụn nyana fịafịa ye nwẹn-sịn ye pịrị-a. Ịn kịrị mịẹ-a tọn-tọnye na tọn-tọn-a ye na ogboku. Fịafịa ye na fịafịa-a ye na ḅẹ kịrị in toluma-a, ịn pịkị Ịnyọsara-Ene mẹ ḍiki-tọrụsin-arị. Ma ma dogi-ḅo ye anie Izirẹlịapụ ma ḅarị ị̀ mangịma-a.

Izikẹlị 44:23

“Agbamịẹapụ ma ye kẹ ị̀ atomi toluma tẹ ịn fịafịa ye na fịafịa-a ye na ogboku simearị kịrị nimi, pịkị Tamụnọ tẹkẹ mịẹ-mịẹ ḅụ fịafịa ye na fịafịa-a ye na.

Lẹvitikọsị 10:10

Sime Tamụnọ Mịẹye pịrị ye ọ́ nwẹn lekiri ḅa, juatẹ sime inweni-mgba pịrị ye ḅụ; pịkị ama anga anga ḅara ḅụ fịafịa-a ye, na fịafịa ye na.

Lẹvitikọsị 14:57

kẹ anị fịafịa-a sakị na, anị fịafịa wararị sakị na ḍie-pakama. Miemẹ anie sime sofịnị-obi pịrị oloko mẹ.”

Jona 3:2

Ori mẹẹ, “Saakịị! Fọnya Ninive muu! anị ḍụḅatẹ opu ama mẹ, tẹ ḍuko wasama tomi ma pịrịị, à kẹ ị́ fịrịma tẹ oku mẹ.”

Zẹkaraya 3:7

Kụrọmamgba nyana KỊNỊNYANAḄỌ ḅe ḍuko tẹ, “Ị́ ị̀ ḅịḅị poki tẹ ì oloko ma na ị́ mẹnjị ḅẹ tẹ à tọn ị́ pịrị afịrị ma na mịẹarị ḅẹḅẹ, anị sakị rẹ mie í sime tọrọkọ mu tẹ ị̀ Warị mẹ na anị ḅẹ ogigo ma na daarị ḅọ sọ ḅarịye, tẹ arị ị́ atẹkẹ naa ḅa, arị ị̀ tọrọkọ sịẹarị enjẹlị ma atẹkẹ naarị gbọrụ ḅara mẹ.

Luku 1:19

Enjẹlị ḅe nwẹnị pakịrị, “Yẹrị enjẹlị Gebịrẹlị, tẹ sakị mamgba Tamụnọ tọrọkọ sịẹarị ḅọ ḅe, ori anie ị̀ fịrịma ye mịnẹ à ḅo mị iḅi oku mẹ ḍuko ị́ pịrị.

Luku 10:16

Jizọsị nwẹnị ò ḍukamẹnjịapụ ma ḅẹẹ, “Ó ḍuko ye naa ḅọ, naa ḅọ à ḍuko ye naa tẹ; ọ́ sịkị ḅọ, sịkị ḅọ ị̀ sịkị tẹ; ị̀ sịkị ḅọ, sịkị ḅọ pịkị ị̀ kẹ fịrịma ḅọ ḅe sịkị tẹ.”

Luku 12:12

Kẹ gotẹ ọkọ ḍukoarị, Fịafịa Tẹmẹ ḅe ó ḍuko ḅẹ ye kẹ ó toluma ḅa sakị mẹ laa sakị.”

Luku 21:15

gbala ẹkwẹn-aḅịḅị na nimi na tẹ yẹrị kẹ ọ́ pịrị ḅarịye mẹ ḅụ si kẹ ọ́ tọn apụ ma inetẹ ọmịna kuḅu sịẹ ḅịa.

Luku 21:36

Sakị mamgba ọmịnị ẹbị tẹ tẹkẹẹ, ọmịnị ịnyọ nyana tẹ paka ḅe aị mamgba da-tolu tẹ ḅo Tomḅọ Tụḅọ ḅe tọrọkọ sịẹ ḅarị ḅara.”

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.

2 Kọrịntị 5:16

Ọkọẹrẹsị, wa ḅarị jen kẹ tomina tọrụ kẹ gbọrụḅọ-sọ ḍiki tẹ kọn ḅịa. Karakaraye gbọrụ sakị wa tomina tọrụ kẹ Kịrayịsị ḍiki tẹ ọ̀ kọn tẹ nwẹn ḅẹẹ sọ, wa ḅarị jen kẹ ọkọ mịẹ-a.

Galesiya 1:10

Miemẹ à kẹ tomina tọrọkọ iḅi ọkị ḅẹ ḍọkịarị ye kịkarị ḅoto ọmịna ḅụụ? Gbala-gbala ọkọ-a! Tamụnọ ḅụụ-ḅẹlẹ ḅẹ ye mie à ḍọkịarị! À tomi kẹ ị̀ kẹ iḅi ḅọ sịn ḅẹ ye ḍọkịarị aro? À nwẹnị ọkọ sime ye mịẹ ḅẹ ḍọkịarị ḅẹḅẹ, anie à ḅarị Kịrayịsị fịrịmẹnjịḅọ sọ-a.

Galesiya 2:5

kụma mịẹtẹ iḅi-oku mẹ ḅẹ karakara mẹ kpaịn sime ọ́ pịrị ḅẹ ḅara, wa gbọrụ ḅọkọ kalịye sọ fooma ịn pịrị-a, boowa sakị kalịye kịngẹ sọ.

Hiburu 5:14

Osi pakịrị anga kẹ anị ḍiki kụma, kụrọtẹ fịye mẹ sime ḍụḅa paka-ḅo tomi la tẹ apụ pịrịm, anie sakị mamgba anị mịẹ ḅụ inetẹ iḅi na si na ḅẹ kịrị lekiri ḅẹ apụ.

Judu 1:24

Ori tẹ inetẹ ọmịnị ọlọ-sịẹma tẹ ọ́ ḅarị ḅịkị ḅịa ḅọ ḅe, tẹ pịkị ḅụụ ḅụ ḅẹẹ, ḅẹẹ ye ofori ḅara na ḍereku na ḅụ ọmịnị ọkị-ḅo ori ebube tọrọkọ la ḅarị ḅọ ḅe,