Jerimaya 15:15 - FỊAFỊA BAỊBỤLỤ

¹⁵ Anịtẹso à ḅẹẹm, KỊNỊNYANAḄỌ, ị́yẹrị ye sime-ḅara nimi wararị. Ị̀ kẹ ḅiokoroma tẹ ḅarasụa ị̀ pịrị. Minini ị̀ pịrị tẹ à ḅaa-ḅọkọ kẹ ị̀ ḍọkịarị apụ ma gbẹẹfị ḅii. Gbọsime ịn pịrị nwenii tẹ ini ị̀ ḅaa ma. Kẹ ḅiokoroma mịnẹ ị́ sịḅị mie in gotẹ ị̀ mịẹ-simarị.

Jerimaya 15:15 Iomraidhean Croise

Nehimaya 13:22

À nwẹnị tọn Livayị furo-ḅẹ-apụ ma pịrị mịnẹ ini ịna aḅụụ mie fịafịama tẹ ḅo Ogigo-aḅọkọ ma ḍikiḍiki, kẹ Ịnyọsara-Ene mẹ wẹrị fịafịama. Í ḍiki-ḅụụjịrị ḅụ miemẹ sọ kẹ ḅiokoromaa, yei ị̀ Tamụnọ, tẹ fomu-ḅara wẹrịso ị̀ pịrịị í gburo-gburotẹ jike-a ḅẹlẹma mẹ wẹrịtẹ sime-ḅara ḅụ.

Nehimaya 13:31

À pịkị sakị sakị ḅụ tọn wararị fịnị agba mẹ na, tarị asịnmgbọlụ ma na mie ḅẹ ḅara kẹ ọrụtọn tẹ. Iḅi kẹ ị̀ kẹ ḅiokoromaa, yei ị̀ Tamụnọ.

Nehimaya 5:19

Yei ị̀ Tamụnọ, à mịẹ mịna apụ ma pịrị tẹ ye mẹmgba kẹ ị̀ iḅi gotẹ ḅiokoroma.

Nehimaya 6:14

Yei ị̀ Tamụnọ, Tobaya na, Sanịbalatị na kẹ ḅiokoroma ịn wẹrịtẹ ma aị ma tẹ ịn mịẹ aị ma mịẹ ḅara, na pịkị Nohadiya ịkịankoro-ẹrẹḅọ ma tẹ mịẹtẹ à ḅalafaa ḅẹ ḅii ḅọ ma na.

Jobu 10:7

í nimi wararị sọ, mịnẹ à mịẹ-irima ye ofori, anịsakị ị́ ḅara ḅụ kịnị ḍụa-ḅọrọma ḅẹ ḅọ ofori?

Devidi-Anume 102:24

Yei Tamụnọ, mịọkụ ì ḍumo sịn ọkị ma, amụ arị omongi-a ogbo. Yei KỊNỊNYANAḄỌ, ị́yẹrị í ḍumo mu ḅẹẹ-sakị ḅẹẹ-sakị laarị;

Devidi-Anume 106:4

KỊNỊNYANAḄỌ, ị̀ kẹ ḅiokoroma ị́ Ḅarasụa ị́ atomi pịrịarị sakị; ị́ ịn ḅọrọmarị sakị ị̀ kẹ sụa.

Devidi-Anume 119:84

À paa koru mu tọ-sakị la ḅẹ? Tọ-sakị la sakị í fomu-ḅara kẹ ị̀ ḅaa ḅẹ ḍọkịarị apụ ma pịrị ḅẹ?

Devidi-Anume 17:3

Ị́ ì ḅioḅẹngbọ nimi wararị. Ị́ ị̀ dama-ḅo tẹ ḍin ḅụ: í ì pekele-ḍiki fama tẹ tẹ à mịẹ ḅẹ-ḅiiarị siye tẹ ị́ ḍọkị-ẹrị ye ofori ị̀ ḅụụ ḅio.

Devidi-Anume 39:13

Ị̀ wẹrịso à koro-sime, tẹ kẹlẹ ḅioḅẹlẹ nyana: tẹrẹmẹ à mị yọ ḅụ so tẹ ḅarị ofori sakị la.

Devidi-Anume 44:22

Kụma ị́ sịḅị mie in gotẹ sakị mamgba wa ḅaarị ye, mie in gotẹ ḅaa ḅẹ anana mịẹ ḅara kẹ wa mịẹarị ye.

