Jerimaya 15:18 - FỊAFỊA BAỊBỤLỤ

¹⁸ Tiye ẹrẹsị à paa tọrụsiẹrị-siẹrị-siẹrịarị? Tiye ẹrẹsị ị̀ ịnọ ma ḅarị gwọ ḅịa ḅara simearị? Arị tiegotẹ gwọ ḅịa? Í ì pikirima ḅẹ ḅiiarị ḅoto, tẹ àrị ịrụa kụra ḅẹ ḍaḅa kịka tẹ samụnọ-kpakịkịarị?

Jerimaya 15:18 Iomraidhean Croise

Jobu 14:11

Minji ḍaḅa ḅio fa kpalịkpalị ḅara, anịsakị puu mu tọrụ koroarị minji kụlụkụlụ tẹ samụnọ ḅara

Jobu 34:6

sime ị̀ pịrị karakara mẹ nakara, ini ị̀ kẹ iruoḅọ kịẹn tẹẹ; oloko kan-a ḅara ḅụ ị̀ la ye mẹ sọ, gwọ gwọ-a ye sọ tẹẹ.’

Devidi-Anume 6:3

tẹ ị̀ ḅụụ mamgba opu ḅụụ-fụka ḅio emi. Yei KỊNỊNYANAḄỌ, í koru mu tọ-sakị la tẹrẹmẹ ḅarasụa ị̀ pịrị ḅẹ?

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 14:3

Ngọ-kọnapụ ma minji gotẹ tẹ ịna afịrịmẹnjịapụ fịrịma-pakamarị; ini ama minji koko ayọ ma muarị, kụma in minji ẹrị-a; ini ịna ye ofori ajongo ma kẹ pịkị-ḅoarị. Ḅioḅẹngbọ-ḅịkị na pikiri na ḅụ ini ịna atọrụ ḅọịarị.

Jerimaya 20:18

Tiye ẹrẹsị àrị iyi? Ḅụụ-fụka na kururu na nyana kịngẹ mụnọọ, tẹ tọrụ-tuu kẹ ì ḍumo kunoma?

Jerimaya 20:7

KỊNỊNYANAḄỌ, í oḅori kẹ ị̀ sịn tẹẹ, àrị oḅori-sọ tẹẹ Ị́yẹrị kụrọ ị̀ nẹngị wararị tẹ ị́ kụrọ kẹ ị̀ nẹngịma tẹẹ. Ḅẹḅọ-ḅẹḅọ ì sulearị; Bebe ene mẹ ḅụ ini ì komboarị.

Jerimaya 30:12

KỊNỊNYANAḄỌ ḅe ori atomi ḅẹẹarị: Ọmịna ịnọ ma gwọ-gwọ ọkụ ofori, Ọ́ la aị ma inetẹ ḅịya ḅịa.

Jerimaya 30:15

Ọ́ ḅarị jen kẹ ọ́ la aị gotẹ ḍuko-sụa ma; ọ́ gwọ ḅẹ ye ofori. À mị-ḅara kẹ fomu-ḅara kẹ ọ́ pịrịm ọmịna asi ḅakam ẹrẹsị; ọmịna si-sịḅịḅio sọ ḍụḅam.

Mayịka 1:14

Anịẹrẹsị mịọkụ Juda ḅẹ apụ, ọ́ ḅaaḅaa kẹ Gati ḅẹ Morẹsẹtị ama mẹ ḅẹẹ; Akizibu ḅẹ awarị ma oḅori kẹ Izirẹlị ḅẹ amadapụ ma sịn aị sọ ḅa.

Mayịka 1:9

Sameriya ḅụụ paka ịnọ mẹ gwọ ọkụ ofori; tẹ anị pịkị ḅo Juda la tẹ, fịị mẹ ḅo Jeruselemu ogigo-ḅọkọ mẹ ḅioju la tẹ, ị̀ atomi simearị anga mẹ.”