Jerimaya 15:13 - FỊAFỊA BAỊBỤLỤ

¹³ KỊNỊNYANAḄỌ ḅe ị̀ ḅẹẹm, “Àrị ini na fịya-a apụ fịrịma mu ị̀ atomi ngọ ma na ịn kẹ ḅụụ wẹrịma aị ma na dogi-so ḅa, arị ịna bebe amakiri mẹ ḅụ mịẹ asi ma fomu-ḅara kẹ ịn pịrị ḅẹ ḅara.

Jerimaya 15:13 Iomraidhean Croise

Devidi-Anume 44:12

Ị́ ị́ atomi ma kẹ kala ḅịḅị dẹrịm, gbala í kuromam ini ị́ ịn kẹ mịẹ ḅẹ ye ofori ḅara sime tẹẹ.

Ayịzaya 52:3

KỊNỊNYANAḄỌ ḅe ori atomi ḅẹẹarị: Ọmịnị omoni-sọ sakị ọmịna sịḅị ḅẹ igbigi gbẹẹ gbọrụḅọ-sọ ofori; anị gbọrụ ḅara ḅụ ọ́ pakama-ḅo ḅụ gberie-sọ gbẹẹ ḅịa.

Ayịzaya 52:5

Tẹ mịọkụ Babịlọnị ḅụ anị gberie mẹ paka tẹ; ọmịnị kun-soapụ, tẹ gbọrụ igbigi sọ ọmịna sịḅị ḅọrọ-a. Ḅẹrẹtọn ọ́ pịrịarị apụ ma ḅụụ-boma-boma tẹ sịkọpẹlẹ-a ḅara kẹ ì ḍiki-iderimarị.

Jerimaya 15:8

Ọmịna amakiri mẹ ḅụ diapụ-fịtẹ-ereme kịẹn-ḅịḅị tuḅu ọgọnọ ḅẹ onwin mgbọlị ma kịẹn-ḅịḅị nẹngịm. Yẹrị ọmịna asawọ ma ḅaam ịna asambịrịma sakị ḅụ tẹ mịẹ tẹ ịna iyingiapụ tọrụsiẹrịm. Ḅiotọn-a ḅara mie à kẹ in fomu ye kururu na opu ḅalafama ye na ḅụ

Jerimaya 17:3

pịkị tụndụ ma ọgọnọ piri ọgọnọ-jụ ḅụ. À mịẹ tẹ si kẹ ọ́ tọn apụ ọmịna ngọ na ó koko ḅụụ wẹrịma aị ma na ọkị so ḅa, ọmịna amakiri mẹ kana-koro ḅụ ọ́ mịẹ tẹ asi ma ẹrẹsị.

Jerimaya 20:5

À pịkị wẹrịso tẹ si kẹ ịn tọn apụ ma mị opu ama mẹ ḅẹ ngọ mamgba fọịn tẹ anị nyana aị mamgba kọrị-ọkị ḅa, Juda ḅẹ amadapụ ma kẹ koko ḅụụ-wẹrịma aị kịngẹ sọ, tẹ ye goyegoye dogi-so Babịlonịya mu ḅa.

Izikẹlị 38:13

Sẹba na Dedanị na Sipeni na ama ma ḅụ sime tẹ ḅo masịnịapụ ma í gbela ḅa, ‘Ị́ ọmụ-ogbo kobiri tẹ, owu paka tẹ ye fọịn tẹ kụrọ-ḅara kẹ ye tan so ḅẹ ḅara? Ị́ ḅiiarị í seleḅa na golu na nyana, opu ama ma na ja ngọ na, tẹ gbọịn-gbọịnma arị ọmụ ḅio ị́ fọịn ḅo aị mamgba kẹ mẹnjị-so?’ ”

Zẹfanaya 1:13

Ịn nyana sara aị ma ja apụ ọkị so tẹ ịna awarị kan guluguluma ḅa. Gbala-gbala ịn namarị awarị ma ḅio ini anga ḅịa anịanịa in ḍiḅiarị vaịnị aḍụọ ma ḅụ ḅo iru ḅuu.”