Ayịzaya 38:3

“KỊNỊNYANAḄỌ, kẹ ḅiokoromaa, mịnẹ à ḅioḅẹngbọ-kẹ-sịrẹrẹ-niḅi ḅara na sịḅị-tuu ị́ pịrị ḅara na kẹ fịrịmẹnjị ị́ pịrị tẹẹ, à pịkị sakị mamgba ḅụụkụrọma tẹ í ḅiim à mịẹ ḅẹ ye mịẹm.” Tẹ ọ̀ nwẹnị saakị ḅioḅẹngbọ-si ḅara kẹ owu lama.

Jerimaya 12:3

Kụma, KỊNỊNYANAḄỌ, í ì nimi wararị, ị́ à mịẹarị ye ẹrịarị, pịkị àrị ị́ ḅẹlẹmarị ḅara sọ. Mịna si-mịẹapụ ma fọnọ soo, kẹ mu ḅaa ḅẹ anana ọkụ; Tọrụ kẹ ịna ḅụ wẹrị nwenii ini ịn ḅaa ḅẹ sakị la.

Jerimaya 15:10

À kpọma ḅioḅẹlẹ nyana-a tomḅọ sọ la ḅara ḍikii! Tiye ẹrẹsị ì iyingi ì iyi pakama-ḅo tomikiri ḅụ? À sime kamụ-sọ na ḅẹḅọ-ḅẹḅọ na ye-nụnụa na pịrịm amakiri mẹ ḅio. Amụ arị igbigi kẹ kịnị ḅọlọ-a, tẹ kịnị pịkị amụ ị̀ ḅara ḅọlọ-a; anịsọ ḅẹḅọ-ḅẹḅọ ị̀ kẹ gboarị.

Jerimaya 15:20

Àrị ị́ kẹ kụrọtẹ ojo warị-akaka mịẹ ḅa ịna ḅụụ ḅụ. Ini owu kẹ ị́ na sọ ḅa, kụma ini ị́ nẹngịma ḅịa. Àrị ị́ na sime tẹ ị́ gbaịn wẹrị tẹ ye ị́ la ḅịa.

Jerimaya 17:16

Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.

Jerimaya 18:23

Kụma KỊNỊNYANAḄỌ, ini ị̀ ḅaa ḅẹ gotẹ ḅiya aḅẹrẹ mamgba í nimi wararị. Ịna si mẹ kẹ ḅioḅọrọma ma anịanịa ịna si-wẹrịso. Ịn kẹ kiri gbin owu-ḅara-sii ḅụ, tẹ ị́ ịganịarị ogbo ị́ kẹ ini na mịẹ ḅẹ ḅara kẹ ini na mịẹẹ.”

Jerimaya 20:11

Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.

Jerimaya 20:12

Kụma, Kụrọmamgba nyana KỊNỊNYANAḄỌ, kura ḅara mie ị́ kẹ tomi daaḍikiarị; ịna aḅioḅẹngbọ na ịna akuroma ma na ḅio sime ye, í nimi wararị. Mie ḅụ yee àrị ị́ ẹrị mịnẹ í si kẹ ị̀ tọn apụ ma ḅara ḅụ ị̀ gbẹẹfị ḅiiarị, kẹ gotẹ ọkọ ḍukoarị, àrị ị̀ ḅẹrẹ kẹ ị́ aḅara-ḅio sụa wararị.

Jerimaya 20:8

Àrị ẹkwẹn anga ẹkwẹn anga, àrị owu pakama tẹ oloku nyanam, “Kụrọ-kụrọ! Ḅaa-guluguluma!” KỊNỊNYANAḄỌ, sakị mamgba ini ị̀ kẹ papaa ḅara mịẹ tẹ ì ḍiki-iderimarị arị í oku mẹ ḍuko wasamarị ẹrẹsị.

Kururu Owu-apọkọ 3:64

Yei KỊNỊNYANAḄỌ, ị́yẹrị ịna aḅara ḅẹ kọrịnama sime-ḅara ḍiki ịn gbẹẹ ḅa.

Kururu Owu-apọkọ 3:66

Yei KỊNỊNYANAḄỌ, í so mẹ suku-ḅio ḅụ ịganị ḅụ in ḍuka tẹ ịn ḅaa ḅa.

Matiyo 10:22

Ị̀ sịḅị ẹrẹsị ḅẹḅọ-ḅẹḅọ ó ḍiki-ḅioḅu ḅa. Kụma inema nwenii mu kunoma la ḅọ mẹ ḅọrọma ḅa.

