Jerimaya 15:14 - FỊAFỊA BAỊBỤLỤ

¹⁴ À mịẹ tẹ ị̀ atomi fịrịmẹnjị ini na fịya-a apụ pịrị ḅa, ịn gbala-gbala amụ anị gboloma ye nimi-a amakiri ḅụ; ị̀ ịganị fịnị kịka tẹ kọrị gbamaso ḅa ẹrẹsị.”

Jerimaya 15:14 Iomraidhean Croise

Devidi-Anume 21:9

Ò tolu-sịẹ sakị ori orumo kịka fịnị kẹ ịn ḅaa guluguluma ḅa. KỊNỊNYANAḄỌ ḅe ịn mẹnị ọkị ḅa ori ịganị ḅụ, tẹ fịnị ịn dọkịma fama ḅa.

Ayịzaya 42:25

Mie ḅụ ori ịganị ḅẹ kụrọ wamịna ḅụ ịnọm tẹ wa ọmụ kụrọ-ḅara ḅẹ tọrụsiẹrị ẹrịm. Ori ịganị fịnị kịka tẹ kọrị Izirẹlị ikelemam, kụma gbala-gbala paka sime ye tiye-o tiye-o wa nimi-a; anị ḅụ wa ḍawọ ḅo gberie-sọ ofori.

Jerimaya 14:18

À ḍụọ ḍiḅi apiri ma ḅio sọ-muarị sakị ọmụ ḅio ịn ḅaa owiapụ ḍụẹịn mie arị ẹrịarị; arị ama ma sọ-muarị sakị, ḅuru-ḅaarị apụ mie arị ẹrịarị. Ịkịankoroapụ na agbamịẹapụ na ịna kọrịnama kọrịarị, kụma ịn mịẹarị ye tiye-o tiye-o in nimi-a.

Jerimaya 15:4

À mịẹ tẹ tomikiri ḅẹ apụ mamgba in gotẹ sịḅị kanakana ḅa, Hẹzịkaya owiḅọtụḅọ Manasẹ Juda sịẹ mẹ daarị sakị ḅụ Jeruselemu ḅụ mịẹ ye ẹrẹsị.

Jerimaya 16:13

Anịtẹso, mie ḅụ, arị ó sukuruma pakama ḅa mị amakiri mẹ ḅụ, tẹ ó mu ọmịnị-o, ọmịna elemu aḍapụ ma-o, amụ nimi-a anga mu ḅa. Tẹ anịanga ọ́ fịrịmẹnjị oru-atamụnọ pịrị ḅa eneḅaka na ḍin na ḅụ, tẹ àrị ọkụrụkụrụ nyana ọ́ pịrị ḅịa.’ ”

Jerimaya 17:4

Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 4:4

Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”

Jerimaya 52:27

Hamatị amakiri mẹ ḅụ. Anị anga ḅụ amadaḅọ ḅe akụ ye kẹ ịn mịẹ tẹrẹmẹ ịn ḅaam. Anị ḅara ḅụ ịn Juda ḅẹ apụ ma kun-so jen sịẹ iḅere-iḅerea anga mum.

Emọsị 5:27

arị ọmịnị ọkị mu Damasịkọsị ḅọrọ fa amakiri ḅụ kun-ḅara ḅio suu sakị”, KỊNỊNYANAḄỌ ḅe, Kụrọmamgba nyana Tamụnọ kẹ ẹrẹ fị ḅọ ḅe ọkọ ḅẹẹarị.

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.

Ditẹrọnọmị 28:36

“KỊNỊNYANAḄỌ ḅe ọmịnị na, ọmịna amadaḅọ tẹ ọ́ kẹ ọmịna sịḅị-dama ḅọ na ọkị-ḅo gbọrụ opu sịẹ tẹ ọmịnị, anịanịa ọmịna aḍapụ sọ amụ nimi-a sịẹ pịrị ḅa; tẹ anịjụ ọ́ fịrịmẹnjị ịn sịn na, ḍụḅarị na kẹ mịẹ ja oru-atamụnọ pịrị ḅa.

Ditẹrọnọmị 28:64

“Anịsakị KỊNỊNYANAḄỌ ḅe ọ́ gala-galama ḅa tomi-kụlọkụlọ mamgba ogbo-ḅio tomikiri mẹ ḅụ gbọrụ kunoma ḅụ ọkị mu osi kunoma la; tẹ anịjụ ḅụ ọ́ fịrịmẹnjị sịn na ḍụḅarị na kẹ tẹmẹ ja oru-atamụnọ ma pịrị ḅa, arị aị ma tẹ ọmịnị, anịanịa ọmịna aḍapụ sọ nimi-a aị ma.

Ditẹrọnọmị 29:23

Bebe ama mẹmgba sọlụfọ nwẹn sịn ye-dọkịmaye na fụn na anị gbaịn ḅa; anị ḅụ ḍiḅi gberie sọ so-paka ḅịa, osuka sọ inetẹ so-paka ḅịa anga. Bebe ama mẹ Sọdọmụ na Gomora na Adima na Zeboyimu na, tẹ KỊNỊNYANAḄỌ ḅe ò ye ḅụụ-ḅẹsọ na, ịganị ḅụ na fama opu ama ma fa tẹ sime-ḅara sime ḅa.

Ditẹrọnọmị 32:22

Gbala ị̀ ịganị ḅụ fịnị kẹngẹmarị, tẹ dọkịma ma-mu ḍuḅu mẹ ḅẹ pokolo ayọ laarị. Tomikiri mẹ na, anị ḅụ sọ aị na gulugulumarị, tẹ fịnị kẹ tụndụ ma ḅẹ sukutarị-aḍụḅarị ma ḅụụ sụarị.

Hiburu 12:29

kẹ gotẹ ọkọ ḍukoarị, karakara-ḅara-ḅụ, wamịna Tamụnọ ḅe anie ye dọkịma fama-fama kọrị-fịnị.