Matiyo 19:29

Tẹ ḅẹḅọ-ḅẹḅọ tẹ amịna awarị, anịanịa owiapụ-amịnapụ, anịanịa eremịna amịnapụ, anịanịa ḍaḅọ, anịanịa iyingiḅọ, anịanịa awọ, anịanịa amịna akiri wẹrịso tẹ ì ḍukamẹnjịḅọ, arịḅẹ kiri sọnọa si nẹngị ye nyana ḅa, tẹ Tamụnọ pịkị sime gbamaso ḍumo kẹ mḅọ pịrị ḅa.

Luku 21:17

Ì gotẹ ḅẹḅọ-ḅẹḅọ ó ḍiki ḅioḅu ḅa.

Romu 12:19

Ì ikiapụ, ọ́ gbẹẹfị ḅii ma, kụma anie nakara ọ́ wẹrịso Tamụnọ pịrị tẹ ori ḍiki tẹ ḅii. Kẹ gotẹ ọkọ ḅẹẹarị, Fịafịa Ḍiri mẹ ḅẹẹm, “À gbẹẹfị ḅii ḅa, à gbẹẹ gbasịma ḅa, KỊNỊNYANAḄỌ ḅe ọkọ ḅẹẹm.”

Romu 8:35

Anị kụma tụḅọ inetẹ Kịrayịsị ḅẹlẹma mẹ ḅụ wa puu sikima ḅẹ? Ḅụụ-fụka inetẹ ḅẹ mụnọọ, kụrọ-kụrọ mụnọọ, ḅaa-ḅọkọ kẹ wa ḍọkị mụnọọ, ḅuru pọkọ tarị mụnọọ, igoin mụnọọ, ḅalafama asi-aị mụnọọ, fịị mụnọọ?

2 Kọrịntị 5:11

Wa KỊNỊNYANAḄỌ ḅe mangịma mẹ fiearị ye nimi wararị, ọkọẹrẹsị wa ḅụụkụrọma tẹ ja apụ daa-karakaramarị. Tamụnọ wamịna ḅụ nimi kọnma ye ofori, tẹ à ḅiokpọ wararị mịnẹ ọmịna aḅioḅẹngbọ ḅụ sọ ọmịnị ì nimi wararị.

2 Timoti 4:14

Alẹkịzanịda, kọpa (anie alapẹlẹa) tẹmẹḅọ ḅe kẹ ị̀ mịẹ siye ḅakam; KỊNỊNYANAḄỌ ḅe ọ̀ mịẹ ḅara ḍiki tẹ gbẹẹ-ye kẹ ọ̀ pịrị ḅa.

Mịẹfinji 18:20

So, ḅioḅẹlẹẹ, á fa tẹ ye mẹ gotẹ! Ọmịnị Tamụnọ atomi na, fịrịmẹnjịapụ na, ịkịankoroapụ na, ó ḅioḅẹlẹẹ! Kẹ gotẹ ọkọ ḍukoarị, Tamụnọ á kẹ ọ́ mịẹ-aị ma ḅẹ ḅẹrẹ pẹlẹ á ḅara sima tẹ!

Mịẹfinji 6:10

Ịn nwẹnị gele pọkọ kẹ oloku tẹ ḅẹẹ, “Kụrọmamgba nyana KỊNỊNYANAḄỌ, fịafịa pịkị karakaraḅọ, tomikiri ḅẹ atomi ma kẹ wa ḅaa ye mẹ kẹ ịn kọn tẹ fomu-ḅara kẹ ịn pịrị mẹ ị́ kẹ wẹrị alama mu tọ-sakị la ḅẹ?”

Ḅẹrẹkọn-apụ 16:28

Anịtẹso Samụsịnị nwẹnị KỊNỊNYANAḄỌ ḅe sịn tẹ ḅẹẹ, “yei KỊNỊNYANA-TAMỤNỌ, àrị ị́ tẹkẹm, ị̀ kẹ ḅiokoromaa, tẹ ịnyọ kẹ ị̀ ḅụụ sụa, mị kpọkpọ gbọrụ sakị mẹ ngẹrị ḅụ. Àrị ị́ tẹkẹm, yei Tamụnọ, mịẹtẹ àrị inetẹ gbọrụ sakị ḅụ Filisiteniapụ ma ọgọnọ ḅụ ị̀ amaa tọrụngbọ ma gbẹẹfị ḅii ḅẹ ḅara.”